2 أيث-سلونيك 2:13 - ثريفيث 2020

¹³ فَا آي أَيثْمَا إِي خف يعِيزّ سِيذِيثْنغ، لَابُد أَ نْشكَّر أَربِّـي خَاوم مِينْزِي يخْضَر-يكنِّيو ذ يمزْوُوْرَا نِّي يعْنِي ذ يِنِّي إِي تْوَاسْنجْمن س ڒْخذْمث نِّي يسِّيصْفَان ن أَرُّوْح يقدّْسن ذ يِجّن تِّقث نْوم ذِي لْحَقِيقَا.

2 أيث-سلونيك 2:13 ပူးပေါင်းရင်းမြစ်များ

لوقا 1:75

س وُوْڒ يصْفَا ذ اَشمْڒَاڒ إِ مَارَّا ثُوْذَارْث نّغ.

يوحنا 1:1

ذݣ ومزْوَارُو يدْجَا وَاوَاڒ. أَوَاڒ نِّي يدْجَا اَك أَربِّـي. أَوَاڒ نِّي ذ نتَّا إِݣ يدْجَان ذ أَربِّـي.

يوحنا 14:6

ئِنْدق-د عِيْسَى ينَّا-ٱس: "نش ذ اَبْرِيذ، نش ذ لْحَقِيقَا، نش ذ ثُوْذَارْث. وَار د يتِيس ؤُڒَا ذ يجّن غَار بَابَا إِلَّا زَّايي.

ڒخذايم 13:48

يِنِّي وَار يدْجِين شَا زِي أَيث-إِسْرَائِيل وَامِي سْڒِين مِين ينَّا بُوْلُس، فَرْحن حمّْذن إِ وَاوَاڒ ن سِيذِي أَربِّـي. ؤُمْنن مَارَّا يِنِّي يخْضَر أَربِّـي إِ ثُوْذَارْث ن ڒبْدَا.

ڒخذايم 15:9

وَار يݣِّي بُو س وُوْذمَاون جَارَانغ، ئِسِيرذ-اَسن ؤُڒَاون نْسن وَامِي ؤُمْنن.

أيث-روما 6:17

وَلَكِن أَ نحْمذ أَربِّـي! وَاخَّا ثْطَاعم إِ ڒْمُعْصِيّث قْبڒ، ڒخُّو ثْطَاعَام س وُوْڒَاون نْوم إِ ؤُسڒْمذ نِّي إِي كنِّيو يسِّيوْضن. ثهْنَام زِي ڒْمُعْصِيّث، ثْذوْڒم ذ يسمْغَان إِ مِين يدْجَان نِيشَان.

أيث-روما 8:33

وِي يزمَّرن اَذ يتَاهم يِنِّي إِي يخْضَر أَربِّـي؟ ؤُڒَا ذ يجّن! أَربِّـي س يِيخف نّس نتَّا إِݣ يسمْصْڒَاحن اَكِذس يوْذَان.

أيث-روما 9:11

ثُمَّا يكَّر أَربِّـي ينَّا-ٱس إِ رَفِيقَا قَا اَمقّْرَان اَذ يِيڒِي ذ اَخدَّام غَار ومزْيَان. ئِڒَاغَا-يَاس-د أَربِّـي إِ نتَّا وَاهَا، نِثْنِي وَار ݣِّين وَالُو. تُوْغَا عَاذ وَار د خْڒِيقن شَا عَاذ وَار ݣِّين ڒْخِير وَار ݣِّين شَّرّْ، وَلَكِن سِيذِي أَربِّـي يخْضَر يجّن زَّايْسن يسْمظْهَار-د ڒْخَاضَر نّس إِي غَا يِيڒِين.

1 أيث-كورينث 1:21

ئِسْبُوْهڒِي-ت س ڒفْهَامث ن مِين نتْبشَّار نشِّين. مَامّش؟ س ڒفْهَامث-أَ ن أَربِّـي يعْجب-اَس اَذ يسنْجم يِنِّي يتَامْنن، وَلَكِن يوْذَان ن دُّنشْت-أَ وَار زمَّرن اَث سّْنن س ڒفْهَامث نْسن.

