22 أيث-كورينث 4:5 - ثريفيث 2020

⁵ وَار نتْبشِّير شَا س يِيخف نّغ، نتْبشَّار س عِيْسَى لْمَسِيح يعْنِي نتَّا ذ سِيذِيثْنغ. أُو نشِّين ذ يخدَّامن نْوم عْلَاحْسَاب عِيْسَى.

22 أيث-كورينث 4:5 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 23:8

وَلَكِن كنِّيو، وَار تجَّام حَدّ اَذَاوم يڒَاغَا: آ سِيذِيثْنغ. ڒَاحقَّاش كنِّيو مَارَّا ذ اَوْمَاثن غَارْوم يجّن ن سِيذِيثْوم.

أَسڒْمذ ن سِيذِيثْنغ عِيْسَى لْكِتَاب ن مَتَّى 3:11

نش تْطهَّارغ-كنِّيو س وَامَان بَاش اَذ تُوْبم، وَلَكِن ونِّي إِي د غَا يَاسن منْبَعْد إِ نش، نتَّا يجْهذ خَافِي. وَار سْذِيهِيدْجغ شَا اَذَاس يْسِيغ ؤُڒَا ذ ثِسِيڒَا نّس. نتَّا اَكنِّيو يطهَّار س أَرُّوْح يقدّْسن ذ يِيڒسَاون ن ثْمسِّي.

يوحنا 7:18

ونِّي يسَّاوَاڒن زِي غَارس يرزُّو لْعَظَمَا إِ يِيخف نّس. ونِّي يرزُّون لْعَظَمَا ن ونِّي إِي ثِيذ يسّكّن، قَا نتَّا ذَايس لْحَقِيقَا وَار ذَايس بُو ڒْغشّ.

ڒخذايم 10:36

ثسّْنم أَربِّـي يسّكّ-د اَوَاڒ نّس غَار أَيث-إِسْرَائِيل يتْبشَّار-يثن س لْإِنْجِيل ن ڒهْنَا س عِيْسَى لْمَسِيح، نتَّا ذ سِيذِيثْنغ ن مَارَّا يوْذَان.

ڒخذايم 2:36

إِيوَا كنِّيو يتْخصَّا اَذ تسّْنم مَارَّا أَيث-إِسْرَائِيل مبْڒَا شّكّ، قَا عِيْسَى-يَا وَانِيتَا إِي ثْصلّْبم يݣِّي-ث أَربِّـي ذ سِيذِيثْنغ ذ لْمَسِيح."

ڒخذايم 5:31

يرْفع-يث أَربِّـي اَغَارس يݣِّي-ث خ وفُوْسِي نّس بَاش اَذ يحْكم اَذ يسنْجم، أَذ يُوْش تُوْبَا إِ أَيث-إِسْرَائِيل اَذ يغْفَر ڒْمُعْصِيَاث نْسن.

1 أيث-كورينث 1:23

وَلَكِن نشِّين نتْبشَّار س لْمَسِيح يتْوَاصلّْبن. ئِسْرَائِيلِيْين تْنقْڒَاضن ذِي مَانَايَا، ذ يِنِّي وَار يدْجِين شَا زِي أَيث-إِسْرَائِيل قَّارن قَا مَانَايَا ذ ثُوْبُّوْهْڒِيَا وَاهَا.

1 أيث-كورينث 10:33

نش رزُّوْغ اَذ سَارْضِيغ مَارَّا يوْذَان ذِي مَارَّا مِين تݣّغ. وَار رزُّوْغ شَا ڒْخِير إِ يِيخف ينُو، رزُّوْغ-ث إِ مَارَّا يوْذَان بَاش اَذ نجْمن.

1 أيث-كورينث 12:3

س مَانَاينِّي خْسغ اَذ تْفهّْمم مْلِيح بلِّي وَار ذِنِّي حَدّ اَذ يِينِي س أَرُّوْح ن أَربِّـي <قَا عِيْسَى يتْوَانْعڒ>! عَاوذ وَار ذِنِّي حَدّ اَذ يِينِي <قَا عِيْسَى ذ مَوْلَانَا> إِلَّا س أَرُّوْح يقدّْسن.

1 أيث-كورينث 15:47

بْنَاذم اَمزْوَارُو يتْوَاصنَّع زݣ وشَاڒ ن ثْمُوْرْث، بْنَاذم وِيس ثْنَاين يُوْسَا-د زݣ وجنَّا.

1 أيث-كورينث 2:2

وَامِي تُوْغَا دْجِيغ اَكِذْوم، ݣِّيغ اَذ سْشنْعغ غِير عِيْسَى لْمَسِيح أُو ذ نتَّا يتْوَاصلّْبن ذِي صَّلِيب.

