22 أيث-كورينث 5:11 - ثريفيث 2020

¹¹ فَلِهَاذَا وَامِي نسّن أَ نݣّْوذ زِي سِيذِيثْنغ، نْرزُّو يوْذَان اَذ قْتَنْعن. ئِي مِين نعْنَا نشِّين يسّن-يث أَربِّـي مْلِيح، أُو تْمنِّيغ عَاوذ ضَّمِير نْوم اَذ يسّن مَانَاينِّي.

22 أيث-كورينث 5:11 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 10:28

وَار تݣّوْذث شَا زݣ يِنِّي ينقّن دَّات وَار زمَّرن اَذ نْغن ؤُڒَا ذ ڒَعْمَر؛ لَّا، ݣّْوْذث زِي أَربِّـي يعْنِي ونِّي يزمَّرن اَذ يدمَّر دَّات ذ ڒَعْمَر ذِي جَهنَّمَا.

أَسڒْمذ ن سِيذِيثْنغ عِيْسَى لْكِتَاب ن مَتَّى 25:46

أَذ رَاحن يِيْنَا غَار ثْمسِّي إِي وَار يخسِّين عمَّارْص. وَلَكِن يصبْحَانن اَذ رَاحن غَار ثُوْذَارْث ن ڒبْدَا."

لوقا 12:5

لَّا، أَذَاوم ينِيغ وِي زِي غَا ثݣّْوْذم: ݣّْوْذث زِي ونِّي إِي غَا ينْغن دَّات نْوم منْبَعْد اَغَارس يِيڒِي جّْهذ بَاش اَذ يݣّ كْتَار، أَت ينْضَر ذِي جَهنَّمَا. وَاه، قَّارغ-اَوم: ونِّي ݣّْوْذم-ث.

لوقا 16:31

ينَّا-ٱس بْرَاهِيم: لَّا، مڒَا نِثْنِي وَار تسْڒِين شَا إِ مُوْسَى ذ لْأَنْبِيَا، وَاخَّا يكَّر-د شَان يِجّن زِي ڒْموْث اَتَاف وَار ثن يسْنقْنِيع شَا."

ڒخذايم 13:43

وَامِي د تفّْغن زِي ثمْزِيذَا، ذْفَارن-ثن اَطَّاس ن يسْرَائِيلِيْين ذ يِنِّي يسڒْمن ذِي دِّين ن أَيث-إِسْرَائِيل إِي تݣّْوْذن أَربِّـي. بُوْلُس ذ بَرْنَابَا سِّيوْڒن اَكِذْسن شجّْعن-ثن حمَا اَذ ارْنِين ذي اَرْضَا ن أَربِّـي.

ڒخذايم 18:13

نَّان اَرْيَاز-أَ يسْقنّع يوْذَان اَذ عبْذن أَربِّـي ضد إِ ڒْقَانُوْن.

ڒخذايم 18:4

مْكُڒ نْهَار ن سّبْث ن لْعِبَادَا بُوْلُس يتمْنَاقَاش اَك أَيث-إِسْرَائِيل ذ ييُوْنَانِيْين ذِي ثمْزِيذَا بَاش اَثن يسقْنع.

ڒخذايم 19:26

أَقَا تْوَاڒَام تسْڒَام بُوْلُس-أَ يسْقنّع اَطَّاس ن يِوْذَان ذِي ثنْدِينْت-أَ ن ؤُفَسُوْس عْڒَاين ؤُڒَا ذِي مَارَّا لْإِقْلِيم ن آسْيَا، ئِسُوْفُوْغ-يثن زݣ وبْرِيذ نّغ. ئِقَّار-اَنغ قَا لْأَصْنَام-أَ يتْوَاصنْعن س يفَاسّن قَا وَار دْجِين شَا ذ أَربِّـيثن.

