2 بطرس 1:16 - ثريفيث 2020

¹⁶ وَا شُوْف، نشِّين تُوْغَا وَار نْذفَّار شَا ثِحُوْجَا نِّي إِي تْوَاݣّنْت س ڒفْطَانث ن بْنَاذم وَامِي إِي كنِّيو نْسفْهَام خ جّْهذ نّس ذ نْهَار نِّي إِي ذِي د غَا يَاس سِيذِيثْنغ عِيْسَى لْمَسِيح؛ لَّا، نشِّين نࢲْرَا س ثِيطَّاوِين نّغ مشْحَاڒ ثمْغَر ثُوْعْڒَات نّس.

2 بطرس 1:16 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 16:27

أَقَا مِّيس ن بْنَاذم اَذ د يَاس س لْعَظَمَا ن بَابَاس اَك لْمَلَائِكَاث نّس، أُوشَا اَذ يجَازَا مْكُڒ يجّن عْلَاحْسَاب ڒْخذْمث نّس.

أَسڒْمذ ن سِيذِيثْنغ عِيْسَى لْكِتَاب ن مَتَّى 16:28

أَقَا تسْڒَام ڒْحَقّ: ڒبْعَاض زݣ يِنِّي يدْجَان ذَا اَكِذِي وَار تْمتِّين شَا اَڒ غَا ࢲرن مِّيس ن بْنَاذم يُوْسَا-د ذِي ڒْمُلْك نّس."

أَسڒْمذ ن سِيذِيثْنغ عِيْسَى لْكِتَاب ن مَتَّى 17:1

ثعْذُو ستّييَّام، عِيْسَى يُوْوِي اَكِذس بُطْرُس ذ يَعْقُوْب ذ وُوْمَاس يُوْحَنَّا، يُوْوِي-ثن وَاحذْسن غَار يِجّن ن وذْرَار يُوْعْڒَا.

أَسڒْمذ ن سِيذِيثْنغ عِيْسَى لْكِتَاب ن مَتَّى 24:27

أَقَا خْمِي د غَا يَاس مِّيس ن بْنَاذم اَتَاف اَذ يِيڒِي اَمشْنَاو اَسَّام إِي د يتفّْغن زِي شَّرْق يتْشعَّاڒ غَار لْغَرْب.

أَسڒْمذ ن سِيذِيثْنغ عِيْسَى لْكِتَاب ن مَتَّى 24:3

وَامِي يقِّيم عِيْسَى ذݣ وذْرَار ن زِّيتُوْن، قَارّْبن-د غَارس يمحْضَارن نّس وَاحذْسن نَّان-اَس: "إِنِي-يَانغ شك، مڒْمِي غَا يوْقع مَانَايَا؟ مِين ثعْنَا لْعَلَامَا نِّي خْمِي د غَا ثَاسذ شك، ذ ڒفْنَا ن زْمَان؟"

أَسڒْمذ ن سِيذِيثْنغ عِيْسَى لْكِتَاب ن مَتَّى 28:18

ئِقَارّب-د غَارْسن عِيْسَى يسِّيوڒ اَكِذْسن ينَّا-ٱسن: "ثمُّوْش-اَيِي مَارَّا سُّلْطَا ذݣ وجنَّا ذ ثْمُوْرْث.

مرقس 13:26

ڒخْدّنِّي إِي غَا ࢲرن مِّيس ن بْنَاذم يهوَّا-د ذݣ وسيْنُو س لْعَظَمَا ذ جّْهذ نّس يمْغَارن.

مرقس 14:62

ينَّا-ٱس عِيْسَى: "وَاه، ذ نّش. كنِّيو اَذ تࢲرم مِّيس ن بْنَاذم يقِّيم خ وفُوْسِي ن لْقَوِي. أَث ثࢲرم عَاوذ يهوَّا-د اَك وسيْنُو وجنَّا."

لوقا 1:2

ؤُرِين نِيشَان عْلَاحْسَاب مَامْش ذَانغ خْبَرن ڒشْهُوْذ ذ يخدَّامن ن وَاوَاڒ ن أَربِّـي يدْجَان ذݣ ومزْوَارُو.

