22 أيث-كورينث 8:9 - ثريفيث 2020

⁹ أَقَا ثسْنم اَرْضَا ن سِيذِيثْنغ عِيْسَى لْمَسِيح. تُوْغَا نتَّا غَارس كُڒْشِي، وَلَكِن عْلَاحْسَاب نشِّين يسْمح ذِي كُڒْشِي مَانَاينِّي بَاش اَغَارْنغ يِيڒِي كُڒْشِي س مَانَاينِّي إِي ذِي يسْمح.

22 أيث-كورينث 8:9 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 17:27

وَلَكِن يتْخصَّا وَار نسْخيّق حَدّ. رُوْح غَار ڒبْحَر نْضَر ثِصنَّارْث ذݣ وَامَان، أَسْڒم نِّي إِي غَا ثطّْفذ ذ اَمزْوَارُو، رْزم-اَس اَقمُّوْم اَذَايس ثَافذ يجّن ن ثْپـيَّاسْت ن نُّقَارْث. يْسِي-ت ؤُش-اَسن-ت، خدْجس خَاش ذ خَافِي.

أَسڒْمذ ن سِيذِيثْنغ عِيْسَى لْكِتَاب ن مَتَّى 20:28

مِّيس ن بْنَاذم ؤُڒَا ذ نتَّا وَار د يُوْسِي شَا حمَا اَخَاس خذْمن يِوْذَان. لَّا، نتَّا يُوْسَا-د حمَا اَخَاسن يخْذم، أَخَاسن يصدّق ثُوْذَارْث نّس حمَا اَذ يسنْجم اَطَّاس زَّايْسن."

أَسڒْمذ ن سِيذِيثْنغ عِيْسَى لْكِتَاب ن مَتَّى 8:20

ينَّا-ٱس عِيْسَى: "ؤُشَّانن غَارْسن يفْرَان نْسن، ئِجْضَاض غَارْسن ڒَعْوَاش نْسن، وَلَكِن مِّيس ن بْنَاذم وَار غَارس ؤُڒَا ذ مَانِي غَا يسُوْمّث اَزدْجِيف نّس."

مرقس 6:3

مَا وَار يدْجِي شَا وَانِيتَا ذ اَنجَّار مِّيس ن مَرْيَم ؤُمَاس ن يَعْقُوْب ذ يُوْسِيس ذ يَهُوْذَا ذ سِمْعَان، سُوْيْثْمَاس اَقَاثنْت ذَانِيتَا اَكِذْنغ؟" خ مَانَاينِّي وَار ث قْبِيڒن شَا.

لوقا 16:11

مڒَا وَار ذَايْوم بُو ڒَامَان خ ڒوْسخ ن دُّنشْت-أَ، وِي ذَايْوم غَا يݣّن ڒَامَان خ وَاݣْڒَا ن صَّح؟

لوقا 2:7

ثُوْرو مِّيس اَمنْزُو ثْصحْنُوْنّض-يث ثݣِّي-ث ذِي ڒْمذْوذ مِينْزِي وَار ؤُفِين بُو ومْشَان ذِي ثدَّارْث ن يمْسَافَرن.

لوقا 8:3

ذ أَيُوْنَّا ثَمْغَارْث ن خُوْزِي لْوَكِيل ن هِيرُوْدُس، ذ سُوْزَانَا، ذ ثِنّضْنِي اَطَّاس إِي تْعَاوَاننْت س وَاݣْڒَا نْسنْت.

لوقا 9:58

ينَّا-ٱس عِيْسَى: "ؤُشَّانن غَارْسن يفْرَان نْسن، ئِجْضَاض غَارْسن ڒَعْوَاش نْسن، وَلَكِن مِّيس ن بْنَاذم وَار غَارس ؤُڒَا ذ مَانِي غَا يسُوْمّث اَزدْجِيف نّس."

يوحنا 1:10

نُّوْر نِّي تُوْغَا ئِدْجَا ذِي دُّنشْت. وَاخَّا ذ نتَّا إِݣ يݣِّين دُّنشْت، أَيثْبَاب ن دُّنشْت وَار ث سِّينن شَا.

يوحنا 1:14

أَوَاڒ-أَ يذْوڒ ذ بْنَاذم، ئِزْذغ جَارَانغ. نشِّين نࢲْرَا لْعَظَمَا غَارس يدْجَان، لْعَظَمَا-يَا ثدْجَا غَار مِّيس وَاحْذس ن بَابَاس. نتَّا يشُّوْر س اَرْضَا ذ لْحَقِيقَا.

