22 أيث-كورينث 3:14 - ثريفيث 2020

¹⁴ نِثْنِي ڒَعْقُوْڒَاث نْسن تْوَاقْسْحن وَار فهّْمن شَا. أَڒ نْهَارَا خْمِي غَا غَرن ذِي ڒْعَهذ نِّي اَقْذِيم تَافن لْتَام نِّي عَاذ ذَايس. لْتَام نِّي وَار يتْوَاكّس شَا، غِير س لْمَسِيح إِي غَا يتْوَاكّس.

22 أيث-كورينث 3:14 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 13:11

ئِنْدق-د عِيْسَى ينَّا-ٱسن: "ئِتْوَاسْمح إِ كنِّيو اَذ تسّْنم مِين ينُوْفَّارن ذِي ڒْمُلْك وجنَّا. وَلَكِن نِثْنِي لَّا، وَار ذَاسن يتْوَاسْمح شَا.

أَسڒْمذ ن سِيذِيثْنغ عِيْسَى لْكِتَاب ن مَتَّى 16:17

ڒخْدّنِّي ينَّا-ٱس عِيْسَى: "سَّعْذ نّش آ سِمْعَان، آ مِّيس ن يُوْنَا! وَار يدْجِي بُو ذ شَا ن بْنَاذم إِي ذَاش د يسْمظْهَارن مَانَايَا منْغِير بَابَا يدْجَان ذݣ وجنَّا.

أَسڒْمذ ن سِيذِيثْنغ عِيْسَى لْكِتَاب ن مَتَّى 6:23

وَلَكِن مڒَا ثِيطَّاوِين نّش وَار دْجِينْت شَا مْلِيح، أَتَاف مَارَّا ثُوْذَارْث نّش اَذَايس ثِيڒِي ثَادْجسْت. مڒَا ثْفَاوْث إِي ذَايش ثذْوڒ ذ ثَادْجسْت، شْحَاڒ ذ ثُوْبَّارشنْت إِي تِيڒِي ذ ثَادْجسْت نِّي إِي ذَايش.

يوحنا 12:40

<ئِسْضرْغڒ-يثن زِي ثِيطَّاوِين نْسن، ئِسّقْسح-اَسن ؤُڒَاون نْسن، حمَا وَار تْوِيڒِين س ثِيطَّاوِين نْسن، حمَا وَار فهّْمن س وُوْڒَاون نْسن، بَاش وَار غَارِي د ذوِّيڒن نش اَثن سْݣنْفِيغ.>

يوحنا 12:46

ؤُسِيغ-د غَار دُّنشْت-أَ ذ نُّوْر حمَا ونِّي إِي زَّايِي يُوْمْنن وَار يتْغِيمِي شَا ذِي ثَادْجسْت.

يوحنا 8:12

ئِسِّيوڒ غَارْسن عَاوذ عِيْسَى ينَّا-ٱسن: "نش ذ نُّوْر ن دُّنشْت. ونِّي ذَايِي غَا يذْفَارن عمَّارْص اَذ يُوْيُوْر ذِي ثَادْجسْت، أَغَارس يِيڒِي نُّوْر ن ثُوْذَارْث."

ڒخذايم 13:15

منْبَعْد إِ ثْغُوْرِي زِي لْكُتُب ن شَّرِيعَا ن مُوْسَى ذ لْأَنْبِيَا، سّكّن اَرُّوْيَاس ن ثمْزِيذَا اَوَاڒ نْسن إِ بَرْنَابَا ذ شَاوُل نَّان-اَسن: "آي اَيثْمَا، مڒَا غَارْوم شَان وَاوَاڒ إِي زِي غَا ثْشجّْعم شَّعْب-أَ، إِنِيم-اَسن-ث."

