22 أيث-كورينث 4:6 - ثريفيث 2020

⁶ ذ أَربِّـي إِݣ ينَّان: "نُّوْر اَذ يشعْشع زِي ثَادْجسْت." ذ أَربِّـي-يَا إِݣ يشعْشْعن ذݣ وُوْڒَاون نّغ بَاش أَ نسّن لْعَظَمَا ن أَربِّـي إِݣ يتْشعْشِيعن ذݣ وُوْذم ن عِيْسَى لْمَسِيح.

22 أيث-كورينث 4:6 ပူးပေါင်းရင်းမြစ်များ

لوقا 10:22

ئِمُّوْش-اَيِي كُڒْشِي زِي بَابَا. وَار يسِّين حَدّ مِين يعْنَا مِّيس منْغِير بَابَاس. وَار يسِّين حَدّ مِين يعْنَا بَابَاس منْغِير مِّيس. بَابَاس، أَث سّْنن غِير يِنِّي ؤُمِي يخس مِّيس اَذَاسن ثِيذ يسْمظْهَار."

يوحنا 1:14

أَوَاڒ-أَ يذْوڒ ذ بْنَاذم، ئِزْذغ جَارَانغ. نشِّين نࢲْرَا لْعَظَمَا غَارس يدْجَان، لْعَظَمَا-يَا ثدْجَا غَار مِّيس وَاحْذس ن بَابَاس. نتَّا يشُّوْر س اَرْضَا ذ لْحَقِيقَا.

يوحنا 11:40

ينَّا-ٱس عِيْسَى: "يَاش نِّيغ-اَم، مڒَا ثُوْمْنذ اَذ تࢲرذ لْعَظَمَا ن أَربِّـي؟"

يوحنا 12:41

نَّبِي إِشَعْيَا ينَّا مَانَايَا خ عِيْسَى وَامِي يࢲْرَا لْعَظَمَا نّس يسِّيوڒ خَاس نتَّا.

ڒخذايم 26:18

بَاش اَذَاسن ثرزْمذ ثِيطَّاوِين نْسن، أَثن ثسْبعّْذذ زِي ثَادْجسْت غَار نُّوْر، اَثن ثسْبعّْذذ زِي سُّلْطَا ن شِّيطَان غَار أَربِّـي. أَمُّو اَذَاسن تْوَاغْفَرنْت ڒْمُعْصِيَاث نْسن اَغَارْسن يِيڒِي ومْشَان اَك صَّالِحِين يعْنِي س لْإِيمَان إِي ذَايِي إِي ݣِّين.

1 أيث-كورينث 12:8

ئِجّن يمُّوْش-اَس س وفُوْس ن أَرُّوْح يقدّْسن بَاش اَذ يسِّيوڒ س لْحِكْمَا. ئِجّن يمُّوْش-اَس اَوَاڒ ن ثُوْسْنَا س وفُوْس ن أَرُّوْح-أَ وَانِيتَا.

22 أيث-كورينث 2:10

ونِّي ؤُمِي غَا ثْسمْحم ؤُڒَا ذ نش اَذَاس سمْحغ. مڒَا ذِنِّي شَان ڒْحَاجث اَذَاس سمْحغ، قَا سمْحغ-اَس-ت. سمْحغ-اَس عْلَاحْسَاب كنِّيو، ئِشْهذ خَاس لْمَسِيح.

22 أيث-كورينث 3:18

ڒخُّو نشِّين اَغمْبُوْب نّغ وَار يغْمِيس س وَالُو. نتْوَاڒَا لْعَظَمَا ن سِيذِيثْنغ، نتْوَابدَّاڒ بَاش أَ نِيڒِي ذ يجّن ن صِّفث نّس س يِجّن ن لْعَظَمَا يتْمَارْنِين. مَانَايَا يتَاس-د زِي سِيذِيثْنغ إِݣ يدْجَان ذ أَرُّوْح.

22 أيث-كورينث 4:4

يِنِّي وَار يُوْمِينن شَا ڒَعْقُوْڒَاث نْسن يسْطمّص-يثن إِبْڒِيس ونِّي يدْجَان اَم أَربِّـي ن دُّنشْت-أَ زَعْمَا. نِثْنِي وَار زمَّرن اَذ ࢲرن نُّوْر ن لْإِنْجِيل يعْنِي لْعَظَمَا ن لْمَسِيح، نتَّا يدْجَان ذ صِّفث ن أَربِّـي.

أيث-ؤفسوس 1:17

حمَا أَربِّـي بَابَاثْنغ عَظِيم ن سِيذِيثْنغ عِيسَى لْمَسِيح اَذَاوم د يُوْش يجّن ن اَرُّوْح ن ڒفْهَامث، كنِّيو اَذ تْعڒْمم خ مِين ينُوْفَّرن بَاش اَد تسّْنم سِيذِي أَربِّـي مْلِيح.

