2 أيث-سلونيك 1:9 - ثريفيث 2020

⁹ أَذ تْوَاعَاقْبن س يِجّن ن لْخَرَاب وَار يفنِّين شَا، أَذ تْوَاحَرّْمن زݣ وغمْبُوْب ن سِيذِيثْنغ ذ لْعَظَمَا ن جّْهذ نّس.

2 أيث-سلونيك 1:9 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 16:27

أَقَا مِّيس ن بْنَاذم اَذ د يَاس س لْعَظَمَا ن بَابَاس اَك لْمَلَائِكَاث نّس، أُوشَا اَذ يجَازَا مْكُڒ يجّن عْلَاحْسَاب ڒْخذْمث نّس.

أَسڒْمذ ن سِيذِيثْنغ عِيْسَى لْكِتَاب ن مَتَّى 22:13

أُوْشَا ينَّا-ٱسن وزدْجِيذ إِ يخدَّامن نّس: شَرْفم-ث زݣ يضَارن ذ يفَاسّن نْضَرم-ث بَارَّا غَار ثَادْجسْت مَانِي غَا يڒِين يمطَّاون ذ وغࢲَّاࢲ ن ثغْمَاس."

أَسڒْمذ ن سِيذِيثْنغ عِيْسَى لْكِتَاب ن مَتَّى 24:30

أُوْشَا اَذ تْمظْهَار لْعَلَامَا ن مِّيس ن بْنَاذم ذݣ وجنَّا، ڒخْدّنِّي إِي غَا حزْننْت مَارَّا ثِقبَّاڒ ن ثْمُوْرْث. أَذ ࢲرنْت مِّيس ن بْنَاذم يهوَّا-د ذݣ وسيْنُو ن وجنَّا س لْعَظَمَا ذ جّْهذ نّس يمْغَارن.

أَسڒْمذ ن سِيذِيثْنغ عِيْسَى لْكِتَاب ن مَتَّى 25:41

ڒخْدّنِّي يِنِّي يدْجَان خ وࢲڒْمَاض اَذَاسن يِينِي ؤُزدْجِيذ: آ يِنِّي ينْعڒ أَربِّـي بعّْذم خَافِي! رُوْحم غَار ثْمسِّي إِي وَار يخسِّين عمَّارْص، ئِسْوجْذن إِ شِّيطَان ذ شَّيَاطِين نّس!

أَسڒْمذ ن سِيذِيثْنغ عِيْسَى لْكِتَاب ن مَتَّى 25:46

أَذ رَاحن يِيْنَا غَار ثْمسِّي إِي وَار يخسِّين عمَّارْص. وَلَكِن يصبْحَانن اَذ رَاحن غَار ثُوْذَارْث ن ڒبْدَا."

أَسڒْمذ ن سِيذِيثْنغ عِيْسَى لْكِتَاب ن مَتَّى 26:24

مِّيس ن بْنَاذم اَذَاس يوْقع عْلَاحْسَاب مَامش خَاس يقَّار لْكِتَاب، وَلَكِن يَا ڒفْضِيحث ن بْنَاذم نِّي إِي ث غَا يزّنْزن! حْسن إِ نتَّا مْڒِي وَار د يخْڒِيق شَا."

أَسڒْمذ ن سِيذِيثْنغ عِيْسَى لْكِتَاب ن مَتَّى 7:23

ڒخْدّنِّي اَذَاسن ينِيغ: تُوْغَايِي نش عمَّارْص وَار كنِّيو سِّينغ شَا. بعّْذث خَافِي آ يِنِّي يتݣّن شَّرّْ!

لوقا 13:27

أَذَاوم يِينِي: نش وَار سِّينغ شَا زِي مَانِيس د تُوْسِيم. بعّْذم خَافِي آ يِنِّي يتݣّن شَّرّْ!

يوحنا 5:14

منْبَعْد إِ مَانَاينِّي عِيْسَى يُوْفَا ونِّي يݣنْفَان اَقَاث ذِي ثمْزِيذَا ثَمقّْرَانْت ن أَيث-إِسْرَائِيل ينَّا-ٱس: "أَقَاش ثْݣنْفِيذ، وَار تݣّ بُو ڒْمُعْصِيَاث عَاوذ حمَا وَار ذَاش يتوْقِيع كْتَار زِي مِين تُوْغَا ذَايش."

أيث-فيليـپـي 3:19

أَنݣَّارُو نْسن اَذ يتْوَامْحَا. أَربِّـي نْسن نتَّا ذ اَعدِّيس نْسن. سمْغَارن يخف نْسن س ڒفْضَايح نْسن. ڒَعْقُوْڒَاث نْسن نُّوْغن ذِي ثْمسْڒَايِين ن دُّنشْت-أَ.