ڒخذايم 15:21

لِأَنَّا زِي زْمَان تْحدَّاثن إِ يِوْذَان س شَّرِيعَا ن مُوْسَى ذِي مْكُڒ ثنْدِينْت، قَّارن-ت زِي سّبْث غَار سّبْث ذِي ثمزِيذَاوِين ن أَيث-إِسْرَائِيل."

ڒخذايم 16:14

أَكِذْسنْت ذِنِّي يجّن ن ثمْغَارْث ثسْڒَا-يَانغ قَّارن-اَس لِيدْيَا. نتَّاث زِي ثنْدِينْت ن ثِيَاتْرَا ثزْنُوْزَا ثْشُوْقّت نِّي إِي يغْڒَان لُّوْن نّس ذ لِّيلَا، ثْعبّذ أَربِّـي. يرْزم-اَس سِيذِي أَربِّـي ؤُڒ نّس بَاش اَذ تْصنّط إِ وَاوَاڒ ن بُوْلُس.

ڒخذايم 26:18

بَاش اَذَاسن ثرزْمذ ثِيطَّاوِين نْسن، أَثن ثسْبعّْذذ زِي ثَادْجسْت غَار نُّوْر، اَثن ثسْبعّْذذ زِي سُّلْطَا ن شِّيطَان غَار أَربِّـي. أَمُّو اَذَاسن تْوَاغْفَرنْت ڒْمُعْصِيَاث نْسن اَغَارْسن يِيڒِي ومْشَان اَك صَّالِحِين يعْنِي س لْإِيمَان إِي ذَايِي إِي ݣِّين.

أيث-روما 11:25

آي اَيثْمَا، حمَا وَار ذَاوم يتِيڒِي شَا تَّكبُّر رزُّوْغ اَذ تْفهْمم ثَمسْڒَايْث-أَ ثَانِيتَا ينُوْفَّرن، يعْنِي أَيث-إِسْرَائِيل ذَايْسن يجّن ن ثْغنَّانْت وَار تْغِيمِي شَا إِ ڒبْدَا. أَذ تقِّيم اَڒ غَا يكمّڒ لْعَدَد نِّي ن ڒْمُوْمِنِين إِي غَا ينجْمن زݣ يِنِّي وَار يدْجِين شَا زِي أَيث-إِسْرَائِيل.

22 أيث-كورينث 3:15

وَاه، أَڒ نْهَارَا خْمِي غَا غَرن أَيثْ-إِسْرَائِيل ذِي لْكِتَاب ن مُوْسَى اَتَاف ؤُڒَاون نْسن غمّْسن س يِجّن ن لْتَام.

22 أيث-كورينث 3:6

ذ نتَّا إِي ذَانغ يُوْشِين ثِزمَّار-أَ بَاش أَ نِيڒِي ذ يخدَّامن ن يِجّن ن ڒْعَهذ ذ جْذِيذ. ڒْعَهذ-أَ مَاشِي س شَّرِيعَا؛ لَّا، ڒْعَهذ-أَ س أَرُّوْح ن أَربِّـي. لِأَنَّا شَّرِيعَا ثْنقّ، أَرُّوْح ن أَربِّـي نتَّا يسدَّر.

22 أيث-كورينث 4:6

ذ أَربِّـي إِݣ ينَّان: "نُّوْر اَذ يشعْشع زِي ثَادْجسْت." ذ أَربِّـي-يَا إِݣ يشعْشْعن ذݣ وُوْڒَاون نّغ بَاش أَ نسّن لْعَظَمَا ن أَربِّـي إِݣ يتْشعْشِيعن ذݣ وُوْذم ن عِيْسَى لْمَسِيح.

أيث-ؤفسوس 4:18

نِثْنِي ثْطمّص-يثن ڒفْهَامث زَعْمَا إِي ذَايْسن. نِثْنِي ݣّْوْجن زِي ثُوْذَارْث ن أَربِّـي عْلَاحْسَاب ڒقْفَاڒث نِّي إِي ذَايْسن س ثْغنَّانْت ن وُوْڒَاون نْسن.