22 أيث-كورينث 3:18 - ثريفيث 2020

¹⁸ ڒخُّو نشِّين اَغمْبُوْب نّغ وَار يغْمِيس س وَالُو. نتْوَاڒَا لْعَظَمَا ن سِيذِيثْنغ، نتْوَابدَّاڒ بَاش أَ نِيڒِي ذ يجّن ن صِّفث نّس س يِجّن ن لْعَظَمَا يتْمَارْنِين. مَانَايَا يتَاس-د زِي سِيذِيثْنغ إِݣ يدْجَان ذ أَرُّوْح.

22 أيث-كورينث 3:18 ပူးပေါင်းရင်းမြစ်များ

يوحنا 1:14

أَوَاڒ-أَ يذْوڒ ذ بْنَاذم، ئِزْذغ جَارَانغ. نشِّين نࢲْرَا لْعَظَمَا غَارس يدْجَان، لْعَظَمَا-يَا ثدْجَا غَار مِّيس وَاحْذس ن بَابَاس. نتَّا يشُّوْر س اَرْضَا ذ لْحَقِيقَا.

يوحنا 12:41

نَّبِي إِشَعْيَا ينَّا مَانَايَا خ عِيْسَى وَامِي يࢲْرَا لْعَظَمَا نّس يسِّيوڒ خَاس نتَّا.

يوحنا 17:22

نش ؤُشِيغ-اَسَن لْعَظَمَا إِي ذَايِي ثُوْشِيذ حمَا اَذ يڒِين ذ يجّن اَم نشِّين ذ يجّن.

يوحنا 17:24

آ بَابَا، يِيْنَا ذَايِي ثُوْشِيذ خْسغ اَذ يڒِين اَكِذِي مَانِي مَا دْجِيغ نش حمَا اَذ ࢲرن لْعَظَمَا ينُو إِي ذَايِي ثُوْشِيذ مِينْزِي شك ثْحِبّذ-اَيِي قْبَڒ مَا ٱذ تِيڒِي دُّنشْت.

أيث-روما 12:2

وَار تݣّم شَا مِين تݣّن يِوْذَان ذِي ڒْوقْث-أَ ثَانِيتَا. ئِتْخصَّا اَغَارْوم يِيڒِي يجّن ن ڒَعْقڒ ذ جْذِيذ حمَا اَذ تْوَابدّْڒم، سّنِّي اَذ تسّْنم كنِّيو مِين يخس أَربِّـي، يعْنِي مِين يصبْحَان ذ مِين ذَاس يتعْجِيبن وَار ذَايس بُو وخطِّي.

أيث-روما 13:14

وَلَكِن، ݣّث ڒحْوَايج ن سِيذِيثْنغ عِيْسَى لْمَسِيح. وَار رهَّام شَا اَك طَّبِيعَا ثَعفَّانْت نْوم، وَار تْسعَّافث شَا شّهَاوَاث نّس.

أيث-روما 8:29

لِأَنَّا يِنِّي إِي تُوْغَا يسّن-يثن زِي قْبڒ، ئِزمّم-يثن زِي قْبڒ حمَا اَذ يڒِين خ صِّيفث ن مِّيس اَذ يڒِين اَم نتَّا. أَمُّو اَذ يِيڒِي نتَّا ذ مِّيس اَمنْزُو ن وَاطَّاس ن أَيثْمَاس.

أيث-روما 8:4

بَاش اَذ يتْوَاكمّڒ مِين ثْخس زَّاينغ شَّرِيعَا ن مُوْسَى. نشِّين، يعْنِي ذ يِنِّي إِݣ يݣُّوْرن ذݣ وبْرِيذ ن اَرُّوْح، وَار نْتݣّ اَرَّاي إِ نّفْس نّغ.

أيث-روما 8:7

أَقَا ڒْخَاضَر يخدّْمن ذِي ثْمسْڒَايِين ن طَّبِيعَا ثَعفَّانْت ن بْنَاذم يتْعَرَّاض أَربِّـي. وَار يتْطِيعِي شَا شَّرِيعَا ن أَربِّـي، أُو ذ صَّح وَار يزمَّر شَا.

1 أيث-كورينث 13:12

أَقَا ڒخُّو نْخزَّر ذݣ يِجّن ن ثِيسِيث وَار ثصْفِي شَا، مَاشَا منْبَعْد أَ نمْࢲر مْلِيح قَارَا ذِي قَارَا. ڒخُّو مِين سّْنغ ذ اَنقْصِي إِݣ يدْجَا، منْبَعْد اَذ سّْنغ نش ثِمسْڒَايِين مَارَّا، كِيف-كِيف مَامّش تْوَاسّْنغ نش ذَانِيتَا.