يوحنا 1:17

شَّرِيعَا ن أَيث-إِسْرَائِيل ثمُّوْش خ وفُوْس ن مُوْسَى. اَرْضَا ذ لْحَقِيقَا نِثنْتِي ؤُسِينْت-يد خ وفُوْس ن عِيْسَى لمَسِيح.

يوحنا 12:30

ينَّا-ٱسن عِيْسَى: "صُّوْت-أَ وَار يدْجِي بُو إِ يِيخف ينُو لَّا، إِ كنِّيو.

يوحنا 16:15

مَارَّا مِين غَارس غَار بَابَا، غَارِي ؤُڒَا ذ نش. س مَانَايَا نِّيغ-اَوم بلِّي نتَّا يكسِّي زِي مِين غَارِي، أَذَاوم يخبَّر زَّايس."

يوحنا 17:19

نش صفِّيغ يخف ينُو خ سَّبَاب نْسن حمَا اَذ تْوَاصفَّان ؤُڒَا ذ نِثْنِي عَاوذ س لْحَقِيقَا.

أيث-روما 11:12

ڒخُّو ڒْمُعْصِيّث نِّي إِي ݣِّين أَيث-إِسْرَائِيل مڒَا ثُوْوِي-د لْبَرَاكَا ذ ثَمقّْرَانْت إ دُّنشْت-أَ، أُو عَاوذ وطُّو نِّي إِي ݣِّين مڒَا يُوْوِي-د لْبَرَاكَا ذ ثَمقّْرَانْت إ يِنِّي وَار يدْجِين شَا زِي أَيث-إِسْرَائِيل، مشْحَاڒ غَا ثرْنِي لْبَرَاكَا خْمِي د غَا ذوْڒن غَار وبْرِيذ؟

أيث-روما 15:3

لِأَنَّا لْمَسِيح وَار يݣِّي شَا مِين ذَاس يتعْجِيبن إِ يِيخف نّس، يݣَّا مَامّش يقّار لْكِتَاب: <ڒْبَاطڒ إِي خَاش نَّان يفْضح-اَيِي.>

أيث-روما 5:8

وَلَكِن نشِّين تُوْغَانغ عَاذ نْعصَّا أَربِّـي وَامِي يمُّوْث خَانغ لْمَسِيح. س مَانَاينِّي يسْبيّن-اَنغ-د أَربِّـي مشْحَاڒ ذَانغ يتخْس.

أيث-روما 8:32

سِيذِي أَربِّـي وَار يسْعِيزّ شَا مِّيس خَانغ، ئِقدّم-يث إِ ڒْموْث خَانغ مَارَّا. مَا اَذ تقِّيم شَان ڒْحَاجث وَار ذَانغ-ت يتِيشّ شَا اَكِذس؟

1 أيث-كورينث 1:4

تْشكَّارغ أَربِّـي خَاوم ڒبْدَا خ اَرْضَا إِي ذَاوم يُوْشَا ذِي عِيْسَى لْمَسِيح.

1 أيث-كورينث 15:47

بْنَاذم اَمزْوَارُو يتْوَاصنَّع زݣ وشَاڒ ن ثْمُوْرْث، بْنَاذم وِيس ثْنَاين يُوْسَا-د زݣ وجنَّا.

22 أيث-كورينث 13:14

أَرْضَا ن سِيذِيثْنغ عِيْسَى لْمَسِيح ذ ڒمْحِبّث ن أَربِّـي ذ ومْعَشَار ن أَرُّوْح يقدّْسن اَكِذْوم يِيڒِي مَارَّا. آمِين.

22 أيث-كورينث 6:10

نشِّين نتْوَازيَّار وَلَكِن ڒبْدَا نفَرّح؛ نشِّين ذ يپُـوْبْرِيثن نْسرْبَاح اَطَّاس ن يِوْذَان؛ وَار غَارْنغ وَالُو وَلَكِن غَارْنغ كُڒْشِي.

أيث-ؤفسوس 2:7

مَايمِّي؟ حمَا سِيذِي أَربِّـي ذِي زْمَانَاث إِي د غَا يَاسن اَذ د يسْمظْهَار اَݣْڒَا نّس يعْنِي اَرْضَا نّس مشْحَاڒ إِݣ يدْجَا ذ اَمقّْرَان بْڒَا ڒقْيَاس إِي ذَانغ د يسْبيّن ذِي عِيْسَى لْمَسِيح.

