22 أيث-كورينث 7:4 - ثريفيث 2020

⁴ نش تݣّغ اَكِذْوم زْعَامث اَطَّاس، لْإِفْتِخَر إِي غَارِي ذَايْوم يمْغَر. تْوَاشجّْعغ اَطَّاس، ڒفْرَاحث ينُو تمْفيَّاض-د خ مَارَّا ڒمْحَاين نّغ.

22 أيث-كورينث 7:4 ပူးပေါင်းရင်းမြစ်များ

ڒخذايم 5:41

فَرْحن اَرُّسُل وَامِي فّْغن زِي جْمَاعث نِّي ن لْحُكَّام ن أَيث-إِسْرَائِيل، حسّْبن بلِّي غَارْسن لْهِمَّا خ لْإِهَانَا نِّي إِي ذَاسن يوقْعن خ يِيسم ن عِيْسَى.

أيث-روما 5:3

وَار يدْجِي غِير مَانَايَا وَاهَا، نْفَرّح نشِّين ؤُڒَا ذِي ڒمْحَايْين. نسّن بلِّي ڒمْحَايْين-أَ تَارْونْت-يد صّْبَر.

1 أيث-كورينث 1:4

تْشكَّارغ أَربِّـي خَاوم ڒبْدَا خ اَرْضَا إِي ذَاوم يُوْشَا ذِي عِيْسَى لْمَسِيح.

22 أيث-كورينث 1:4

ئِتْعَاوَان-اَنغ ذِي مَارَّا تَمَارَا نّغ حمَا نشِّين س ومْعَاوَان-أَ إِي زِي ذَانغ يتْعَاوَان أَربِّـي نْزمَّر أَ نْعَاون يِنِّي يدْجَان ذِي كُڒ تَمَارَا.

22 أيث-كورينث 10:8

وَاخَّا تفْتَخَرغ شْوَايْت س صَّرَاحَا-يَا خ سُّلْطَا نِّي إِي ذَانغ يُوْشَا سِيذِيثْنغ، وَلَكِن وَار تْسذْحِيغ شَا زِي مَانَايَا. سُّلْطَا-يَا يُوْشَا-ٱنغ-ت حمَا اَكنِّيو نْسجْهذ مَاشِي حمَا اَكنِّيو نرز.

22 أيث-كورينث 11:21

نش تْسذْحِيغ زَعْمَا، نشِّين نضْعف وَار نْزمَّر أَ نخْذم اَمنِّي! قَّارغ نش زَعْمَا س ثُوْبُّوْهْڒِيَا-يَا قَا مڒْمِي مَا يزْعَم حَدّ اَزَّايس يفْتَخَر ؤُڒَا ذ نش اَزَّايس فْتَخَرغ.

22 أيث-كورينث 2:14

وَلَكِن أَ نحْمذ أَربِّـي. نتَّا ڒبْدَا يسُوْݣُّوْر-اَنغ ذݣ وبْرِيذ ن اَرْبَاح س لْمَسِيح أُو زَّايْنغ نشِّين يتنْتَاشَار ڒفْوَاح ن ثُوْسْنَا خ لْمَسِيح.

22 أيث-كورينث 3:12

إِذن، مڒَا غَارْنغ يجّن ن لْأَمَال اَم وَانِيتَا اَتَاف غَارْنغ يجّن ن زْعَامث.

22 أيث-كورينث 7:14

وَامِي زَّايْوم فْتَخَرغ غَار تِيْتُوْس وَار يدْجِي مَايمِّي غَا سذْحِيغ ڒخُّو. ڒَاحقَّاش مَامّش نسِّيوڒ اَكِذْوم نِيشَان ذِي مَارَّا، ؤُڒَا ذ لْإِفْتِخَر نّغ خَاوم غَار تِيتُوْس قَا يفّغ-د نِيشَان.

22 أيث-كورينث 8:24

فَلِهَاذَا، أَوِيم-اَسن إِ يرْيَازن-أَ دَّلِيل ن ڒمْحِبّث نْوم ذ سَّبَاب س مِينْزِي نْتفْتَخَر ذَايْوم بَاش مَانَايَا اَث ࢲرنْت ثِجُوْمَاع ن ڒْمُوْمِنِين.

