22 أيث-كورينث 6:16 - ثريفيث 2020

¹⁶ مِين ثْشَرّش ثمْزِيذَا ثَمقّْرَانْت ن أَربِّـي اَك لْأَصْنَام؟ وَالُو. شُوْف، نشِّين إِي يدْجَان ذ ثَمْزِيذَا ن أَربِّـي يدَّرن. أَمنِّي يقَّار أَربِّـي: <نش اَذ زذْغغ اَكِذْسن اَذ ؤُيُوْرغ جَارَاسن، أَذ يڒِيغ ذ أَربِّـي نْسن، نِثْنِي اَذ يڒِين ذ شَّعْب ينُو.

22 أيث-كورينث 6:16 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 16:16

ئِنْدق-د سِمْعَان بُطْرُس ينَّا-ٱس: "شك ذ لْمَسِيح، مِّيس ن أَربِّـي يدَّرن."

أَسڒْمذ ن سِيذِيثْنغ عِيْسَى لْكِتَاب ن مَتَّى 6:24

وَار يزمَّر شَان يِجّن اَذ يِيڒِي ذ اَخدَّام غَار ثْنَاين ن سِيَاذِيس. مَايمِّي؟ إِمَا يجّن اَث يعِيفّ، ئِجّن اَث يخس. نِغ يجّن اَذَايس يطّف، ئِجّن اَث يحݣَّر. أَذ تْخذْمم إِ أَربِّـي نِغ اَذ تْخذْمم إِ ڒوْسخ ن دُّنشْت-أَ، وَار يدْجِي بُو س ثْنَاين.

لوقا 5:36

ئِسِّيوڒ عَاوذ اَكِذْسن س ڒْمَعْنَا-يَا: "وَار يدْجِي حَدّ يتقْسَّاس-د ثَرقِّيعْث زݣ وَارُّوْض ن جْذِيذ حمَا س ثْرقِّيعْث نِّي اَزَّايس يرقّع اَرُّوْض ذ ڒْبَاڒِي. مَايمِّي؟ أَرُّوْض ذ جْذِيذ اَذ يقِّيم يتْشرَّاݣ وَاهَا، ونِّي ن ڒْبَاڒِي وَار خَاس د تِيس ثْرقِّيعْث نِّي ن جْذِيذ.

يوحنا 14:23

ينَّا-ٱس عِيْسَى: "ونِّي ذَايِي يتْحِبَّان، أَتَاف اَذ يخْذم زݣ وَاوَاڒ ينُو. أَث يحِبّ بَابَا، أَ نْرَاح غَارس نش ذ بَابَا، غَارس إِي غَا نزْذغ.

يوحنا 6:56

مَارَّا ونِّي غَا يشّن دَّات ينُو اَذ يسو يذَامّن ينُو، أَتَاف اَذ يقِّيم ذَايِي، نش ذَايس.

أيث-روما 8:11

ثُمَّا مڒَا يزدّغ ذَايْوم اَرُّوْح ن أَربِّـي إِي د يسكَّرن عِيْسَى زِي ڒْموْث، أَتَاف ونِّي إِي د يسكَّرن عِيْسَى زِي ڒْموْث اَذَايْوم د يَارّ ثُوْذَارْث ؤُڒَا ذِي دَّات نْوم يفنَّان يعْنِي س اَرُّوْح نّس إِي ذَايْوم يزدّْغن.

أيث-روما 8:9

أَمَّا كنِّيو، مڒَا يزدّغ ذَايْوم اَرُّوْح ن أَربِّـي، أَتَاف اَذ تْعِيشم خ وبْرِيذ ن اَرُّوْح اَتَاف وَار تݣّم اَرَّاي إِ طَّبِيعَا ثَعفَّانْت نْوم. أُو ونِّي وَار غَار يدْجِي اَرُّوْح ن لْمَسِيح، وَار يدْجِي شَا زِي لْمَسِيح.

أيث-روما 9:26

أُو ذݣ ومْشَان نِّي ونِّي مَانِي ذَاسن ينَّا أَربِّـي: كنِّيو وَار ثدْجِيم ذ شَّعْب ينُو، ذِنِّي إِي ذَاسن غَا ڒَاغَان آ ثَارْوَا ن أَربِّـي يدَّرن.

1 أيث-كورينث 10:21

وَار ثْزمَّرم شَا اَذ تسْوم زِي ڒْكَاس ن سِيذِيثْنغ نِغ زِي ڒْكَاس ن شَّيَاطِين س ثْنَاين إِذْسن. وَار ثْزمَّرم شَا اَذ تْشَرْشم ذِي مِيسَّا ن سِيذِيثْنغ ذ مِيسَّا ن شَّيَاطِين س ثْنَاين إِذْسنْت.

1 أيث-كورينث 6:19

نِغ مَا وَار ثسِّينم دَّات نْوم نتَّاث ذ ثَمْزِيذَا ن اَرُّوْح يقدّْسن إِݣ يزدّْغن ذَايْوم؟ إِيوَا غَارْوم اَرُّوْح-أَ زِي أَربِّـي. كنِّيو وَار تْرَايِيم شَا خ يِيخف نْوم

أيث-ؤفسوس 2:20

ثَدَّارْث-أَ نتَّاث ثبْنَا خ دْسَاس ن يِيزْرَا يدْجَان ذ اَرُّسُل ذ لْأَنْبِيَا. أُو لْمَسِيح س يِيخف نّس اَقَاث ذ اَزْرُو نِّي يدْجَان ذݣ ومْشَان اَصبْحَان ذِي ثْغمَّارْث ن دْسَاس نّس.