لوقا 9:43

قِّيمن يِوْذَان نِّي مَارَّا تْعجّْبن ذِي جّْهذ ن أَربِّـي. وَامِي تْعجّْبن مَارَّا ذِي قَاع مِين يݣَّا عِيْسَى، ئِكَّر نتَّا ينَّا-ٱسن إِ يمحْضَارن نّس:

يوحنا 1:14

أَوَاڒ-أَ يذْوڒ ذ بْنَاذم، ئِزْذغ جَارَانغ. نشِّين نࢲْرَا لْعَظَمَا غَارس يدْجَان، لْعَظَمَا-يَا ثدْجَا غَار مِّيس وَاحْذس ن بَابَاس. نتَّا يشُّوْر س اَرْضَا ذ لْحَقِيقَا.

يوحنا 17:2

مِينْزِي ثُوْشِيذ-اَس جّْهذ خ كُڒ بْنَاذم حمَا اَذ يُوْش ثُوْذَارْث ن ڒبْدَا إِ مَارَّا يِنِّي إِي ذَاس ثُوْشِيذ.

1 أيث-كورينث 1:17

لِأَنَّا لْمَسِيح وَار ذَايِي د يسّكّ شَا حمَا اَذ طهَّارغ إِ يِوْذَان س وَامَان؛ لَّا، نش يسّكّ-اَيِي-د اَذ بشَّرغ س لْإِنْجِيل وَلَكِن مَاشِي س ڒفْهَامث نِّي ن وَاوَاڒن يزوّْقن. مَايمِّي؟ بَاش جّْهذ إِي يدْجَان ذِي صَّلِيب ن لْمَسِيح وَار يتْبطِّيڒ شَا.

1 أيث-كورينث 1:23

وَلَكِن نشِّين نتْبشَّار س لْمَسِيح يتْوَاصلّْبن. ئِسْرَائِيلِيْين تْنقْڒَاضن ذِي مَانَايَا، ذ يِنِّي وَار يدْجِين شَا زِي أَيث-إِسْرَائِيل قَّارن قَا مَانَايَا ذ ثُوْبُّوْهْڒِيَا وَاهَا.

1 أيث-كورينث 1:7

س مَانَايَا وَار ذَاوم ثْنقِّيص ؤُڒَا ذ يجّن ن لْقُدْرَا رُوْحِيَا خْمِي تْرَاجَام اَذ د يمظْهَار سِيذِيثْنغ عِيْسَى لْمَسِيح.

1 أيث-كورينث 2:1

آي اَيثْمَا، نش وَامِي د ؤُسِيغ غَارْوم، ؤُسِيغ-د اَذ بشَّرغ س ڒْمَعْنَا ينُوْفَّرن ن أَربِّـي، مَاشِي ؤُسِيغ-د اَذ بشَّرغ س وَاوَاڒن يزوّْقن نِغ س ڒفْهَامث نِّي ن بْنَاذم.

1 أيث-كورينث 2:4

مِين قَّارغ ذ مِين تْحدَّاثغ وَار يدْجِي شَا س وَاوَاڒن ن ڒفْهَامث بَاش اَكنِّيو سْقنْعن ذغْيَا؛ لَّا، سْخدَّامغ جّْهذ ن اَرُّوْح ن أَربِّـي

1 أيث-كورينث 5:4

خْمِي غَا ثْمُوْنم س يِيسم ن سِيذِيثْنغ عِيْسَى اَكِذْوم يِيڒِي اَرُّوْح ينُو، س جّْهذ ن سِيذِيثْنغ عِيْسَى

22 أيث-كورينث 2:17

أَقَا نشِّين مَاشِي اَم خَربِّي ن يِوْذَان يتݣّن تِّجَارَا ذݣ وَاوَاڒ ن أَربِّـي، نشِّين ذِي لْمَسِيح نسَّاوَاڒ س وُوْڒ يصْفَا زِي أَربِّـي أُو زَّاث إِ أَربِّـي.

22 أيث-كورينث 4:2

نشِّين نتْبعَّاعذ خ ثْمسْڒَايِين ن ڒفْضِيحث إِݣ يتْوَاخدّْمن س ثْنُوْفْرَا. وَار نسْخدِّيم شَا ثَحْرَايْمِيث، وَار نتْحرِّيف شَا اَوَاڒ ن أَربِّـي. نشِّين زَّاث إِ أَربِّـي نْسڒْمَاذ لْحَقِيقَا بْڒَا مَا اَت نسْنُوْفَّر. أَمُّو غَارْسن مَارَّا يوْذَان ذِي ضَّمِير نْسن بلِّي ذَايْنغ تِّقث.

