2 بطرس 1:4 - ثريفيث 2020

⁴ عْلَاحْسَاب ثِمسْڒَايِين-أَ نتَّا يُوْشَا-ٱنغ-د لْوُعُوْد نّس يمْغَارن إِݣ يسوَّان اَطَّاس. حمَا س لْوُعُوْد-أَ اَذ تْشَرْشم ذِي طَّبِيعَا ن ونِّي يُوْعْڒَان وَامِي ثَروْڒم زِي مِين يفنَّان ذِي دُّنشْت-أَ عْلَاحْسَاب شّهَاوَاث ثِعفَّانِين.

2 بطرس 1:4 ပူးပေါင်းရင်းမြစ်များ

أيث-روما 9:4

نِثْنِي ذ أَيث-إِسْرَائِيل، يتْبنَّا-ثن سِيذِي أَربِّـي. ئِسْمظْهَار-اَسن-د لْعَظَمَا نّس، ئِعَاهذ-يثن، يُوْشَا-اَسن شَّرِيعَا ن مُوْسَى ذ لْعِبَادَا، يوْعذ-يثن.

22 أيث-كورينث 1:20

لِأَنَّا نتَّا ذَايس إِي يقَّار أَربِّـي <وَاه> إِ مَارَّا ثِمسْڒَايِين إِي يعَاهذ أَربِّـي. س مَانَايَا زِي عِيْسَى نقَّار <آمِين> إِ لْعَظَمَا ن أَربِّـي.

22 أيث-كورينث 3:18

ڒخُّو نشِّين اَغمْبُوْب نّغ وَار يغْمِيس س وَالُو. نتْوَاڒَا لْعَظَمَا ن سِيذِيثْنغ، نتْوَابدَّاڒ بَاش أَ نِيڒِي ذ يجّن ن صِّفث نّس س يِجّن ن لْعَظَمَا يتْمَارْنِين. مَانَايَا يتَاس-د زِي سِيذِيثْنغ إِݣ يدْجَان ذ أَرُّوْح.

22 أيث-كورينث 6:17

خ مَانَايَا يقَّار سِيذِي أَربِّـي: فّْغم-د زِي ڒْوسْط نْسن عزْڒث يخف نْوم، وَار تْحَاذَاث شَا مِين يدْجَان حَرَام. أُوْشَا نش اَكنِّيو قبْڒغ،

أيث-ݣلاطيا 3:16

أَمنِّي عَاوذ ڒْعَهذ نِّي يعْنِي لْوُعُوْد إِي ذَاس يُوْشَا أَربِّـي إِ بْرَاهِيم ذ وَايَّاو نّس. لْكِتَاب وَار يقَّار شَا <أَيَّاون نّس>، يعْنِي اَطَّاس إِذْسن. لَّا، يقَّار <أَيَّاو نّس>، يعْنِي يجّن ن بْنَاذم أُو نتَّا ذ لْمَسِيح.

أيث-ݣلاطيا 6:8

ونِّي إِي غَا يزرْعن مِين ثخْس طَّبِيعَا ثَعفَّانْت نّس اَزَّايس يمْجَار مِين يفنَّان. ونِّي إِي غَا يزرْعن مِين يخس أَرُّوْح يقدّْسن اَزَّايس يمْجَار ثُوْذَارْث ن ڒبْدَا.

أيث-ؤفسوس 4:13

أَڒ غَا نِيڒِي مَارَّا ذ يجّن ذِي لْإِيمَان أُو ذِي ثُوْسْنَا خ مِّيس ن أَربِّـي. أَڒ غَا نِيڒِي مَارَّا عَاوذ نمْغر يعْنِي ذ يرْيَازن اَم ڒَعْبَر نِّي يكْمَاڒ ن ڒْقدّْ ن لْمَسِيح.

