2 بطرس 1:6 - ثريفيث 2020

⁶ أُو عَاوذ اَرْنِيم ڒحْكَام خ يِيخف نْوم اَك ثُوْسْنَا-يَا نْوم؛ أَو عَاوذ اَرْنِيم طَّاعَا إِ أَربِّـي اَك ڒحْكَام-أَ خ يِيخف نْوم؛

2 بطرس 1:6 ပူးပေါင်းရင်းမြစ်များ

لوقا 21:19

س صّْبَار نْوم اَتَاف اَذ تْنجْمم.

لوقا 8:15

وَلَكِن زَّرِّيعث نِّي إِݣ يوْضَان ذِي ثْمُوْرْث ثَصبْحَانْت نتَّاث اَم يِوْذَان إِي تسْڒَان إِ وَاوَاڒ ن أَربِّـي قبْڒن-ث س وُوْڒ نْسن اَصبْحَان ذ اَشمْڒَاڒ، صبَّارن حمَا اَذ اَرْون.

ڒخذايم 24:25

وَامِي يسِّيوڒ بُوْلُس خ مِين يدْجَان نِيشَان، ذ مَامّش غَا يحْكم بْنَاذم خ يِيْخف نّس، ذ يُوْم لْحِسَاب ذ لْعِقَاب إِي د غَا يَاسن أُوْشَا ئِنخْڒع فِيلِيكْس ينَّا-ٱس: "صَافِي ڒخُّو، عْقب. خْمِي غَارِي غَا ثِيڒِي لْفُرْصَا اَخَاك د ڒَاغِيغ."

أيث-روما 15:4

شُوْف، مَارَّا مِين يُوْرِين ذِي لْكُتُب ذِي زْمَان ؤُرِين-ث بَاش اَزَّايس نڒْمذ نشِّين. أَوَاڒ ن أَربِّـي يتْشجَّاع-اَنغ، ئِتَاوِي-يَانغ-د صّْبَر حمَا اَغَارْنغ يِيڒِي لْأَمَال.

أيث-روما 2:7

أَذَاسن يُوْش ثُوْذَارْث وَار يفنِّين شَا إِ يِنِّي يصبَّارن تݣّن لْحَسَانَاث، لِأَنَّا رزُّوْن خ لْهِمَّا ذ ؤُوقَّار ذ ثُوْذَارْث نِّي يتْدُوْمَان.

أيث-روما 8:25

لَّا، وَلَكِن مڒَا عَاذ وَار ث نُوْفِي شَا اَتَاف اَث نْرَاجَا س صّْبَر.

1 أيث-كورينث 9:25

مَارَّا يِنِّي يتمْعَانَاذن ذِي لْملْعَب حكّْمن خ دَّات نْسن ذِي مَارَّا ثِمسْڒَايِين-أَ. تݣّن مَانَايَا بَاش اَذ د اَوِين يجّن ن تَّاج وَار ذَاسن يتْدُوْمِي شَا. وَلَكِن نشِّين نْتݣّ مَانَايَا بَاش أَ د نَاوِي يجّن ن تَّاج يتْدُوْمَان إِ ڒبْدَا.

22 أيث-كورينث 6:4

إِنَّمَا، نشِّين نتْقدَّام-اَوم يخف نّغ س مَارَّا مِينْزِي نشِّين ذ يخدَّامن ن أَربِّـي: يعْنِي نْصبَّر اَطَّاس؛ تكّنْت خَانغ ڒمْحَاين ذ تَمَارَا ذ وزِيَّار؛

أيث-ݣلاطيا 5:23

ذ تَّوَاضُع ذ بْنَاذم يحكّْمن خ شّهْوث نّس. وَار ثدْجِي بُو شَان ن شَّرِيعَا إِݣ يسْبدَّان ثِمسْڒَايِين-أَ.

أيث-كولوس 1:11

نْتتَّار إِ أَربِّـي اَذ تْجهْذم ذِي مَارَّا ثِزمَّار نْوم عْلَاحْسَاب لْقُوَّا نّس يدْجَان عَظِيمَا بَاش اَذ تْبدّم اَذ تصْبَارم مْلِيح س ڒفْرَاحث،

1 أيث-سلونيك 1:3

نتْخمَّام زَّاث ن أَربِّـي يدْجَان ذ بَابَاثْنغ مشْحَاڒ يخدّم لْإِيمَان نْوم، مشْحَاڒ ثربّڒ ڒمْحِبّث نْوم، أُو مشْحَاڒ يصبَّر لْأَمَال نْوم ذِي سِيذِيثْنغ عِيْسَى لْمَسِيح.