أيث-ؤفسوس 3:19

أَذ تسّْنم عَاوذ مْلِيح ڒمْحِبّث-أَ ثَانِيتَا ن لْمَسِيح مشْحَاڒ ثمْغر خ مَارَّا ثُوْسْنَا ذِي دُّنشْت-أَ بَاش اَذ تشَّارم س مِين يشُّوْر أَربِّـي.

أيث-ؤفسوس 3:8

لْبَرَكَا-يَا يُوْشَا-ٱيِي-ت أَربِّـي وَاخَّا ذ اَمزْيَان إِي دْجِيغ خ مَارَّا صَّالِحِين بَاش نش اَذ بشَّرغ يِنِّي وَار يدْجِين شَا زِي أَيث-إِسْرَائِيل اَذ سّْنن اَݣْڒَا نِّي ن لْمَسِيح إِي وَار يتْوَاشرِّيحن شَا.

أيث-كولوس 1:24

ڒخُّو نش فَرّْحغ خ مِينْخف تْعدَّابغ عْلَاحْسَاب كنِّيو. لِأَنَّا ذِي دَّات-أَ ينُو كسِّيغ ڒْحَقّ ينُو زِي مِين عَاذ ينقّْصن زݣ وعدّب نِّي ن لْمَسِيح عْلَاحْسَاب دَّات نّس يعْنِي جْمَاعث ن ڒْمُوْمِنِين.

1 تيموتاوس 6:18

تْوصَّا-ثن اَذ ݣّن ڒْخِير اَذ يڒِين ذ تْوَاجَر عْلَاحْسَاب لْحَسَانَاث اَذ يڒِين صَاخِيِين اَذ يڒِين وجْذن بَاش اَذ صدّْقن اَذ ذبَّرن.

يعيبرانيين 1:2

وَلَكِن ذِي لْأَيَّام-أَ ينݣُّوْرَا يسَّاوَاڒ اَكِذْنغ س وقمُّوْم ن مِّيس يعْنِي ونِّي إِي يخْضَر اَذ يوَارث مَارَّا ثِمسْڒَايِين، زَّايس إِي د يخْڒق أَربِّـي دُّنشْت.

ثبرات غار يعقوب 2:5

شُوْف آي أَيثْمَا يمْعِيزّن ينُو، مَا وَار ثسِّينم شَا أَربِّـي يخْضَر ڒْمُسَاكِين ن دُّنشْت-أَ حمَا اَذ يڒِين ذ تْوَاجَر س لْإِيمَان نْسن اَذ وَرْثن ذِي ڒْمُلْك إِي زِي يوْعذ أَربِّـي يِنِّي إِي ث يتْحِبَّان؟

لواحي ن يوحنا 2:9

نش سّْنغ ڒمْحَاين نّش، شك ذ ڒْمسْكِين، وَلَكِن لَّا شك ذ تَّاجَر! سّْنغ ڒْبَاطڒ إِي خَاوم قَّارن يِنِّي يحسّْبن يخف نْسن زِي أَيث-إِسْرَائِيل. لَّا، نِثْنِي وَار دْجِين شَا زِي جْمَاعث ن أَيث-إِسْرَائِيل؛ نِثْنِي غِير ذ يجّن ن جْمَاعث إِݣ يعبّْذن شِّيطَان.

لواحي ن يوحنا 21:7

ونِّي غَا يربْحن اَذ يوَرث ذِي ثْمسْڒَايِين-أَ. نش اَذ يڒِيغ ذ أَربِّـي نّس، نتَّا اَذ يِيڒِي ذ مِّي.

لواحي ن يوحنا 3:18

قَا نش نصّْحغ-شك اَخَافِي ثسْغذ دّْهب يتْوَاصْفَان س ثْمسِّي حمَا اَذ تْذوْڒذ ذ تَّاجَر. سغ عَاوذ اَرُّوْض ذ اَشمْڒَاڒ حمَا اَذ تسَرْضذ يخف نّش زِي ثُوْعَرْيَانْت نّش عَاوذ ذ شَان دّْوَا حمَا اَذ تسْݣنْفِيذ ثِيطَّاوِين نّش اَتَاف تْوَاڒِيذ.