22 أيث-كورينث 9:13 - ثريفيث 2020

¹³ صَّذَاقَا-يَا ثُوْشَا دَّلِيل خَاوم، زَّايس إِي غَا حمْذن صَّالِحِين أَربِّـي. ثُوْمْنم س لْإِنْجِيل ن لْمَسِيح، ثْطَاعم-اَس خْمِي تْصدَّاقم اَطَّاس خَاسن أُو خ مَارَّا يوْذَان.

22 أيث-كورينث 9:13 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 5:16

أَمُّو، جّث ڒْقنْدِيڒ نْوم يشعّڒ إِ يِوْذَان حمَا اَذ ࢲرن ڒخْذَايم نْوم ثِصبْحَانِين اَذ حمْذن بَابَاثْوم يدْجَان ذݣ وجنَّا.

أَسڒْمذ ن سِيذِيثْنغ عِيْسَى لْكِتَاب ن مَتَّى 9:8

وَامِي ࢲْرِين يِوذَان مَانَاينِّي، ݣّْوْذن حمْذن أَربِّـي خ سُّلْطَا إِي ذَاسن يتِيشّ إِ يِوْذَان.

لوقا 6:46

مَايمِّي ذَايِي ثقَّارم آ سِيذِي، آ سِيذِي أُو كنِّيو وَار تݣّم مِين ذَاوم قَّارغ؟

يوحنا 15:8

أَذ تَارْوم يزكُّوْنن اَطَّاس، أَذ تِيڒِيم ذ يمحْضَارن ينُو. س مَانَايَا يتْوَاسمْغَار بَابَا.

ڒخذايم 11:18

يِنِّي يحْضَارن وَامِي سْڒِين إِ وَاوَاڒ-أَ، سْقَارن حمْذن أَربِّـي نَّان: "خْيَار، ؤُڒَا ذ يِنِّي وَار يدْجِين شَا زِي أَيث-إِسْرَائِيل يُوْشَا-ٱسن أَربِّـي تُّوْبَا اَغَارْسن ثِيڒِي ثُوْذَارْث!"

ڒخذايم 4:21

اَرْنِين سِيݣّْوْذن-ثن، ڒخْدّنِّي ضڒْقن-اَسن. وَار ؤُفِين مَامّش ذَاسن غَا ݣّن اَثن عَاقْبن مِينْزِي مَارَّا يوْذَان حمّْذن أَربِّـي خ مِين يوقْعن.

أيث-روما 10:16

لْإِنْجِيل وَلَكِن وَار ث قْبِيڒن شَا مَارَّا يوْذَان. أَقَا مِين يقَّار نَّبِي إِشَعْيَا زِي زْمَان: <آ سِيذِي أَربِّـي، وِي يُوْمْنن س مِينْزِي نتْبشَّار؟>

أيث-روما 12:8

ئِجّن مڒَا يتْشجَّاع، أُو لَابُد اَذ يشجّع. ئِجّن مڒَا يتْصدَّاق، أُو لَابُد اَذ يِيڒِي ذ اَسخَّاي. ئِجّن مڒَا يتْرَايَا، أُو لَابُد اَذ يرَاي س وُوْڒ نّس. ئِجّن مڒَا يرحّم، أُو لَابُد اَذ يرْحم س ڒفْرَاحث نّس.

أيث-روما 15:31

ࢲَّادْجث حمَا نش اَذ نجْمغ زݣ يفَاسّن ن يِنِّي وَار يُوْمِيْنن شَا ذِي جْوَايه ن يَهُوْذِيَا، أُو عَاوذ بَاش ڒْخذْمث ينُو ذِي لْقُدْس اَت قبْڒن ڒْمُوْمِنِين صَّالِحِين إِي ذِنِّي.

أيث-روما 16:26

ڒخُّو يبَان-د مَانَايَا إِ يِوْذَان يتْوَاسّن س لْكُتُب ن لْأَنْبِيَا. أَربِّـي يعْنِي ونِّي يتْدُوْمَان إِ ڒبْدَا يُوْمَر اَزَّايس اَمْنن مَارَّا ڒݣْنُوْس اَذَاس طَاعن.

22 أيث-كورينث 10:5

نتْرزَّا اَوَاڒن ذ كُڒ اَرَّاي إِي ذِي يدْجَا تَّكبُّر إِݣ يتْعَارَّاضن إِ مِين نسّن خ أَربِّـي. نْحبّس كُڒ لْفِكْرَا حمَا اَتَاف اَذ تْطَاع إِ لْمَسِيح.

22 أيث-كورينث 2:12

فَا وَامِي د ؤُوْضغ غَار ثنْدِينْت ن تْرَاوْس بَاش اَذ بشَّرغ س لْإِنْجِيل ن لْمَسِيح، ؤُفِيغ ثْنُوْرْزم-اَيِي-د يجّن ن ثوَّارْث ن سِيذِيثْنغ.

