22 أيث-كورينث 8:19 - ثريفيث 2020

¹⁹ مَاشِي مَانَاينِّي وَاهَا، قَا خْضَرنْت-ث-يذ ثْجُوْمَاع ن ڒْمُوْمِنِين بَاش اَكِذْنغ يسَفَر خْمِي غَا نكْسِي ڒْخِير ن صَّذَاقَا-يَا. نْكلّف خ صَّذَاقَا-يَا إِ لْعَظَمَا ن سِيذِيثْنغ س يِيخف نّس أُو بَاش اَذ د يمظْهَار مَامّش نْتݣّ ثِزمَّار أَ نْعَاون.

22 أيث-كورينث 8:19 ပူးပေါင်းရင်းမြစ်များ

ڒخذايم 14:23

بُوْلُس ذ بَرْنَابَا يخْضَرن يمقّْرَانن ذِي مْكُڒ جْمَاعث ن ڒْمُوْمِنِين ڒخْدّنِّي ࢲُّوْدْجن، ࢲُوْمّن، جِّين-ثن ذݣ وفُوْس ن سِيذِي أَربِّـي إِي زِي ؤُمْنن.

ڒخذايم 15:22

خ مَانَايَا اَرُّسُل ذ يمقّْرَانن ن جْمَاعث ن ڒْمُوْمِنِين ذ مَارَّا جْمَاعث ن ڒْمُوْمِنِين ݣِّين اَذ يخْضَرن شَان ن يرْيَازن نْسن، أَثن سّكّن اَك بُوْلُس ذ بَرْنَابَا غَار ثنْدِينْت ن وَانْطَاكْيَا. ئِخْضَرن يجّن ؤُمِي قَّارن سِيلَاس ذ يِجّن قَّارن-اَس يَهُوْذَا يعْنِي ونِّي ؤُمِي قَّارن بَارْسَابَا، غَارْسن يجّن ن ومْشَان ذ اَمقّْرَان جَار ڒْمُوْمِنِين.

ڒخذايم 15:25

نشِّين مَارَّا نْتَافق، نِيخْضَر شَان ن يرْيَازن اَثن د نسّكّ غَارْوم اَك يمْعِيزّن نّغ بَرْنَابَا ذ بُوْلُس.

ڒخذايم 19:22

ئِسّكّ غَار مَاسِدُوْنْيَا ثْنَاين زݣ يِنِّي إِي ث يتْعَاوَانن يجّن قَّارن-اَس تِيْمُوْتَاوُس يجّن قَّارن-اَس أَرِيسْطُوْس، نتَّا بُوْلُس يقِّيم يجّن ن ڒْوقْث ذِي لْإِقْلِيم ن آسْيَا.

ڒخذايم 19:29

ثوْقع يجّن ن ڒْفَوْضَا ذ ثَمقّْرَانْت ذِي ثنْدِينْت نِّي اَمن-ثكْمَاڒ. مُوْنن يِوْذَان-أَ ؤُزّْڒن غَار فُوْرْبُو جَرّن اَكِذْسن ثْنَاين ن يمدُّوْكَاڒ ن بُوْلُس إِي كِذس يتْسَفَارن، ئِجّن قَّارن-اَس غَايُوْس يجّن قَّارن-اَس أَرِيسْتَارْخُوْس، نِثْنِي زِي أَيث-مَاسِدُوْنْيَا.

أيث-روما 5:11

وَار يدْجِي غِير مَانَايَا وَاهَا، نشِّين نْفَرّح زِي أَربِّـي س سِيذِيثْنغ عِيْسَى لْمَسِيح ونِّي إِي ذَانغ يسمْصْڒَاحن اَكِذس.

أيث-روما 5:3

وَار يدْجِي غِير مَانَايَا وَاهَا، نْفَرّح نشِّين ؤُڒَا ذِي ڒمْحَايْين. نسّن بلِّي ڒمْحَايْين-أَ تَارْونْت-يد صّْبَر.

22 أيث-كورينث 4:15

شُوْف، مَانَايَا يوْقع مَارَّا بَاش اَكنِّيو ينْفع. خْمِي يتنْتَاشَار اَرْضَا غَار يِوْذَان اَطَّاس س وَاطَّاس يعْنِي اَرْضَا-يَا اَذ د يسْفيّض شُّكر إِ لْعَظَمَا ن أَربِّـي.

22 أيث-كورينث 8:11

ڒخُّو أُو لَابُد اَذ تْكمّْڒم شّْغڒ-أَ س مِين ثْزمَّرم اَذ تْصدّْقم. يعْنِي مِين ثبْذَام س وُوْڒَاون نْوم، إِيوَا عَاوذ كمّْڒم-ث.

22 أيث-كورينث 8:12

لِأَنَّا بْنَاذم مڒَا س ڒْخَاضَر نّس، مِين غَا يصدّق اَذ يتْوَاقْبڒ. وَلَكِن عْلَاحْسَاب مِين غَارس ذ اَݣْڒَا مَاشِي عْلَاحْسَاب مِين وَار غَارس.

22 أيث-كورينث 8:20

أَمُّو نخْس اَخَانغ نسْبعّذ اَيَا ن ڒْعِيب إِي خَانغ غَا ينِين خ مَامّش إِي غَا نْكلّف خ صَّذَاقَا-يَا ثَمقّْرَانْت.

22 أيث-كورينث 9:8

أَربِّـي نتَّا يزمَّر اَكنِّيو يسْفيّض س لْبَرَاكَا بَاش اَتَاف ڒبْدَا اَغَارْوم يِيڒِي مِين تحْذَاجَام مَارَّا ثُمَّا اَذ تَرْنِيم اَطَّاس ذِي مَارَّا ڒْخذْمث ثَصبْحَانْت.