1 أيث-سلونيك 5:3

أَتَاف خْمِي غَا يِنِين يِوْذَان اَقَا ذِنِّي لْأَمَان ذ ضّْمَان ڒخْدّنِّي اَخَاسن د يهْوَا يجّن ن لْخَرَاب ذغْيَا اَمشْنَاو مَامش د يتَاس ڒحْڒِيق ن ثَارْوَا إِ ثمْغَارْث يتَارْون. أَتَاف وَار زمَّرن نِثْنِي اَذ اَروْڒن.

2 أيث-سلونيك 2:8

ثُمَّا اَذ د يمظْهَار لْمسْخُوْط، أَخَاس يصُوْض سِيذِيثْنغ عِيْسَى س وقمُّوْم نّس اَث ينغ، أَث يسْبطّڒ س لْعَظَمَا نّس إِي زِي د غَا يعْقب عِيْسَى.

ثبرات غار تيتوس 2:13

أُو نشِّين غِير نتْرَاجَا لْأَمَال نِّي يتْوَابَرْكن يعْنِي نْهَار نِّي إِي ذَايس د غَا ثْمظْهَار لْعَظَامَا ن أَربِّـي اَمقّْرَان ذ وْمْسنْجم نّغ عِيْسَى لْمَسِيح.

يعيبرانيين 10:29

ئِي كنِّيو، مِين تْفكَّرم؟ مشْحَاڒ إِي غَا يِيڒِي لْعِقَاب إِݣ يسْذَاهدْج ونِّي يسحْقَارن مِّيس ن أَربِّـي، ئِسخْنز يذَامّن ن ڒْعَهذ نِّي إِي زِي يتْوَاسِّيصْفَا، يزبّڒ أَرُّوْح ن اَرْضَا!

2 بطرس 2:17

ئِثَرَّاسن-أَ نِثْنِي ذ ڒَعْنَاصڒ بْڒَا يَامَان ذ ثَايُّوْث إِي ثْندّه لْعَصِيفَا وَاهَا. نِثْنِي ثتْوَاسّوْجذ-اَسن يجّن ن ثَادْجسْت ذ ثَبرْشَانْت اَطَّاس.

2 بطرس 3:7

ڒخُّو عَاوذ س ڒُوْصِيّث نّس تْوَاخمّْڒن يجنَّاثن ذ ثْمُوْرْث ذِي ڒْوقْث-أَ إِ ثْمسِّي، أَقَا تْوَاسّوْجَاذن إِ يُوْم لْحِسَاب ذ لْعِقَاب اَذ سفْنَان يِنِّي وَار يتْطِيعِين شَا إِ أَربِّـي.

ثبرات زي يهوذا 1:13

نِثْنِي ݣِّين اَم ڒمْوَاج ن ڒبْحَر شَّاثنْت س ڒفْضِيحث ن ؤُكُوْفُّو نْسنْت. نِثْنِي ݣِّين اَم شَان يثْرَان يفّْغن زݣ ؤُمْشَان نْسن ݣُّوْرن غَار يِجّن ن ثَادْجسْت ذ ثَبرْشَانْت إِݣ يتْوَاسْوجْذن إِ ڒبْدَا ن ڒبْدَاث.

لواحي ن يوحنا 20:11

ࢲْرِيغ يجّن ن لْعَرْش ذ اَشمْڒَاڒ ذ اَمقّْرَان. ونِّي خَاس يقِّيمن ثَرْوڒ زَّايس ثْمُوْرْث ذ وجنَّا وَار ذَاسن يقِّيم بُو ومْشَان.

لواحي ن يوحنا 20:14

ثْمنْضَار-د ڒْموْث ذ لْأَخِرَا ذِي ڒبْحَر ن ثْمسِّي. قَا ڒبْحَر نِّي ن ثْمسِّي نتَّا إِݣ يدْجَان ذ ڒْموْث وِيس ثْنَاين.

لواحي ن يوحنا 21:8

وَلَكِن شّْمَايث ذ يِنِّي وَار يُوْمِينن شَا ذ يِنِّي يدْجَان ذ يعفَّانن ذ يِنِّي ينقّن يوْذَان ذ يِنِّي يفسّْذن ذ يسحَّارن ذ يِنِّي يعبّْذن لْأَصْنَام ذ مَارَّا يِنِّي يسْخرِّيقن قَا اَمْشَان نْسن اَذ يِيڒِي ذِي ڒبْحَر يرقّن س ثْمسِّي ذ ڒكْبْرِيْيث. قَا ثنِّي ذ ڒْموْث وِيس ثْنَاين."

لواحي ن يوحنا 22:15

غَار بَارَّا ن ثنْدِينْت دْجَان ذِنِّي يقْزِينن ذ يسحَّارن ذ يِنِّي يفسّْذن ذ يِنِّي ينقّن يوْذَان ذ ينِّي يعبّْذن لْأَصْنَام ذ مَارَّا يِنِّي يسْخرِّيقن إِي تْحِبَّان يخَرِّيقن.