أيث-ؤفسوس 2:22

ذَايس عَاوذ ذِي لْمَسِيح يبنَّا-كنِّيو يجّن اَك ونّغْنِي بَاش اَذ تِيڒِيم ذ يجّن ن ثْزدِّيغْث ذَايس إِي غَا يزْذغ أَربِّـي س أَرُّوْح نّس.

أيث-ؤفسوس 3:17

حمَا لْمَسِيح اَذ يزْذغ ذݣ وُوْڒَاون نْوم س لْإِيمَان. تتَّارغ إِ أَربِّـي عَاوذ اَذ تْوَاࢲُّوْم اَذ تُوْوْثم مْلِيح يࢲوْرَان ذݣ وشَاڒ ن ڒمْحِبّث

1 تيموتاوس 3:15

مڒَا طوّْلغ اَطَّاس وَار ذِنِّي د ؤُسِيغ شَا، أَتَاف اَذ تسّْنذ شك مَامش إِي غَا سُوْݣُوْرن يِوْذَان يخف نْسن ذِي ثدَّارْث ن أَربِّـي يعْنِي جْمَاعث ن ڒْمُوْمِنِين ن أَربِّـي يدَّرن ذ نتَّاث إِي يدْجَان ذ اَپِـيلَار ذ دْسَاس ن لْحَقِيقَا.

2 تيموتاوس 1:14

حْضَا ثَمسْڒَايْث نِّي إِي ذَاش يجَّا ذ لْأَمَانَا، حْضَا-ت س أَرُّوْح يقدّْسن إِي ذَايْنغ يزدّْغن.

يعيبرانيين 3:6

وَلَكِن لْمَسِيح نتَّا ذ مِّيس يحكّم خ اَيثْبَاب ن ثدَّارْث ن أَربِّـي، ئِتْكلَّاف زَّايْسن نِيشَان. أُو نشِّين ذ اَيثْبَاب-أَ ن ثدَّارْث نّس يعْنِي مڒَا نطّف مْلِيح ذِي زْعَامث نّغ أُو ذِي لْأَمَال نّغ إِي خف نْتفْتَاخَر.

يعيبرانيين 8:10

ذ وَانِيتَا ذ ڒْعَهذ إِي غَا ݣّغ اَك أَيث-إِسْرَائِيل منْبَعْد إِ ڒْوقْث نِّي، يقَّار-يث سِيذِي أَربِّـي. أَذَاسن سِيذْفغ ڒُوْصِيَاث ينُو ذِي ڒَعْقُوْڒَاث نْسن، أَغَارْسن يڒِينْت ذ ثِيْرَا خ وُوْڒَاون نْسن. أَذ يڒِيغ ذ أَربِّـي نْسن اَذ يڒِين ذ شَّعْب ينُو.

ثبرات غار يعقوب 4:5

اَوَاڒ ن لْكِتَاب يقَّار: <أَرُّوْح نِّي إِي ذَايْنغ يݣَّا أَربِّـي يْعِيزّ خَاس اَطَّاس.> مَا تْغِير-أَوم اَوَاڒ نِّي وَار غَارس بُو ڒْمَعْنَا؟

1 بطرس 2:5

ؤُڒَا ذ كنِّيو عَاوذ اَم شَا ن يِزْرَا يدَّرن زَّايْوم إِي ثْبنَّا يجّن ن ثدَّارْث ن أَرُّوْح يقدّْسن. حمَا اَذ تِيڒِيم كنِّيو ذ يجّن ن جْمَاعث ن ڒْفُقَهَا صَّالِحِين، تْقدَّامم دْبِيحَاث رُّوْحِيَاث يَارْضَا خَاسنْت أَربِّـي س وفُوْس ن عِيْسَى لْمَسِيح.

1 يوحنا 4:12

وَار ذِنِّي حَدّ عمَّارْص يࢲْرَا أَربِّـي. وَلَكِن نشِّين مڒَا نتْخس اَيَاوْيَا اَتَاف أَربِّـي يزدّغ ذَايْنغ، ڒمْحِبّث نّس ثجِّيون زَّايْنغ.

1 يوحنا 4:15

ونِّي غَا يشهْذن عِيْسَى ذ مِّيس ن أَربِّـي، أَتَاف أَربِّـي يقِّيم ذَايس اَتَاف نتَّا يقِّيم ذِي أَربِّـي.

لواحي ن يوحنا 2:1

"أَرِي-يَاس إِ لْمَلَائِكَا ن جْمَاعث ن ڒْمُوْمِنِين إِي يدْجَان ذِي ثنْدِينْت ن ؤُفَسُوْس، إِنِي-يَاس قَا ونِّي إِي يطّْفن سبْعَا ن يِيثْرَان ذݣ وفُوْس نّس اَفُوْسِي، يݣُّوْر ذي ڒْوسْط ن سبْعَا ن ڒقْنَاذڒ ن دّْهب، ئِقَّار-اَش:

لواحي ن يوحنا 21:3

سْڒِيغ إِ يِجّن ن ثْمِيجَّا زِي لْعَرْش ثقَّار س جّْهذ: "أَقَا ثَزدِّيغْث ن أَربِّـي اَك يِوْذَان، أَذ يزْذغ جَارَاسن اَذ يڒِين ذ شَّعْب نّس. أَربِّـي س يِيخف نّس اَكِذْسن يِيڒِي، أُو عَاوذ اَذ يِيڒِي ذ أَربِّـي نْسن.

لواحي ن يوحنا 21:7

ونِّي غَا يربْحن اَذ يوَرث ذِي ثْمسْڒَايِين-أَ. نش اَذ يڒِيغ ذ أَربِّـي نّس، نتَّا اَذ يِيڒِي ذ مِّي.