أيث-ݣلاطيا 3:1

آ أَيث-ݣَلَاطْيَا، مَا ثْبُوْهْڒِيّم نِغ؟ وِي ذَاوم يݣِّين سّْحُوْر؟ نْشرّح-اَوم مْلِيح زَّاث إِ ثِيطَّاوِين نْوم مَامّش يمُّوْث لْمَسِيح خ صَّلِيب.

أيث-ؤفسوس 2:8

أَقَا س اَرْضَا ن سِيذِي أَربِّـي إِي زِي ثْنجْمم وَامِي ثُوْمْنم. مَانَايَا وَار زَّايْوم د يتكّ شَا زِي كنِّيو؛ لَّا، مَانَايَا يتكّ-د زِي لْهَدِيَا ن أَربِّـي.

أيث-كولوس 1:5

لْإِيمَان-أَ ذ ڒمْحِبّث-أَ تَاسن-د زِي لْأَمَال نِّي يتْوَاخمّْڒن إِ كنِّيو ذݣ وجنَّا. تُوْغَا ثسْڒِيم خَاس ذݣ وَاوَاڒ ن ڒْحَقّ يعْنِي ذِي لْإِنْجِيل إِي غَارْوم د يُوْضن. ذِي مَارَّا دُّنشْت-أَ لْإِنْجِيل-أَ يتَارو يتمْغَار، مَامش عَاوذ يخدّم جَارَاوم زݣ وَامِي إِي ذَاس ثسْڒِيم ثْفهّْمم ذ صَّح اَرْضَا ن أَربِّـي.

أيث-كولوس 3:12

إِذن كنِّيو ذ شَّعْب مُقدّس يخْضَر-يكنِّيو أَربِّـي ثْعِيزّم خَاس. لَابُد اَذَايْوم ثِيڒِي لْحَنَانَا ذ ڒْخِير ذ تَّوَاضُع ذ صّْبَر أُو مَارَّا بْڒَا تَّكبُّر.

1 أيث-سلونيك 1:4

آي أَيثْمَاثْنغ يِنِّي يعِيزّن خ أَربِّـي، نسّن قَا نتَّا يخْضَر-يكنِّيو.

1 أيث-سلونيك 2:12

بَاش اَذ تُوْيُوْرم س يِجّن ن ثِيشْرِي إِي ذَاس يتِيشّن لْقِيمَا إِ أَربِّـي إِݣ يسْذَاهدْج نتَّا يعْنِي ونِّي إِي ذَاوم د يتْڒَاغَان غَار ڒْمُلْك نّس ذ لْعَظَمَا نّس.

1 أيث-سلونيك 4:7

مِينْزِي أَربِّـي وَار ذَانغ د يڒَاغِي شَا بَاش أَ نْعِيش ذِي مِين يخنْزن؛ لَّا، ئِڒَاغَا-يَانغ-د أَ نْعِيش ذِي مِين يصْفَان.

1 أيث-سلونيك 5:9

قَا وَار ذَانغ يخْضَر شَا أَربِّـي بَاش اَخَانغ يكّ وغْضَب؛ لَّا، قَا يخْضَر-اَنغ بَاش أَ ننْجم س وفُوْس ن سِيذِيثْنغ عِيْسَى لْمَسِيح.

2 أيث-سلونيك 1:3

آي أَيثْمَا، ئِتْخصَّا أُو لَابُد أَ نْشكَّر أَربِّـي خَاوم ڒبْدَا. قَا مَانَايَا نِيشَان مِينْزِي لْإِيمَان نْوم يتمْغُوْر س وَاطَّاس، مِينْزِي عَاوذ ڒمْحِبّث نْوم ثْرنِّي اَك وَايَاوْيَا.