أيث-كولوس 3:10

ڒخُّو كنِّيو ثݣِّيم يجّن ن طَّبِيعَا نّغْنِي ذ جْذِيذ عَاذ تْذوَّاڒ-د ذ جْذِيذ، ڒْمَعْرِيفَا نّس اَم صِّفث ن لْخَالِق نّس.

يعيبرانيين 12:10

شُوْف، لْوَالِدِين تْربَّان-اَنغ ذݣ يِجّن ن ڒْوقْث، تݣّن مَامّش ذَاسن يتْغِيڒ مْلِيح. وَلَكِن أَربِّـي يتْربَّا-يَانغ خ نّْفَع نّغ بَاش أَ نْشَرش ذِي طَّبِيعَا نّس يدْجَان عَظِيم.

يعيبرانيين 9:15

فَلِيهَذَا نتَّا لْمَسِيح يتْشَفَاع جَارَانغ ذ أَربِّـي س يِجّن ن ڒْعَهذ ذ جْذِيذ بَاش يِنِّي ؤُمِي د يڒَاغَا أَربِّـي اَتَاف اَذ اَوِين لْوَارث إِي زِي ثن يوْعذ يتْدُوْمَان إِ ڒبْدَا. لِأَنَّا لْمَسِيح يمُّوْث ذ لْفِدْيَا حمَا اَذَاسن يضْڒق اَذ يڒِين حُرّ زِي ڒْمُعْصِيَاث إِي ݣِّين سْوَادَّاي إِ ڒْعَهذ نِّي اَمزْوَارُو.

ثبرات غار يعقوب 1:27

دِّين يصْفَان إِي ينْقَان غَار أَربِّـي بَابَاثْنغ مِين يعْنَا؟ يعْنِي بْنَاذم يتْرَاح غَار يُوْجِيڒن ذ ثَاجَّاڒِين اَثن يعَاون ذݣ وزيَّار نْسن، أَذ يحْضَا يخف نّس حمَا وَار ث تْوسِّيخ شَا دُّنشْت-أَ.

2 بطرس 1:1

نش ذ سِمْعَان بُطْرُس ذ يجّن ن ڒْعَبْذ ن عِيْسَى لْمَسِيح ذ اَرَّسُوْل نّس. تْسكِّيغ-د ثَبْرَات-أَ إِ يِنِّي يقبْڒن نّفْس لْإِيمَان اَم ونِّي إِي نقْبڒ نشِّين س صُّلْح نِّي ن أَربِّـي ذ عِيْسَى لْمَسِيح ونِّي إِي ذَانغ يسنْجَامن.

2 بطرس 3:13

وَلَكِن عْلَاحْسَاب لْوَعد نّس نشِّين نتْرَاجَا يجنَّاثن ن جْذِيذ ذ يِجّن ن دُّنشْت ن جْذِيذ مَانِي غَا يزْذغ ڒْحَقّ.

2 بطرس 3:9

سِيذِيثْنغ وَار يذْقِيڒ شَا اَذ يسخْذم لْوَعد نّس اَم مَامّش إِي ذَاسن يتْغِيڒ إِ يِوْذَان. لَّا، نتَّا يصبَّر اَكِذْوم وَار يخس شَا ؤُڒَا ذ يجّن زَّايْوم اَذ يفْنَا، يرزُّو مَارَّا يوْذَان اَذ تُوْبن.

1 يوحنا 2:25

مِينْزِي ذَانغ يوْعذ؟ ئِوْعذ-اَنغ س ثُوْذَارْث ن ڒبْدَا ن ڒبْدَاث.

1 يوحنا 3:2

آي يمْعِيزّن ينُو، ڒخُّو نشِّين ذ ثَارْوَا ن أَربِّـي. عَاذ وَار د تْمظْهَار شَا صِّيفث نّغ مَامش غَا ثِيڒِي، وَلَكِن نسّن اَذ تِيڒِي اَم نتَّا خْمِي د غَا يمظْهَار ڒَاحقَّاش اَث نْࢲر نتَّا مَامش إِي يدْجَا.