22 أيث-كورينث 8:8 - ثريفيث 2020

⁸ وَار قَّارغ شَا مَانَايَا ذ يج ن ڒُوْصِيّث؛ نش رزُّوْغ اَذ جَرّْبغ لْحَقِيقَا ن ڒمْحِبّث نْوم يعْنِي تْشَابَّاهغ مِين تݣّم كنِّيو اَك مَامّش تْحَوَاڒن يِوْذَان نّغْنِي س وُوْڒَاون نْسن ذِي ڒْخذْمث-أَ.

22 أيث-كورينث 8:8 ပူးပေါင်းရင်းမြစ်များ

أيث-روما 12:9

ڒمْحِبّث يتْخصَّا اَذ تِيڒِي بْڒَا نِّفَاق. عِيفّث مِين يدْجَان ذ شَّرّْ، طّْفث ذِي مِين يدْجَان ذ ڒْخِير.

1 أيث-كورينث 7:12

فَا يِنِّي نّغْنِي، قَّارغ-اَسن نش (يعْنِي وَار ت يقَّار شَا سِيذِيثْنغ، غِير نش): مڒَا شَان ؤُمَاثْنغ غَارس ثَمْغَارْث مَاشِي ذ ڒْمُوْمنَا ثقْبڒ اَكِذس ثْعِيش، ممْنُوْع اَذَاس يدْجف.

1 أيث-كورينث 7:25

فَا ڒخُّو اَذ سِّيوْڒغ خ ثْحَرْمُوْشِين وَار يمْڒِيشن شَا. وَار غَارِي بُو ڒُوْصِيّث زِي سِيذِيثْنغ؛ لَّا، قَّارغ مَانَايَا س اَرَّاي ينُو. تيّْقم ذَايِي عْلَاحْسَاب اَرَّاحْمث ن سِيذِيثْنغ.

1 أيث-كورينث 7:6

وَلَكِن مَانَايَا مَاشِي ذ يجّن ن ڒُوْصِيّث، قَّارغ-اَوم-ت اَم يِجّن ن تّسْرِيح.

22 أيث-كورينث 6:6

نتْقدَّام-اَوم يخف نّغ س صّْفَا إِي غَارْنغ ذ ڒفْهَامث ذ تَّسِيع ن ڒْخَاضَر ذ ڒْخِير ذ أَرُّوْح يقدّْسن ذ يجّن ن ڒمْحِبّث بْڒَا نِّفَاق؛

22 أيث-كورينث 8:10

ڒخُّو نش اَذَاوم ؤُشغ اَرَّاي ينُو ذِي مَانَايَا، أَزَّايس ثَاوِيم نّْفَع. أَزذْغَاث كنِّيو إِݣ يصدّْقن ذ يمزْوُوْرَا؛ أُو كنِّيو عَاوذ ذ يمزْوُوْڒَا إِي ثخْسم اَذ تݣّم مَانَاينِّي.

22 أيث-كورينث 8:24

فَلِهَاذَا، أَوِيم-اَسن إِ يرْيَازن-أَ دَّلِيل ن ڒمْحِبّث نْوم ذ سَّبَاب س مِينْزِي نْتفْتَخَر ذَايْوم بَاش مَانَايَا اَث ࢲرنْت ثِجُوْمَاع ن ڒْمُوْمِنِين.

22 أيث-كورينث 9:7

كُڒ يجّن يتْخصَّا-يَاس اَذ يصدّق س مِين ينْوَا ذݣ وُوْڒ نّس مَاشِي س وخيَّاق نِغ س بسِّيف، مِينْزِي أَربِّـي يتخْس ونِّي يتْصدَّاقن س ڒفْرَاحث.

أيث-ؤفسوس 4:15

لَّا، إِنَّمَا، نشِّين خْمِي نسَّاوَاڒ ڒْحَقّ س ڒمْحِبّث لَابُد أَ نمْغر س كُڒ اَبْرِيذ أَ نِيڒِي اَم نتَّا ذ اَزدْجِيف نِّي يتْرَايَّان خَانغ يعْنِي لْمَسِيح.

أيث-ؤفسوس 6:24

أَذ يِيڒِي اَرْضَا إِ مَارَّا يِنِّي إِݣ يتْحِبَّان سِيذِيثْنغ عِيْسَى لْمَسِيح س يِجّن ن ڒمْحِبّث وَار ثْفنِّي شَا عمَّارْص.

يعيبرانيين 10:24

نشِّين أَ نْخمّم مْلِيح مَامّش إِي غَا نݣّ أَ نْوصَّا اَيَاوْيَا خ ڒمْحِبّث ذ لْحَسَنَاث.

1 بطرس 1:22

ڒخُّو ثسِّيصْفَام يخف نْوم وَامِي ثْطَاعم إِ لْحَقِيقَا بَاش اَذ تِيڒِي ذَايْوم يجّن ن ڒمْحِبّث جَار وَاوْمَاثن بْڒَا نِّفَاق. س مَانَايَا يتْخصَّا-كنِّيو اَذ ثخْسم اَيَاوْيَا اَطَّاس س وُوْڒَاون نْوم.