2 أيث-سلونيك 2:10

ذ مَارَّا يبْرِيذن ن شَّرّْ إِي زِي تْوَاشمَّاثن يِنِّي يفنَّان. نِثْنِي اَذ فْنَان مِينْزِي وَار قْبِيڒن شَا اَذ تخْسن لْحَقِيقَا بَاش اَثن يسنْجم أَربِّـي.

2 أيث-سلونيك 2:12

حمَا اَذ تْوَاحَاسْبن مَارَّا يِنِّي وَار يُوْمِينن شَا س لْحَقِيقَا اَرْضَان س شَّرّْ.

2 أيث-سلونيك 2:16

سِيذِيثْنغ عِيْسَى س يِيخف نّس أُو عَاوذ أَربِّـي بَابَاثْنغ ونِّي إِي ذَانغ يُوْشِين س اَرْضَا نّس يجّن ن وشجّع وَار يفنِّين شَا عمَّارْص ذ يجّن ن لْأَمَال يصْبَاح، أَتَاف اَكنِّيو يشجّع س وُوْڒَاون نْوم اَثن يسجْهذ عْلَاحْسَاب ذِي كُڒ ڒْخذْمث ذ كُڒ اَوَاڒ اَصبْحَان.

2 تيموتاوس 1:9

ئِسنْجم-اَنغ يڒَاغَا-يَانغ-د س يِجّن ن ؤُڒَاغِي مُقدّس. وَار ذَانغ د يڒَاغِي شَا عْلَاحْسَاب لْحَسَانَاث نّغ؛ لَّا، ئِڒَاغَا-يَانغ-د عْلَاحْسَاب لْغَرَض نّس نتَّا ذ اَرْضَا نّس إِي ذَانغ د يُوْشَا ذِي عِيْسَى لْمَسِيح قْبڒ مَا ٱذ تبْذَا ڒْوقْث ن دُّنشْت-أَ قَاع.

2 تيموتاوس 2:15

اݣّ لْمجْهُوْد نّش بَاش اَذ تْسحْضَارذ يخف نّش غَار أَربِّـي اَم يِجّن غَارس يدْجَان مقْبُوْل، يعْنِي اَم يِجّن ن وخدَّام وَار غَارس مِينْخف إِي غَا يسذْحَا يتْفسَّار نِيْشَان اَوَاڒ ن لْحَقِيقَا.

2 تيموتاوس 3:15

أَقَا زِي ثمْࢲِي نّش ثسّْنذ عَاوذ ثِيْرَا يدْجَان مُقدّْسِين زمَّرنْت اَش د اَرّنْت ذ مِيغِيس عْلَاحْسَاب مَامش إِي غَا ثْنجْمذ س لْإِيمَان نِّي يدْجَان ذِي عِيْسَى لْمَسِيح.

يعيبرانيين 1:10

ئِقَّار عَاوذ: <آي أَربِّـي، ذݣ ومزْوَارُو ثْسرْسذ دْسَاسَاث ن دُّنشْت-أَ، ثݣِّيذ يجنَّاثن س وفُوْس نّش.

ثبرات غار يعقوب 1:18

وَامِي يخس نتَّا، ئِكَّر يَارَّا-ٱنغ ذ ثَارْوَا نّس إِي د يجَّا س وَاوَاڒ ن لْحَقِيقَا حمَا أَ نِيڒِي نشِّين ذ يمزْوُوْرَا زِي مِين د يخْڒق.

1 يوحنا 4:10

س مَانَاينِّي مِينْزِي ذَاس قَّارن ڒمْحِبّث. مَاشِي ذ نشِّين إِي يخْسن أَربِّـي، ذ نتَّا إِي ذَانغ يخْسن وَامِي د يسّكّ مِّيس اَذ يِيڒِي ذ لْفِدْيَا خ ڒْمُعْصِيَاث نّغ.

1 يوحنا 4:19

نشِّين نْتخْس مِينْزِي نتَّا يخس-اَنغ ذ اَمزْوَارُو.