2 بطرس 3:17 - ثريفيث 2020

¹⁷ إِذن آي يمْعِيزّن ينُو، كنِّيو ثسّْنم مَانَايَا، حْضَاث يخف نْوم بَاش وَار كنِّيو يتَاوِي شَا لْغَلَط ن لْمُفْسِدِين اَذ د توْضَام زِي دْسَاس نْوم.

2 بطرس 3:17 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 16:11

مَامّش ثݣِّيم وَار ثفْهِيمم؟ نش وَار سِّيوِيڒغ شَا خ وغْرُوْم. حْضَام يخف نْوم زݣ ونْتُوْن ن لْأَحْزَاب ن يصَدُّوْقِيْين ذ يفَرِّيسِيْين."

أَسڒْمذ ن سِيذِيثْنغ عِيْسَى لْكِتَاب ن مَتَّى 16:6

ينَّا-ٱسن عِيْسَى: "غَارْوم! حْضَام يخف نْوم زݣ ونْتُوْن ن لْأَحْزَاب ن يفَرِّيسِيْين ذ يصَدُّوْقِيْين."

أَسڒْمذ ن سِيذِيثْنغ عِيْسَى لْكِتَاب ن مَتَّى 7:15

حْضَام يخف نْوم زݣ يِنِّي يتَارَّان يخف نْسن ذ لْأَنْبِيَا. تَاسن-د غَارْوم اَم شَان ن يحُوْڒِيْين وَلَكِن ذݣ وُوْڒَاون نْسن ذ وشَّانن يوْعَرن.

يوحنا 16:4

قَا نِّيغ-اَوم ثِمسْڒَايِين-أَ ڒخُّو بَاش مڒْمِي د غَا ثَاس ڒْوقْث، أَذ تْعَقْڒم بلِّي نِّيغ-اَوم-ثنْت نش. ذݣ ومزْوَارُو وَار ذَاوم نِّيغ شَا ثِمسْڒَايِين-أَ مِينْزِي نش اَقَايِي اَكِذْوم.

ڒخذايم 2:42

ڒْمُوْمِنِين ڒبْدَا تسْڒَان إِ تَّعْلِيم ن اَرُّسُل، تْمُوْنن اَݣ وَايَاوْيَا اَم وَاوْمَاثن، تتّن اَغْرُوْم اَݣ وَايَاوْيَا، تْࢲَادْجَان.

أيث-روما 16:18

لِأَنَّا يِيْنَا وَار خدّْمن شَا إِ سِيذِيثْنغ عِيْسَى لْمَسِيح، خدّْمن غِير إِ وعدِّيس نْسن وَاهَا. س وَاوَاڒ يِيزِيضن ذ لْمُهَوَاضَا يزوّْقن خدّْعن ؤُڒَاون ن يِنِّي إِي ذِي ثدْجَا نِّيّث.

1 أيث-كورينث 10:12

س مَانَايَا ونِّي ؤُمِي يتْغِيڒ-اَس قَا يبدّ وَار يوطِّي شَا، ئِتْخصَّا-يَاس اَذ د يَارّ ڒْبَاڒ نّس.

1 أيث-كورينث 15:58

س مَانَايَا آي أَيثْمَا يمْعِيزّن ينُو، بدّث نِيشَان مَاشِي اَكنِّيو سنْهزّن. ݣّث لْمجْهُوْد نْوم ڒبْدَا ذِي ڒْخذْمث ن سِيذِيثْنغ، قَا ثسّْنم بلِّي ڒْخذْمث نْوم ذِي سِيذِيثْنغ مَاشِي ذ ڒْبَاطڒ.

22 أيث-كورينث 11:3

وَلَكِن نش ݣّْوْذغ مَامّش ذَاس يوْقع إِ حَوَّا يشْمث-يت وفِيغَر س ثحْرَايْمِيث نّس ؤُڒَا ذ كنِّيو ڒَعْقُوْڒَاث نْوم اَذ فّْغن اَبْرِيذ، وَار ذَاس تْطِيعِيم شَا إِ لْمَسِيح س وُوْڒَاون نْوم بْڒَا نِّفَاق أُو بْڒَا ڒْعِيب.

