2 بطرس 2:9 - ثريفيث 2020

⁹ أَمُّو عَاوذ يسّن أَربِّـي اَذ يسنْجم يِنِّي إِي ذَاس يتْطَاعَان زِي ڒمْحَاين إِي خَاسن د يتكّن. ئِسّن عَاوذ اَذ يقّن ينِّي يعصَّان سْوَادَّاي لْحُكم نّس حتَّا ٱڒ يُوْم لْحِسَاب ذ لْعِقَاب.

2 بطرس 2:9 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 10:15

أَقَا تسْڒَام ڒْحَقّ: ذِي يُوْم لْحِسَاب ذ لْعِقَاب اَذ يِيڒِي لْعِقَاب ن ثنْدِينْت نِّي كْتَار زِي لْعِقَاب ن ثنْدِينْت ثَعفَّانْت ن سَادُوْم ذ ثنْدِينْت ثَعفَّانْت ن عَمُّوْرَا.

أَسڒْمذ ن سِيذِيثْنغ عِيْسَى لْكِتَاب ن مَتَّى 6:13

وَار ذَانغ تݣّ شَا ذِي ڒمْحَاين، سنْجم-اَنغ زِي شَّرّْ. {ڒَاحقَّاش ڒْمُلْك يدْجَان نّش، ذ ثِزمَّار، ذ لْعَظَمَا إِ شك إِ ڒبْدَا. آمِين.}

أيث-روما 2:5

وَلَكِن شك س ثْغنَّانْت-أَ إِي ذَايك ذ وُوْڒ نّش وَار يتُوْبن شَا تسْمُوْنِيذ اَغْضَاب إِ يِيخف نّش اَڒ يُوْم لْحِسَاب ذ لْعِقَاب، نْهَار إِي ذِي د غَا يمظْهَار ڒْحُكم ن أَربِّـي س ڒْحَقّ.

1 أيث-كورينث 10:13

ثِمسْڒَايِين نِّي ثِنِّي إِݣ يتِيڒِين ڒبْدَا اَك بْنَاذم ذ ثِنِّي إِي كنِّيو يتْغَارَّان. أُو أَربِّـي نتَّا ذَايس تِّقث، وَار كنِّيو يتجِّي شَا اَذ تْوَاغَارَّام س مِين وَار ثْزمَّرم اَذ تصْبَرم؛ لَّا، أَذَاوم يذبَّر يجّن ن ثوَّارْث حمَا اَذ تصْبَرم إِ مَانَاينِّي.

2 تيموتاوس 3:12

ذ صَّح، مَارَّا ونِّي إِي يرزُّوْن اَذ يعِيش س لْإِيمَان يدْجَان ذِي عِيْسَى لْمَسِيح قَا اَذ يتْوَاعدّب.

ثبرات غار تيتوس 2:14

نتَّا يصدّق خَانغ يخف نّس ذ يجّن ن لْفِدْيَا خ مَارَّا شَّرّْ نّغ أُو عَاوذ بَاش اَذ يسِّيصْفَا يجّن ن شَّعْب إِ يِيخف نّس اَتَاف اَذ يڒِين نّس مُجُوْدِين اَذ ݣّن لْحَسَانَاث.

2 بطرس 2:4

إِيوَا شُوْف، قَا أَربِّـي وَار يحِنّ شَا خ لْمَلَائِكَاث وَامِي ث عْصَانْت، ئِرُوْح يقنّ-يثنْت س سْنَاسڒ ينْضَر-يثنْت ذݣ يِجّن ن ثَادْجسْت ذ ثَبرْشَانْت ذِي لْأَخِيرَا مَانِي غَا رَاجَانْت يُوْم لْحِسَاب ذ لْعِقَاب.

2 بطرس 3:7

ڒخُّو عَاوذ س ڒُوْصِيّث نّس تْوَاخمّْڒن يجنَّاثن ذ ثْمُوْرْث ذِي ڒْوقْث-أَ إِ ثْمسِّي، أَقَا تْوَاسّوْجَاذن إِ يُوْم لْحِسَاب ذ لْعِقَاب اَذ سفْنَان يِنِّي وَار يتْطِيعِين شَا إِ أَربِّـي.

ثبرات زي يهوذا 1:6

أَمُّو عَاوذ يوقْعن إِ لْمَالَائِكَاث نِّي إِي يُوْݣِين اَذ قِّيمنْت ذِي لْمَرْطَابَا نْسنْت ن سُّلْطَا سمْحنْت عَاوذ ذِي ثْزدِّيغْث نْسنْت. مِين ذَاسنْت يݣَّا؟ ئِقّن-يثنْت س سْنَاسڒ نِّي وَار يفنِّين شَا عمَّارْص، ئِبلّع خَاسنْت ذݣ يِجّن ن ثَادْجسْت ذ ثَبرْشَانْت اَڒ لْعِقَاب ن نْهَار نِّي اَمقّْرَان.

لواحي ن يوحنا 3:10

ثصْبَرذ خ مِين ش وصِّيغ، س مَانَايَا اَتَاف نش اَش حْمِيغ زِي ثْسَاعَّات نِّي ن ڒمْحَاين إِي د غَا يهْوَان خ مَارَّا دُّنشْت-أَ حمَا يمزْذَاغ ن تْمُوْرْث اَزَّايس تْوَاجَرّْبن.