أيث-ؤفسوس 1:18

أَذَاوم د يُوْش يجّن ن نُّوْر إِ وُوْڒَاون نْوم بَاش اَذ تسّْنم مِين يعْنَا لْأَمَال-أَ إِي زِي ذَاوم د يڒَاغَا، ذ مِين يعْنَا وَاݣْڒَا-يَا ن لْوَارث عَظِيم ن صَّالِحِين،

أيث-ؤفسوس 5:8

شُوْف، ذݣ يِجّن ن ڒْوقْث كنِّيو تُوْغَا ذ ثَادْجسْت، ڒخُّو كنِّيو ثْذوْڒم ذ يجّن ن نُّوْر ذِي سِيذِي أَربِّـي. إِيوَا عِيشث اَم ثَارْوَا ن نُّوْر.

أيث-فيليـپـي 2:6

نتَّا اَقَاث ذ صِّفث ن أَربِّـي، وَلَكِن وَامِي يمْقُدَّا اَك أَربِّـي وَار ينْوِي شَا اَذ يطّف ذِي مَانَاينِّي.

أيث-كولوس 1:15

مِّيس نتَّا ذ صِّفث ن أَربِّـي ونِّي وَار نْزمَّر شَا نشِّين اَث نْࢲر. نتَّا ذ اَمنْزُو يحكّم خ قَاع مِين د يتْوَاخڒْقن.

1 أيث-سلونيك 2:12

بَاش اَذ تُوْيُوْرم س يِجّن ن ثِيشْرِي إِي ذَاس يتِيشّن لْقِيمَا إِ أَربِّـي إِݣ يسْذَاهدْج نتَّا يعْنِي ونِّي إِي ذَاوم د يتْڒَاغَان غَار ڒْمُلْك نّس ذ لْعَظَمَا نّس.

يعيبرانيين 1:3

نتَّا ذ نُّوْر ن لْعَظَمَا ن أَربِّـي ذ صِّفث ن طَّبِيعَا نّس بْڒَا اَخطِّي. س جّْهذ ن وَاوَاڒ نّس إِي زِي يربُّو مَارَّا ثِمسْڒَايِين. وَامِي يحلّ ڒْمُعْصِيَاث ن بْنَاذم يسِّيصْفَا-ثنْت، سّنِّي يقِّيم خ وفُوْسِي ن أَربِّـي سُبْحَانَا وَتَعَالَى.

يعيبرانيين 6:4

أَمَّا يِنِّي مِيخف يشعْشع نُّوْر، قَّاسن لْهَادِيَا ن وجنَّا، شَرّْشن ذِي أَرُّوْح يقدّْسن،

1 بطرس 1:12

ئِسْمظْهَار-اَسن-د إِ لْأَنْبِيَا بلِّي مَانَايَا وَار ث خدّْمن شَا إِ يِيخف نْسن، خدّْمن-ث إِ كنِّيو وَامِي سَّاوَاڒن س ثْمسْڒَايِين-أَ. أُو ڒخُّو نَّان-اَوم ثِمسْڒَايِين-أَ يِنِّي إِ كنِّيو يتْبشَّارن س لْإِنْجِيل س جّْهذ ن أَرُّوْح يقدّْسن إِي ذَاوم د يتْوَاسّكّن زݣ وجنَّا. وَاخَّا ذ لْمَلَائِكَاث ذَايْسنْت مزْڒِي اَذ خْزَرنْت ذِي ثْمسْڒَايِين-أَ.

1 بطرس 2:9

فَا كنِّيو ذ يجّن ن شَّعْب يتْوَاخْضَرن ذ يجّن ن جْمَاعث ن ڒْفُقَهَا ن وزدْجِيذ ذ يجّن ن ڒْݣنْس ذ اَمْقدّس ذ يِوْذَان نِثْنِي بَابْ نْسن ذ أَربِّـي بَاش اَذ تْبشَّارم س ثْمسْڒَايِين ثِصبْحَانِين ن ونِّي إِي كنِّيو يسُّوْفْغن زݣ يِجّن ن ثَادْجسْت يَارِّي-كنِّيو-د غَار نُّوْر نّس عَاجِب.

2 بطرس 1:19

نشِّين ڒخُّو غَارْنغ اَوَاڒن ن لْأَنْبِيَا تْوَاضمّْنن كْتَار زِي مِين نفْهم قْبڒ. أَذ تݣّم مْلِيح مڒَا تݣّم ذَايْسن اَرَّاي نْوم اَم إِ يِجّن ن نُّوْر يتْشعْشِيعن ذݣ يِجّن ن ثَادْجسْت اَڒ د غَا يصْبح نْهَار نِّي اَذ د يݣَعّذ يِيْثْرِي ن ڒفْجَر ذݣ وُوْڒَاون نْوم.