2 أيث-سلونيك 1:4

خ مَانَايَا ذ كنِّيو إِݣ يدْجَان ذ شَّان نّغ جَار ثْجُمَاع ن ڒْمُوْمِنِين، نسَّاوَاڒ خ صّْبَر نْوم ذ لْإِيمَان نْوم ذِي مَارَّا اَعدّب نِّي ذ مَارَّا ڒمْحَاين نِّي إِي خَاوم إِي تكّن.

2 أيث-سلونيك 3:5

أَذ يسِيْوض سِيذِيثْنغ ؤُڒَاون نْوم غَار ڒمْحِبّث ن أَربِّـي، عَاوذ غَار صّْبَر ن لْمَسِيح.

1 تيموتاوس 2:10

لَّا، أَذ صَارنْت يخف نْسنْت س لْحَسَانَاث إِݣ يدْجَان لَابُد ذِي ثمْغَارِين نِّي يقَّارن قَا نشِّين نْعبّذ أَربِّـي.

1 تيموتاوس 2:2

ذ يزدْجِيذن ذ مَارَّا يِنِّي يحكّْمن بَاش أَ نْعِيشث ذݣ يِجّن ن ڒهْنَا بْڒَا سّْدَع ذݣ يِجّن ن طَّاعَا ن أَربِّـي ذ يِجّن ن لْمَعْقُوْل.

1 تيموتاوس 3:16

أُو بْڒَا شّكّ مشْحَاڒ ثدْجَا ذ ثَمقّْرَانْت ڒْمَعْنَا ينُوْفَّرن ن لْإِيمَان: نتَّا، ذ بْنَاذم إِي د يمظْهَارن، ذ أَرُّوْح إِي خَاس يشهْذن. نتَّا، ذ لْمَلَائِكَاث إِي ذَايس يخْزَرن، ذ ڒݣْنُوْس إِي زَّايس يتْوَابشَّرن. نتَّا، ذِي دُّنشْت-أَ يِنِّي إِي زَّايس يُوْمْنن، ذ لْعَظَمَا ن وجنَّا إِي ث يقبْڒن.

1 تيموتاوس 6:11

فَا شك آي اَرْيَاز ن أَربِّـي، ارْوڒ زِي مَارَّا مَانَايَا ذْفَار مِين يدْجَان نِيشَان ذ مِين ذَاس يتعْجِيبن إِ أَربِّـي ذ لْإِيمَان ذ ڒمْحِبّث ذ تَّاسِع ن ڒْخَاضَر ذ تَّوَاضُع.

1 تيموتاوس 6:3

مڒَا شَان ورْيَاز يسڒْمذ شَان ڒْحَاجث نّغْنِي وَار يتِيفِيق شَا اَك وَاوَاڒن نِيشَان ن سِيذِيثْنغ عِيْسَى لْمَسِيح ذ تَّعْلِيم خ لْإِيمَان،

1 تيموتاوس 6:6

فَا لْإِيمَان إِي ذِي ثدْجَا ڒقْنَاعث نتَّا ذ يجّن ن اَرْبَاح ذ اَمقّْرَان.

2 تيموتاوس 3:5

أَذ ݣّن يخف نْسن عبّْذن أَربِّـي وَلَكِن نكَّرن جّْهذ نّس. ئِوْذَان-أَ، أَوْݣّْوج خَاسن.

ثبرات غار تيتوس 1:1

نش ذ بُوْلُس ذ اَخدَّام ن أَربِّـي ذ اَرَّسُوْل ن عِيْسَى لْمَسِيح خدّْمغ عْلَاحْسَاب يِنِّي إِݣ يخْضَر أَربِّـي بَاش اَذ اَمْنن اَذ سّْنن لْحَقِيقَا إِي ثن يسݣُّوْرن غَار مِين يدْجَان نِيشَان ذِي لْإِيمَان.

ثبرات غار تيتوس 1:8

وَاه، ئِتخصَّا اَذ يتْرحَّاب زݣ ينوْجِيون، أَذَاس يتعْجِيب مِين يدْجَان ذ اَصبْحَان، أَذ يحْكم خ ثْنفْسِيث نّس، أَذَايس يِيڒِي لْمَعْقُوْل، أَذ يِيڒِي يصْفَا، أَذ يربَّا يخف نّس.