ڒخذايم 26:26

أَزدْجيذ أَغْرِيبَاس يسّن نتَّا مْلِيح خ مَانَايَا، نش رزُّوْغ اَكِذس سِّيوْڒغ س صَرَاحَا مَارَّا. نش مسْتقْنع وَار ثقِّيم ؤُڒَا ذ يجّن ن ڒْحَاجث زِي مَانَايَا وَار ت يسِّين شَا، لِأَنَّا وَار ثوْقِيع شَا ذِي شَان ن ثْغمَّارْث وَاهَا.

ڒخذايم 28:23

تَّافْقن اَذ مڒْقن يجّن ن نْهَار، تْمَارْنِين-د ينّغْنِي ؤُسِين-د غَارس اَطَّاس إِذْسن غَار ثدَّارْث مَانِي يقِّيم بُوْلُس. ئِبْذَا يتْحدَّاث-يثن زِي صْبَاح اَڒ وَامِي د يُوْوض وعشِّي نتَّا يشهّذ س ڒْمُلْك ن أَربِّـي، ئِخس اَثن يسقْنع س شَّرِيعَا ن مُوْسَى ذ لْكُتُب ن لْأَنْبِيَا خ عِيْسَى.

22 أيث-كورينث 2:17

أَقَا نشِّين مَاشِي اَم خَربِّي ن يِوْذَان يتݣّن تِّجَارَا ذݣ وَاوَاڒ ن أَربِّـي، نشِّين ذِي لْمَسِيح نسَّاوَاڒ س وُوْڒ يصْفَا زِي أَربِّـي أُو زَّاث إِ أَربِّـي.

22 أيث-كورينث 5:20

فَلِهَاذَا نشِّين ذ لْمُبْشِرِين ن لْمَسِيح، أَربِّـي يسّكّ طَّلَاب نّس خ وفُوْس نّغ. نْطَلَاب-يكنِّيو عْلَاحْسَاب لْمَسِيح اَذ تمْصْڒَاحم اَك أَربِّـي.

22 أيث-كورينث 6:1

فَا نشِّين إِݣ يخدّْمن اَك أَربِّـي نْتتَّار إِ كنِّيو نقَّار-اَوم: مَاشِي اَذ تْقبّْڒم اَرْضَا ن أَربِّـي وَار زَّايس ثْخدّْمم شَا.

أيث-ݣلاطيا 1:10

شُوْف، نش مَا رزُّوْغ ڒخُّو اَخَافِي اَرْضَان يِوْذَان؟ لَّا، رزُّوْغ اَخَافِي يَارْضَا أَربِّـي! مَا نش رزُّوْغ اَذَاسن عجْبغ إِ يِوْذَان؟ لَّا، مَعْلِيك عَاذ رزُّوْغ اَذَاسن عجْبغ إِ يِوْذَان، أَتَاف نش وَار دْجِيغ شَا ذ اَخدَّام ن لْمَسِيح.

أيث-ؤفسوس 5:21

طَاعم إِ وَايَاوْيَا عْلَاحْسَاب ڒُوقَّر نْوم إِ لْمَسِيح.

يعيبرانيين 10:31

مڒَا يجّن حكّْمن خَاس يفَاسّن ن أَربِّـي يدَّرن، أَتَاف مَانَايَا يسَاݣّْوَاذ.

يعيبرانيين 12:29

مِينْزِي أَربِّـي نّغ نتَّا ذ يجّن ن ثْمسِّي يسْحَرَّاقن.

ثبرات زي يهوذا 1:23

فكّث ينّغْنِي، جبْذم-ثن-د زِي ثْمسِّي. ئِنّغْنِي سْبِيّْنم-اَسن-د اَرَّاحْمث ثمْخلّط اَك ثِيْݣّْوْذِي يعْنِي اَذ تْعِيفّم ؤُڒَا ذ اَرُّوْض نْسن إِݣ يخنْزن س طَّبِيعَا نْسن ثَعفَّانْت.

لواحي ن يوحنا 20:15

ونِّي وَار غَار ؤُفِين شَا يسم نّس يزمّم ذِي لْكِتَاب ن ثُوْذَارْث قَا يمنْضَار-د ذِي ڒبْحَر ن ثْمسِّي.