2 أيث-سلونيك 2:2 - ثريفيث 2020

² وَار تنْخْڒِيعم شَا ذغْيَا ذِي ڒَعْقڒ نْوم، وَار تْخيَّاقم شَا عْلَاحْسَاب شَا ن اَرُّوْح ن لْوَاحِي نِغ ذ شَا ن وَاوَاڒ نِغ ذ شَا ن ثبْرَات زَّايْنغ زَعْمَا يقَّارن اَقَا يُوْم ن سِيذِيثْنغ قَا يُوْوض-د.

2 أيث-سلونيك 2:2 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 24:24

أَقَا اَطَّاس إِي د غَا يمظْهَارن س يخَرِّيقن اَذ ينِين اَقَا نش ذ لْمَسِيح نِغ نش زِي لْأَنْبِيَا. أَذ ݣّن لْمُعْجِزَاث ذ ثِمقّْرَانِين ذ ڒَعْجَايب زَعْمَا حمَا اَذ خذْعن يوْذَان. مَعْلِيك زمَّرن يڒِي خذْعن ؤُڒَا ذ يِنِّي يخْضَر أَربِّـي.

مرقس 13:7

خْمِي غَا ثسْڒَام خ لْحُرُوْب ذ ڒخْبَار ن لْحُرُوْب وَار تݣّْوْذث شَا، لَابُد زِي مَانَايَا. وَلَكِن دُّنشْت-أَ عَاذ وَار ثْفنِّي شَا.

لوقا 21:19

س صّْبَار نْوم اَتَاف اَذ تْنجْمم.

لوقا 21:9

خْمِي غَا ثسْڒَام خ لْحُرُوْب ذ لْفِيتْنَاث وَار تݣّْوْذم شَا مِينْزِي ثِمسْڒَايِين نِّي لَابُد اَذ وقْعنْت ذ اَمزْوَارُو. وَلَكِن دُّنشْت-أَ عَاذ وَار ثْفنِّي شَا."

يوحنا 14:1

"ئِتْخصَّا كنِّيو وَار تْخيِّيقن شَا وُوْڒَاون نْوم. أَمْنث زِي أَربِّـي، أَمْنث عَاوذ زَّايي.

يوحنا 14:27

تِيجّغ-اَوم ڒهْنَا، تِيشّغ-اَوم ڒهْنَا ينُو. وَار ذَاوم ث تِيشّغ شَا اَم ث تِيشّ دُّنشْت. ئِتْخصَّا ؤُڒَاون نْوم وَا تْخيِّيقن وَار تݣّْوْذن شَا.

1 أيث-كورينث 1:8

ذ نتَّا إِي كنِّيو غَا يسْبدّن غَار ونݣَّارُو اَتَاف وَار ذَايْوم يتِيڒِي بُو ڒْعِيب ذِي نْهَار نِّي ن سِيذِيثْنغ عِيْسَى لْمَسِيح.

1 أيث-كورينث 14:32

وَا لْقُدْرَاث رُوْحِيَاث ن لْأَنْبِيَا اَقَاثنْت خ يِيرِي نْسن س يِيخف نْسن.

1 أيث-كورينث 7:26

عْلَاحْسَاب ڒْوقْث-أَ يقسْحن، يعْنِي مْلِيح مڒَا يقِّيم بْنَاذم مَامش يدْجَا.

أيث-ؤفسوس 5:6

وَار تجَّاث شَان حَدّ اَكنِّيو يشْمث س وَاوَاڒن نّس يخْوَان. لِأَنَّا خ سَّبَاب ن ثْمسْرَايِين-أَ إِ د يهوَّا وغْضَاب ن أَربِّـي خ يِنِّي إِي ث يعصَّان.

1 أيث-سلونيك 3:3

نسّكّ-يث حمَا ؤُڒَا ذ يجّن وَار يترْجِيجِي شَا س ڒمْحَاين-أَ نْوم؛ أَقَا ثسّْنم بلِّي مَانَايَا إِي خَانغ يُوْرِين.

1 أيث-سلونيك 4:15

عْلَاحْسَاب اَوَاڒ ن سِيذِيثْنغ نقَّار-اَوم قَا نشِّين يعْنِي يِنِّي عَاذ يدَّرن يعْنِي يِنِّي عَاذ يقِّيمن ذِي دُّنشْت-أَ خْمِي د غَا يَاس سِيذِيثْنغ قَا نشِّين وَار نتْݣَعِّيذ شَا ذ يمزْوُوْرَا خ يِنِّي يطّْصن ذݣ يمضْڒَان.

1 أيث-سلونيك 5:2

أَقَا ثسّْنم مْلِيح بلِّي يُوْم ن سِيذِيثْنغ اَذ د يَاس اَم د يُوْسَا يج وشفَّار س دْجِيڒث.

2 أيث-سلونيك 2:15

إِذن آي أَيثْمَا، بدّم نِيشَان، طّْفم ذِي تَّعَالِيم نِّي إِي كنِّيو نْسڒْمذ وَاخَّا س وَاوَاڒ نّغ وَاخَّا س ثبْرَات نّغ.

2 أيث-سلونيك 3:17

سْڒَام-أَ وَانِيتَا ؤُرِيغ-ث نش س وفُوْس ينُو بُوْلُس، ذ تَانِيتَا ذ لْعَلَامَا ينُو يدْجَان ذِي مَارَّا ثِبْرَاثِين ينُو. أَمُّو إِي تَارِيغ نش.

لواحي ن يوحنا 19:20

يتْوَاطّف ڒْوَحْش ذ اَمحْبُوْس، أَكِذس ونِّي يتَارَّان يخف نس ذ نَّبِي إي تُوْغَا يتݣّن لْمُعْجِزَاث زَّاث إِ ڒْوَحْش. س لْمُعْجِزَاث نِّي يخْذع يِنِّي إِي ذِي يدْجَا طَّبَع ن ڒْوَحْش تْسجَّاذن-اَس إِ لْأَصْنَام نّس. ڒْوَحْش ذ ونِّي يتَارَّان يخف نّس ذ نَّبِي منْضَارن س ثْنَاين إِذْسن ذِي ڒبْحَر ن ثْمسِّي يرقّن س ڒكْبْرِيْيث أُو نِثْنِي اَقَاثن عَاذ س بُوْحْبڒ نْسن.