ثبرات غار تيتوس 2:2

يِنِّي يمْغَارن اَذَايْسن يِيڒِي لْمَعْقُوْل، أَذ يڒِين مْوقّْرِين، أَذ حكْمن خ ثْنفْسِيث نْسن، أَذ يڒِين نِيشَان ذِي لْإِيمَان ذ ڒمْحِبّث ذ صّْبَر.

يعيبرانيين 10:36

أَقَا يتْخصَّا اَذ تصْبَارم، مَايمِّي؟ بَاش خْمِي غَا ثݣّم ڒْخَاضَر ن أَربِّـي، أَتَاف اَغَارْوم يِيڒِي مِينْزِي إِي كنِّيو يوْعذ.

يعيبرانيين 12:1

إِذن عْلَاحْسَاب نِثْنِي، يعْنِي ڒشْهُوْذ نِّي ن لْإِيمَان إِي خَانغ يتنّْضن اَم يِجّن ن ؤُمُوْنِي ذ اَمقّْرَان، لَابُد أَ نكَّر أَ نكّس كُڒ دْقڒ ذ كُڒ ڒْمُعْصِيّث إِي ذَانغ يسحْصَارن. أَ نَازّْڒث س صْبَار ثَازّْڒَا نِّي إِي ذَانغ يتْرَاجَان غَار زَّاث.

يعيبرانيين 6:12

وَار نخْس شَا اَذ تْعݣْزم. ئِتْخصَّا اَذ تِيڒِيم اَم يِنِّي يتْوَارَاثن س صّْبَر ذ لْإِيمَان نْسن خ ثْمسْڒَايِين نِّي إِي زِي ثن يوْعذ أَربِّـي.

يعيبرانيين 6:15

إِيوَا اَمُّو وَامِي يرَاجَا بْرَاهِيم س يِجّن ن صّْبَر يُوْوض-اَس-د مِين زِي ث يوْعذ أَربِّـي.

2 بطرس 1:3

أَقَا ثِزمَّار نّس يُوْعْڒَان ثُوْشَا-ٱنغ-د قَاع مِين نحْذَاج عْلَاحْسَاب ثُوْذَارْث ذ طَّاعَا نّغ إِ أَربِّـي. مَانَايَا مِينْزِي نسّن ونِّي ذَانغ د يڒَاغَان غَار لْعَظَمَا نّس ذ ثُوْصُبْحَانْت نّس.

2 بطرس 3:11

مڒَا اَمنِّي إِي غَا تْوَامْحَانْت مَارَّا ثِمسْڒَايِين-أَ، مَامّش إِي غَا ثِيڒِي ثُوْذَارْث نْوم؟ إِيوَا أُو لَابُد اَذ تْعِيشم س يِجّن ن ثُوْذَارْث ثصْفَا اَذ طَاعم إِ أَربِّـي

لواحي ن يوحنا 1:9

نش ذ يُوْحَنَّا ذ ؤُمَاثْوم، شرّْشغ اَكِذْوم ذِي ڒمْحَاين ذ ڒْمُلْك ن أَربِّـي ذْ صّْبَار إِݣ يدْجَان ذِي عِيْسَى. تُوْغَا دْجِيغ ذِي ثيْزِيْرْث ن بَطْمُس عْلَاحْسَاب اَوَاڒ ن أَربِّـي ذ مِين خف يشْهذ عِيْسَى.

لواحي ن يوحنا 13:10

ونِّي مِيْنْخف يُوْرَا اَذ يتْوَاحبّس، أَتَاف اَذ يتْوَاحبّس. ونِّي مِيْنْخف يُوْرَا اَذ يتْوَانغ س سِّيف، أَتَاف اَذ يتْوَانغ س سِّيف. ذِي لْحَالَا نِّي يتْخصَّا ڒْمُوْمِنِين صَّالِحِين اَذ صْبَارن اَذ اَمْنن.

لواحي ن يوحنا 14:12

ذِي لْحَالَا نِّي يتْخصَّا-يَاسن إِ ڒْمُوْمِنِين صَّالِحِين اَذ صْبَرن اَذ ݣّن اَرَّاي س ڒُوْصِيَاث ن أَربِّـي اَذ اَمْنن زِي عِيْسَى.

لواحي ن يوحنا 2:2

نش سّْنغ ڒخْذَايم نّش ذ تَمَارَا نّش ذ صّْبَار نّش. سّْنغ وَار ثْقبّْڒذ شَا يِنِّي يدْجَان ذ يعفَّانن، ثْجَرّْبذ يِنِّي يقَّارن قَا نشِّين ذ اَرُّسُل ثُوْفِيذ-ثن سْخرِّيقن وَاهَا.