أيث-ؤفسوس 4:14

أَمنِّي وَار نتْغِيمِي شَا ذ يحنْجِيرن تَاوِينْت-اَنغ ڒمْوَاج تَارَّانْت-اَنغ. نِغ ذ اَرِّيح يتْصُوْض خَانغ يكسِّي-يَانغ سَّا ذ سَّا س كُڒ اَرِّيح زَعْمَا ن وسڒْمذ أُو س ثحْرَايْمِيث ذ يخَرْوِيضن ن يرْيَازن ذ مِين تْشِيطِّينن.

أيث-فيليـپـي 3:21

دَّات نّغ ن دُّنشْت-أَ اَت يسْبدّڒ لْمَسِيح بَاش اَذ تِذْوڒ اَم دَّات نّس لْعَظِيم. ئِتݣّ مَانَايَا س جّْهذ نِّي إِي زِي يزمَّر اَذ يَارّ قَاع ثِمسْڒَايِين سْوَادَّاي إِ لْحُكم نّس.

1 أيث-سلونيك 2:19

لِأَنَّا ذ كنِّيو إِي يدْجَان ذ لْأَمَال نّغ ذ ڒفْرَاحث نّغ ذ تَّاج نّغ ن شَّان زَّاث إِ سِيذِيثْنغ عِيْسَى خْمِي د غَا يَاس.

2 أيث-سلونيك 2:9

لْمسْخُوْط-أَ وَانِيتَا اَذ د يمظْهَار ذِي دُّنشْت-أَ عْلَاحْسَاب ڒخْذَايم ن شِّيطَان س مَارَّا ثِزمَّار ذ لْبُرْهَانَاث ذ ڒَعْجَايب يسْخَرِّيقن

1 تيموتاوس 1:4

أَذَاسن ثِينِيذ وَار ذفَّارم شَا ثِحُوْجَا نِغ ذ ثَشجَّارْث نِّي وَار يقطِّين شَا خ ڒجْذُوْذ نْوم. ثِمسْڒَايِين-أَ اَم ثِيْنَا غِيڒ تْسجَّاعنْت-اَنغ بَاش أَ نْودَّار ذِي لْأَفْكَار يخْوَان، وَار ذَانغ ثْسِيوِّيْضنْت شَا غَار مِين يتْخطّط أَربِّـي مِينْزِي مِين ذَانغ يسَاوَّاضن غَار أَربِّـي نتَّا ذ لْإِيمَان.

1 تيموتاوس 4:7

فَا اَوْݣّْوج شك خ ثْحُوْجَا نِّي يدْجَان ضد لْإِيمَان إِي تْعَاوَاذنْت ثْوسُّوْرَا وَاهَا، ستْرِينَار يخف نّش عْلَاحْسَاب لْإِيمَان.

ثبرات غار تيتوس 1:14

مَاشِي اَذ ݣّن اَرَّاي إِ ثْحُوْجَا نِّي ن أَيث-إِسْرَائِيل نِغ اَذ ݣّن اَرَّاي إِ ڒُوْصِيَاث نِّي ن يِنِّي يسْبعَّاذن يخف نْسن زِي لْحَقِيقَا.

2 بطرس 2:3

عْلَاحْسَاب اَعدِّيس نْسن اَذَاوم شّن ڒْمُوْخ س وَاوَاڒن إِي تْسَايَاسن وَاهَا. مشْحَاڒ زݣ وَامِي لْعِقَاب نْسن عَاذ يتْرَاجَا-ثن وَار يتطّص شَا.

1 يوحنا 4:14

إِيوَا نشِّين نࢲْرَا نْشهّذ بلِّي بَابَاثْنغ يسّكّ-د مِّيس حمَا اَذ يسنْجم دُّنشْت-أَ.

ثبرات زي يهوذا 1:14

فَا أَخْنُوْخ ونِّي إِݣ يدْجَان ذ اَيَّاو ن آدَم زِي جدِّيثْوم وِيس سبْعَا نتَّا يعْڒم يجّن ن وَاوَاڒ زِي أَربِّـي ينَّا-ث خ يثَرَّاسن-أَ: "خْزَرث، أَقَا يُوْسَا-د سِيذِيثْنغ س وَاڒَاف ن ؤُڒُوْفَاث ن يمْقدّْسن نّس

لواحي ن يوحنا 1:7

أَقَا يُوْسَا-د اَك وسيْنُو، أَث ࢲرنْت مَارَّا ثِيطَّاوِين ذ يِوْذَان نِّي إِي ث يشُوْكّن. أَخَاس حزْنن مَارَّا ڒْقُوْم ن ثْمُوْرْث. وَاه، آمين.