أيث-ݣلاطيا 5:4

كنِّيو إِي يرزُّوْن صُّلْح س شَّرِيعَا نِّي اَك أَربِّـي، أَقَا ثتْوَاحَرّْمم زِي لْمَسِيح ثْبعّْذم خ اَرْضَا نّس.

أيث-ؤفسوس 4:14

أَمنِّي وَار نتْغِيمِي شَا ذ يحنْجِيرن تَاوِينْت-اَنغ ڒمْوَاج تَارَّانْت-اَنغ. نِغ ذ اَرِّيح يتْصُوْض خَانغ يكسِّي-يَانغ سَّا ذ سَّا س كُڒ اَرِّيح زَعْمَا ن وسڒْمذ أُو س ثحْرَايْمِيث ذ يخَرْوِيضن ن يرْيَازن ذ مِين تْشِيطِّينن.

أيث-فيليـپـي 3:2

حْضَام يخف نْوم زݣ يقْزِينن نِّي، يعْنِي يرْيَازن نِّي يتݣّن شَّرّْ يتْحجَّامن إِ بْنَاذم.

أيث-كولوس 2:5

نش وَاخَّا وَار دْجِيغ شَا اَكِذْوم س دَّات ينُو اَقَايِي اَكِذْوم س أَرُّوْح ينُو، فَرّْحغ نش خْمِي تْوَاڒِيغ لْعِبَادَا نْوم نِيشَان تݣّم-ت ثَا س ثَا أُو مشْحَاڒ إِي تْبدَّام ذِي لْإِيمَان نْوم ذِي لْمَسِيح.

أيث-كولوس 2:8

أَرّم-د ڒْبَاڒ نْوم ؤُڒَا ذ يجّن مَا يزمَّر اَكنِّيو يسْخَرْوض س لْفلْسَفَا نِغ س وغدَّاڒ نِّي يخْوَان عْلَاحْسَاب تَّقَالِيد ن بْنَاذم نِغ عْلَاحْسَاب لْقَوَانِين يقْذِيمن ن دُّنشْت-أَ قَا مَاشِي عْلَاحْسَاب لْمَسِيح.

2 تيموتاوس 4:15

ؤُڒَا ذ شك حْضَا يخف نّش زَّايس مِينْزِي نتَّا يتْعَارَّاض اَطَّاس إِ مِين نتْبشَّار.

يعيبرانيين 3:14

أَقَا نشِّين أَ نِيڒِي ذ يمْعَشَارن ذِي لْمَسِيح يعْنِي مڒَا نقِّيم نطّف مْلِيح اَڒ ونݣَّارُو ذِي تِّقث نِّي إِي تُوْغَا غَارْنغ ذ اَمزْوَارُو.

1 بطرس 5:9

عَرّْضم-اَس إِ إِبْڒِيس، بدّم نِيْشَان خ دْسَاس ن لْإِيمَان نْوم مِينْزِي ثسّْنم بلِّي أَيثْمَاثْوم ذِي مَارَّا دُّنشْت-أَ اَقَا تْوَاعدَّابن اَم كنِّيو.

2 بطرس 2:7

ئِسنْجم أَربِّـي غِير لُوْط نتَّا ذ يجّن ن بْنَاذم إِي يدْجَان نِيْشَان ثسْخيَّاق-يث ڒقْبَاحث ن لْمُفْسِدِين.

2 بطرس 3:1

آي يمْعِيزّن ينُو، ثَبْرَات-أَ ذ وِيس ثْنَاين ڒخُّو إِي ذَاوم د ؤُرِيغ. س ثْنَاين إِذْسنْت سْفكَّرغ-كنِّيو تْشجَّاعغ-كنِّيو س ڒَعْقُوْڒَاث نْوم اَذ تِيڒِيم ثصْفَام.

لواحي ن يوحنا 2:5

فكَّر مشْحَاڒ ثْغلْطذ، تُوْب، اݣّ ڒخْذَايم نّش ثِمزْوُوْرَا. مڒَا ثُوْݣِيذ اَذ تُوْبذ، أَذ د اَسغ غَارك اَذ يْسِيغ ڒْقنْدِيڒ نّش زݣ ومْشَان نّس.