2 يوحنا 1:7 - ثريفيث 2020

⁷ أَقَا اَطَّاس ن يثَرَّاسن نِثْنِي ذ يغدَّارن فّْغن-د غَار دُّنشْت-أَ، نكَّرن بلِّي عِيْسَى لْمَسِيح يمظْهَار-د س دَّات ن بْنَاذم. أَثَرَّاس-أَ إِي يدْجَان اَمُّو نتَّا ذ اَغدَّار وَاهَا ذ دّجَّال إِي يدْجَا.

2 يوحنا 1:7 ပူးပေါင်းရင်းမြစ်များ

يوحنا 1:14

أَوَاڒ-أَ يذْوڒ ذ بْنَاذم، ئِزْذغ جَارَانغ. نشِّين نࢲْرَا لْعَظَمَا غَارس يدْجَان، لْعَظَمَا-يَا ثدْجَا غَار مِّيس وَاحْذس ن بَابَاس. نتَّا يشُّوْر س اَرْضَا ذ لْحَقِيقَا.

1 تيموتاوس 3:16

أُو بْڒَا شّكّ مشْحَاڒ ثدْجَا ذ ثَمقّْرَانْت ڒْمَعْنَا ينُوْفَّرن ن لْإِيمَان: نتَّا، ذ بْنَاذم إِي د يمظْهَارن، ذ أَرُّوْح إِي خَاس يشهْذن. نتَّا، ذ لْمَلَائِكَاث إِي ذَايس يخْزَرن، ذ ڒݣْنُوْس إِي زَّايس يتْوَابشَّرن. نتَّا، ذِي دُّنشْت-أَ يِنِّي إِي زَّايس يُوْمْنن، ذ لْعَظَمَا ن وجنَّا إِي ث يقبْڒن.

1 يوحنا 2:26

ؤُرِيغ-اَوم-د ثِمسْڒَايِين-أَ خ يِنِّي يرزُّوْن اَكنِّيو خذْعن.

لواحي ن يوحنا 12:9

ئِمنْضَار-د زݣ وجنَّا بُو-سبْعَا-يَا يزدْجِيفن اَمقّْرَان، يعْنِي فِيغر نِّي ذِي زْمَان ونِّي ؤُمِي قَّارن إِبْڒِيس نِغ ذ شِّيطَان يعْنِي ونِّي يخدّْعن مَارَّا دُّنشْت. ئِمنْضَار-د غَار ثْمُوْرْث، منْضَارن-د اَكِذس شَّيَاطِين نّس.

لواحي ن يوحنا 13:14

ئِخدّع يمزْذَاغ ن ثْمُورْث س لْمُعْجِزَاث نِّي إِي ذَاس يتْوَاسمْحن اَثنْت يݣّ زَّاث إِ ڒْوَحْش اَمزْوَارُو. يُوْمَر يمزْذَاغ ن ثْمُوْرْث اَذ صنْعن يجّن ن لْأَصْنَام اَم ڒْوَحْش نِّي إِي ذِي يدْجَا وجَرِّيح ن سِّيف وَلَكِن نتَّا يدَّر.