22 أيث-كورينث 8:4

تَّارن زَّايْنغ س وُوْڒ نْسن اَذ عَاوْنن س ڒْخِير-أَ ڒْمُوْمِنِين صَّالِحِين إِي يدْجَان ذِي ثنْدِينْت ن لْقُدْس.

22 أيث-كورينث 9:14

رزُّوْن خَاوم تْࢲَادْجَان خَاوم عْلَاحْسَاب اَرْضَا نِّي اَمقّْرَان إِي ذَاوم يُوْشَا أَربِّـي.

أيث-ݣلاطيا 1:24

سّنِّي أُوْشَا حمّْذن أَربِّـي خَافِي.

1 تيموتاوس 6:12

مْنغ اَمنْغِي نِّي اَصبْحَان ن لْإِيمَان، طّف ذِي ثُوْذَارْث نِّي وَار يفنِّين شَا اَڒ ذَاش د يڒَاغَا أَربِّـي وَامِي ثْشهْذذ شْهَاذث نِّي ثَصبْحَانْت زَّاث إِ وَاطَاس ن ڒشْهُوْذ.

1 تيموتاوس 6:13

تْوصِّيغ-شك زَّاث إِ أَربِّـي ونِّي يسدَّرن قَاع ثِمسْڒَايِين أُو زَّاث إِ عِيْسَى لْمَسِيح ونِّي يشهْذن شْهَاذث نِّي ثَصبْحَانْت زَّاث إِ لْحَاكم بُوْنْطُوْس بِلَاطُوْس.

يعيبرانيين 10:23

أَ نطّف بْڒَا مَا أَ نضْڒق ذِي لْأَمَال نِّي إِي خف نْشهّذ لِأَنَّا أَربِّـي إِي ذَانغ يوعْذن ذَايس تِّقث.

يعيبرانيين 13:16

أُو وَار تتُّوْث شَا اَذ تݣّم ڒْخِير اَذ تْشَرْشم اَك ينّغْنِي مِينْزِي س دْبِيحَاث-أَ اَم ثِيْنَا إِي ذَاس يتعْجِيبن إِ أَربِّـي.

يعيبرانيين 3:1

آي اَيثْمَا صَّالِحِين، ذ كنِّيو إِي يدْجَان ذ يمْعَشَارن ذݣ ؤُڒَاغِي نِّي إِي د يُوْسِين زݣ وجنَّا. فكَّرث مْلِيح ذِي عِيْسَى، نتَّا ذ اَرَّسُوْل نتَّا ذ ڒفْقِي اَمقّْرَان ن لْإِيمَان إِي خَاس نْشهّذ نشِّين.

يعيبرانيين 4:14

إِذن نشِّين أَ نطّف مْلِيح ذِي لْإِيمَان نّغ إِي خف نْشهّذ مِينْزِي غَارْنغ يجّن ن ڒفْقِي اَمقّْرَان يمْغر يُوْذف ذݣ يجنَّاثن يعْذُو-ثن، نتَّا ذ عِيْسَى مِّيس ن أَربِّـي.

يعيبرانيين 5:9

وَامِي يعْذُو اَعدّب نِّي بْڒَا ڒْمُعْصِيّث، ئِذْوڒ نتَّا ذ ڒْعُنْصَر ن وسنْجم يعْنِي يزمَّر اَذ يسنْجم مَارَّا يِنِّي إِي ث يتْطَاعَان.

1 بطرس 2:9

فَا كنِّيو ذ يجّن ن شَّعْب يتْوَاخْضَرن ذ يجّن ن جْمَاعث ن ڒْفُقَهَا ن وزدْجِيذ ذ يجّن ن ڒْݣنْس ذ اَمْقدّس ذ يِوْذَان نِثْنِي بَابْ نْسن ذ أَربِّـي بَاش اَذ تْبشَّارم س ثْمسْڒَايِين ثِصبْحَانِين ن ونِّي إِي كنِّيو يسُّوْفْغن زݣ يِجّن ن ثَادْجسْت يَارِّي-كنِّيو-د غَار نُّوْر نّس عَاجِب.

1 بطرس 4:11

ونِّي ؤُمِي يمُّوْش اَذ يسِّيوڒ يتْخصَّا-يَاس اَذ يسِّيوڒ اَم ونِّي يسَّاوَاڒن اَوَاڒن ن أَربِّـي. ونِّي ؤُمِي يمُّوْش اَذ يخْذم يتْخصَّا-يَاس اَذ يخْذم اَم ونِّي يخدّْمن س جّْهذ إِݣ يتِيشّ أَربِّـي. حمَا س مَارَّا ثِمسْڒَايِين-أَ اَذ يتْوَاحْمذ أَربِّـي س وفُوْس ن عِيْسَى لْمَسِيح. أَغَارس ثِيڒِي لْعَظَمَا ذ ڒحْكَام إِ ڒبْدَا ن ڒبْدَاث. آمِين.