1 أيث-كورينث 15:49

مَامّش نتْشَابَّاه ذِي صِّفث ن ونِّي يتْوَاصنّْعن زݣ وشَاڒ، أَمنِّي عَاوذ إِي غَا نْشَابَّاه ذِي صِّفث ن ونِّي زݣ وجنَّا.

22 أيث-كورينث 3:17

شُوْف، سِيذِيثْنغ نتَّا ذ أَرُّوْح، مَانِي مَا يدْجَا أَرُّوْح ن سِيذِيثْنغ ذِنِّي لْحُرِّيَا رُوْحِيَا.

22 أيث-كورينث 4:4

يِنِّي وَار يُوْمِينن شَا ڒَعْقُوْڒَاث نْسن يسْطمّص-يثن إِبْڒِيس ونِّي يدْجَان اَم أَربِّـي ن دُّنشْت-أَ زَعْمَا. نِثْنِي وَار زمَّرن اَذ ࢲرن نُّوْر ن لْإِنْجِيل يعْنِي لْعَظَمَا ن لْمَسِيح، نتَّا يدْجَان ذ صِّفث ن أَربِّـي.

22 أيث-كورينث 4:6

ذ أَربِّـي إِݣ ينَّان: "نُّوْر اَذ يشعْشع زِي ثَادْجسْت." ذ أَربِّـي-يَا إِݣ يشعْشْعن ذݣ وُوْڒَاون نّغ بَاش أَ نسّن لْعَظَمَا ن أَربِّـي إِݣ يتْشعْشِيعن ذݣ وُوْذم ن عِيْسَى لْمَسِيح.

22 أيث-كورينث 5:17

س مَانَايَا، ونِّي يدْجَان ذِي لْمَسِيح اَقَا يتْوَاخْڒق-د ذ جْذِيذ؛ مِين يدْجَان ذ اَقْذِيم يعْذُو يُوْسَا-د مِين يدْجَان ذ جْذِيذ.

أيث-ݣلاطيا 6:15

لِأَنَّا بْنَاذم مڒَا يݣَّا طَّهَارث نِغ وَار ت يݣِّي شَا، مَانَايَا وَار ينفّع شَا؛ لَّا، ينفّع مڒَا بْنَاذم يخْڒق-د قَاع ذ جْذِيذ.

أيث-كولوس 3:10

ڒخُّو كنِّيو ثݣِّيم يجّن ن طَّبِيعَا نّغْنِي ذ جْذِيذ عَاذ تْذوَّاڒ-د ذ جْذِيذ، ڒْمَعْرِيفَا نّس اَم صِّفث ن لْخَالِق نّس.

1 تيموتاوس 1:11

تَّعْلِيم-أَ يدْجَان نِيشَان اَث نَاف ذِي لْإِنْجِيل ن أَربِّـي لْعَظِيم إِݣ يتْوَابَرْكن. لْإِنْجِيل-أَ يكلّف-اَيِي-د خَاس نش اَم يِجّن ن لْأَمَنَا.

ثبرات غار تيتوس 3:5

ڒخْدّنِّي يسنْجم-اَنغ مَاشِي عْلَاحْسَاب لْحَسَانَاث نِّي إِي نݣَّا؛ لَّا، تُوْغَا عْلَاحْسَاب اَرَّاحْمث نّس نتَّا. ئِسِّيْرذ-اَنغ س وَامَان ن ؤُخْڒَاق ذ جْذِيذ، يَارَّا-ٱنغ ذ جْذِيذ س وفُوْس ن أَرُّوْح يقدّْسن.

ثبرات غار يعقوب 1:23

مَثَلَان، ئِجّن يخزَّر ذݣ وغمْبُوْب نّس مْلِيح ذِي ثِيسِيث وَاهَا. وَامِي يخْزَر مْلِيح، ئِرُوْح يتُّو ذغْيَا يخف نّس مَامّش يدْجَا. أَمُّو إِݣ يدْجَا ونِّي يتْسْڒَان إِ وَاوَاڒ ن أَربِّـي وَار زَّايس يخدّم شَا.

1 يوحنا 3:2

آي يمْعِيزّن ينُو، ڒخُّو نشِّين ذ ثَارْوَا ن أَربِّـي. عَاذ وَار د تْمظْهَار شَا صِّيفث نّغ مَامش غَا ثِيڒِي، وَلَكِن نسّن اَذ تِيڒِي اَم نتَّا خْمِي د غَا يمظْهَار ڒَاحقَّاش اَث نْࢲر نتَّا مَامش إِي يدْجَا.