أيث-فيليـپـي 1:14

خ سَّبَاب ن سْنَاسڒ-أَ ينُو اَزْين اَمقّْرَان ن أَيثْمَا تْوَاشجّْعن بَاش اَذ سِّيوْڒن س وَاوَاڒ ن أَربِّـي س يِجِّن ن زْعَامث حْسن زِي قْبڒ بْڒَا ثِيݣّْوْذِي.

أيث-فيليـپـي 1:20

تْرَاجِيغ س وُوْڒ ينُو نش تْمنِّيغ وَار تْسذْحِيغ شَا قَاع خ لْوَاجِب ينُو. لَّا، نش تْزعَّمغ ڒخُّو اَذ زعْمغ منْبَعْد بَاش س دَّات ينُو اَزَّايس يمْغَر لْمَسِيح وَاخَّا اَذ مّْثغ نِغ اَذ دَّرغ.

أيث-فيليـپـي 1:26

أَغَارْوم د عقْبغ عَاوذ. خ سَّبَاب-أَ اَتَاف ڒفْرَاحث نْوم ذِي عِيْسَى لْمَسِيح اَذ د تنْفيّض عْلَاحْسَاب نش.

أيث-فيليـپـي 2:17

نش فَرّْحغ اَكِذْوم س يِجّن ن ڒفْرَاحث مَعْلِيش مڒَا فرّْغن-اَيِي-د وَاهَا اَم يِجّن ن صّذْقث ن يذَامّن خ دْبِيحث نْوم إِي تْقدَّامم كنِّيو س لْإِيمَان نْوم.

أيث-كولوس 1:24

ڒخُّو نش فَرّْحغ خ مِينْخف تْعدَّابغ عْلَاحْسَاب كنِّيو. لِأَنَّا ذِي دَّات-أَ ينُو كسِّيغ ڒْحَقّ ينُو زِي مِين عَاذ ينقّْصن زݣ وعدّب نِّي ن لْمَسِيح عْلَاحْسَاب دَّات نّس يعْنِي جْمَاعث ن ڒْمُوْمِنِين.

1 أيث-سلونيك 2:19

لِأَنَّا ذ كنِّيو إِي يدْجَان ذ لْأَمَال نّغ ذ ڒفْرَاحث نّغ ذ تَّاج نّغ ن شَّان زَّاث إِ سِيذِيثْنغ عِيْسَى خْمِي د غَا يَاس.

1 أيث-سلونيك 2:2

ذِي ثنْدِينْت ن فِيلِيپِّـي ثسّْنم بلِّي تْعدَّان خَانغ ذِنِّي تْبُوْصَارن خَانغ. وَلَكِن نشِّين نْزَعم اَكِذْوم، تُوْغَا يتْعَاوَان-اَنغ أَربِّـي بَاش أَ نْبشَّر جَارَاوم س لْإِنْجِيل وَاخَّا شَان يِوْذَان تْعَارَّاضن-اَنغ.

2 أيث-سلونيك 1:4

خ مَانَايَا ذ كنِّيو إِݣ يدْجَان ذ شَّان نّغ جَار ثْجُمَاع ن ڒْمُوْمِنِين، نسَّاوَاڒ خ صّْبَر نْوم ذ لْإِيمَان نْوم ذِي مَارَّا اَعدّب نِّي ذ مَارَّا ڒمْحَاين نِّي إِي خَاوم إِي تكّن.

ثبرات غار فليمون 1:7

آي ؤُمَا، ڒمْحِبّث إِي غَارش شك تِيشّ-اَيِي-د يجّن ن ڒفْرَاحث ذ ؤُشجَّع ذ اَمقّْرَان مِينْزِي شك ثْسِيْحمِّيذ ؤُڒَاون ن صَّالِحِين.

ثبرات غار يعقوب 1:2

آي أَيثْمَا، فَرْحم اَطَّاس خْمِي غَا ثِيڒِيم ذِي لْأَنْوَاع ن ڒمْحَاين.