1 أيث-كورينث 4:15

وَاخَّا اَكِذْوم عشْرَاڒَاف ن لْمُربِّيِين ذِي لْمَسِيح، وَار غَارْوم شَا اَطَّاس ن بَابَاثْوم. لِأَنَّا ذِي عِيْسَى لْمَسِيح نش ذ بَابَاثْوم ذِي لْإِنْجِيل.

1 أيث-كورينث 8:6

وَلَكِن نشِّين غَارْنغ يجّن ن أَربِّـي وَاحْذس، نتَّا ذ بَابَاثْنغ. زَّايس نتَّا دْجَانْت مَارَّا ثِمسْڒَايِين، نشِّين ندْجَا إِ نتَّا. عَاوذ غَارْنغ يجّن ن سِيذِيثْنغ، يعْنِي عِيْسَى لْمَسِيح. زِي نتَّا مِيزِي خڒْقنْت مَارَّا ثِمسْڒَايِين، زَّايس مِيزِي نخْڒق نشِّين.

22 أيث-كورينث 1:19

لِأَنَّا مِّيس ن أَربِّـي يعْنِي عِيْسَى لْمَسِيح نْبشَّر-يث جَارَاوم نش ؤُڒَا ذ سِيلَاس ؤُڒَا ذ تِيْمُوْتَاوُس. لْمَسِيح وَار يدْجِي بُو ذ وَاه اَكذ لَّا، نتَّا يدْجَا ڒبْدَا ذ <وَاه> أُو صَافِي.

22 أيث-كورينث 1:24

لِأَنَّا وَار يدْجِي بُو نتْحكّم خ لْإِيمَان نْوم؛ لَّا، نْخدّم اَكِذْوم بَاش اَذ تْفَرْحم. أَقَا س لْإِيمَان نْوم إِي ثْبدَّام نِيشَان.

أيث-ݣلاطيا 5:13

شُوْف آي أَيثْمَا، ئِڒَاغَا-يَاوم-د أَربِّـي بَاش اَذ تِيڒِيم حُرّ. وَلَكِن وَار تجَّاث شَا لْحُرِّيَا-يَا نْوم اَذ تِيڒِي ذ يجّن ن وبْرِيذ إِي زِي غَا ثْسعِّيفم شّهْوث ن طَّبِيعَا ثَعفَّانْت نْوم؛ لَّا، أَذ تْسخَّارم إِ وَايَاوْيَا س ڒمْحِبّث.

أيث-فيليـپـي 1:15

ذ صَّح ذِنِّي ڒبْعَاض تْبشَّارن س لْمَسِيح س ڒحْسذ ذ لْعَدَاوَا، أُو ذِنِّي ڒبْعَاض تْبشَّارن نِيشَان س ڒْخَاضَر نْسن.

أيث-فيليـپـي 2:11

أَذ يعْتَرف كُڒ يِيڒس اَذ يِينِي خ عِيْسَى لْمَسِيح قَا نتَّا ذ سِيذِيثْنغ اَزَّايس يسمْغَار أَربِّـي بَابَاثْنغ.

2 تيموتاوس 2:10

خ مَانَايَا نش صبَّارغ خ مَارَّا ثِمسْڒَايِين عْلَاحْسَاب يِنِّي يتْوَاخْضَرن حمَا ؤُڒَا ذ يِيْنَا اَذ نجّْمن س وفُوْس ن عِيْسَى لْمَسِيح، أَكِذس يجّن لْعَظَمَا إِي وَار يفنِّين شَا.

ثبرات غار تيتوس 1:11

يِيْنَا اَقمُّوْم نْسن يتْخصَّا-يَاسن اَذَاسن يتْوَاقّن. نِثْنِي مشْحَاڒ ن لْعَائِلَاث كمْڒنْت إِي سْپَـرْذْڒن وَامِي ذَاسن سڒْمَاذن ثِمسْڒَايِين يتْخصَّا-يَاسن وَار ذَاسن ثنْت سڒْمِيذن شَا، نِثْنِي ضمّْعن ذِي تْمنْيَاث وَاهَا.

2 بطرس 2:3

عْلَاحْسَاب اَعدِّيس نْسن اَذَاوم شّن ڒْمُوْخ س وَاوَاڒن إِي تْسَايَاسن وَاهَا. مشْحَاڒ زݣ وَامِي لْعِقَاب نْسن عَاذ يتْرَاجَا-ثن وَار يتطّص شَا.