2 يوحنا 1:5 - ثريفيث 2020

⁵ آ ثَمْغَارْث يتْوَاعِيزّن، ڒخُّو تتَّارغ زَّايم أَ نْتخْس اَيَاوْيَا. وَار ذَام د تَارِيغ بُو شَان ن ڒُوْصِيّث ذ جْذِيذ؛ لَّا، نتَّاث ذ ثنِّي تُوْغَا غَارْنغ زݣ ومزْوَارُو.

2 يوحنا 1:5 ပူးပေါင်းရင်းမြစ်များ

يوحنا 15:12

ڒُوْصِيّث ينُو ذ ثَانِيتَا: <حِبّث اَيَاوْيَا مَامّش كنِّيو تْحِبِّيغ نش.>

يوحنا 15:17

ذ ثَا ذ ڒُوْصِيّث ينُو، يعْنِي اَذ تْحِبّم اَيَاوْيَا.

أيث-ݣلاطيا 5:22

فَا مِين د يتَارو أَرُّوْح يقدّْسن؟ ئِتَارو-د ڒمْحِبّث ذ ڒفْرَاحث ذ ڒهْنَا ذ تَّاسِع ن ڒْخَاضَر ذ ڒْخِير ذ وُوْڒ اَشمْڒَاڒ ذ بْنَاذم ذِي يدْجَا تِّقث

أيث-ؤفسوس 5:2

عِيشم ذِي ڒمْحِبّث مَامش يݣَّا لْمَسِيح وَامِي ذَانغ يحِبّ يصدّق خَانغ يخف نّس اَم يِجّن ن صّذْقث ثُفُوْح ذ يجّن ن دْبِيحث إِ أَربِّـي.

1 أيث-سلونيك 4:9

ڒخُّو عْلَاحْسَاب ڒمْحِبّث جَارَاوم وَار نْتحْذِيجِي شَا عَاذ اَذَاوم نَارِي، مَايمِّي؟ مِينْزِي يسڒْمذ-يكنِّيو أَربِّـي س يِيخف نّس اَذ تخْسم اَيَاوْيَا.

يعيبرانيين 13:1

قِّيمث تْحِبَّاث اَيَاوْيَا اَم وَاوْمَاثن.

1 بطرس 4:8

مِين يدْجَان مُهِم قَاع؟ ئِتْخصَّا اَذ تْحِبّم اَيَاوْيَا زݣ وُوْڒ مِينْزِي ڒمْحِبّث ثْقطَّا خ وَاطَّاس ن دُّنُوْب.

2 بطرس 1:7

أُو عَاوذ اَرْنِيم ڒْخِير جَار وَاوْمَاثن اَك طَّاعَا-يَا نْوم إِ أَربِّـي؛ أُو عَاوذ اَرْنِيم ڒمْحِبّث اَك ڒْخِير-أَ نْوم جَار وَاوْمَاثن.

1 يوحنا 3:11

ذ وَا ذ اَوَاڒ إِي تسْڒَام زݣ ومزْوَارُو يعْنِي يتْخصَّا وَا لَابُد أَ نْتخْس اَيَاوْيَا.

1 يوحنا 3:23

أَقَا ثَانِيتَا ذ ڒُوْصِيّث نّس أَ نَامن زݣ يِيْسم ن مِّيس عِيْسَى لْمَسِيح، أَ نْتخْس اَيَاوْيَا اَم مَامّش إِي ذَانغ د يوصَّا نتَّا.

1 يوحنا 4:20

ونِّي يقَّارن قَا نش تخْسغ أَربِّـي نتَّا يتْعِيفَّا ؤُمَاس، أَتَاف نتَّا ذ بُو-يخَرِّيقن وَاهَا إِݣ يدْجَا. مَايمِّي؟ ونِّي وَار يتخْسن شَا ؤُمَاس إِݣ يࢲرّ، أَتَاف وَار يزمَّر شَا اَذ يخس أَربِّـي إِي وَار يࢲرّ شَا.

2 يوحنا 1:1

نش ذ اَمْغَار، تَارِيغ ثَبْرَات-أَ إِ ثمْغَارْث يتْوَاخْضَرن ذ ثَارْوَا نّس إِي تخْسغ ذِي لْحَقِيقَا. مَاشِي ذ نش وَاهَا إِي ثن يتخْسن؛ لَّا، تخْسن-ثن قَاع يِنِّي يسّْنن لْحَقِيقَا.