22 أيث-كورينث 2:17 - ثريفيث 2020

¹⁷ أَقَا نشِّين مَاشِي اَم خَربِّي ن يِوْذَان يتݣّن تِّجَارَا ذݣ وَاوَاڒ ن أَربِّـي، نشِّين ذِي لْمَسِيح نسَّاوَاڒ س وُوْڒ يصْفَا زِي أَربِّـي أُو زَّاث إِ أَربِّـي.

22 أيث-كورينث 2:17 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 24:24

أَقَا اَطَّاس إِي د غَا يمظْهَارن س يخَرِّيقن اَذ ينِين اَقَا نش ذ لْمَسِيح نِغ نش زِي لْأَنْبِيَا. أَذ ݣّن لْمُعْجِزَاث ذ ثِمقّْرَانِين ذ ڒَعْجَايب زَعْمَا حمَا اَذ خذْعن يوْذَان. مَعْلِيك زمَّرن يڒِي خذْعن ؤُڒَا ذ يِنِّي يخْضَر أَربِّـي.

ڒخذايم 20:20

وَار زَّايْوم سْنُوْفَّرغ وَالُو، نش تْخبَّرغ-كنِّيو س مَارَّا مِين كنِّيو غَا ينفْعن. سڒْمَاذغ-اَوم-ث زَّاث إِ يِوْذَان أُو عَاوذ زِي ثدَّارْث غَار ثدَّارْث.

ڒخذايم 20:27

لِأَنَّا نش وَار زَّايْوم سْنُوْفَّرغ وَالُو زِي مَارَّا مِين ينوَّا أَربِّـي اَث يݣّ.

1 أيث-كورينث 5:8

خ مَانَايَا أَ نْعيّذ وَلَكِن وَار نتْعيِّيذ شَا س ونْتُوْن نِّي اَقْذِيم، يعْنِي اَنْتُوْن نِّي نتَّا ذ ڒقْبَاحث ذ شَّرّْ. لَّا، نشِّين أَ نْعيّذ س ثفْضِيرْث، يعْنِي يجّن ن ؤُغْرُوْم ذَايس لْحَقِيقَا وَار ذَايس بُو يخَرِيقّن.

22 أيث-كورينث 1:12

أَقَا نشِّين نْتفْتَخَر زِي ضَّمِير نّغ يعْنِي يشهّذ بلِّي نُوْيُوْر مْلِيح ذِي دُّنشْت-أَ خَصَّاتَن اَكِذْوم س يِجّن ن نِّيّث ذ وُوْڒ يصْفَان زِي أَربِّـي. وَار يدْجِي بُو س يِجّن ن ڒفْهَامث ن دُّنشْت-أَ؛ لَّا، س يِجّن ن اَرْضَا ن أَربِّـي.

22 أيث-كورينث 1:18

أَم أَربِّـي ذَايس تِّقث نتَّا، نشِّين عَاوذ قَا اَوَاڒ نّغ إِ كنِّيو وَار يدْجِي بُو ذ وَاه اَكذ لَّا.

22 أيث-كورينث 11:11

مَايمِّي؟ مَا وَار كنِّيو تخْسغ شَا؟ قَا أَربِّـي يسّن بلِّي ثْعِيزّم خَافِي.

22 أيث-كورينث 12:19

مشْحَاڒ زݣ وَامِي ثْنوَّام زَعْمَا نْدَافع خ يِيخف نّغ زَّاثْوم وَاهَا؟ لَّا آي يمْعِيزّن ينُو، نسَّاوَاڒ مَارَّا مَانَايَا ذِي لْمَسِيح زَّاث إِ أَربِّـي بَاش اَكنِّيو نْسجْهذ.

22 أيث-كورينث 4:2

نشِّين نتْبعَّاعذ خ ثْمسْڒَايِين ن ڒفْضِيحث إِݣ يتْوَاخدّْمن س ثْنُوْفْرَا. وَار نسْخدِّيم شَا ثَحْرَايْمِيث، وَار نتْحرِّيف شَا اَوَاڒ ن أَربِّـي. نشِّين زَّاث إِ أَربِّـي نْسڒْمَاذ لْحَقِيقَا بْڒَا مَا اَت نسْنُوْفَّر. أَمُّو غَارْسن مَارَّا يوْذَان ذِي ضَّمِير نْسن بلِّي ذَايْنغ تِّقث.

22 أيث-كورينث 6:7

س وَاوَاڒ ن لْحَقِيقَا ذ جّْهذ ن أَربِّـي ذ ڒسْنَاح ن ڒْحَقّ إِݣ يدْجَان ذݣ وفُوْسِي ذ وࢲرْمَاض.

أيث-ݣلاطيا 1:6

نش ستْعجِّيبغ ذَايْوم، ذغْيَا ثْسمْحم ذِي أَربِّـي إِي ذَاوم د يڒَاغَان س اَرْضَا ن لْمَسِيح ثْذفَّارم شَان ن لإِنْجِيل نّغْنِي مْزُوَّار!

1 أيث-سلونيك 2:4

لَّا، ئِضْبع-اَنغ أَربِّـي يكلّف-اَنغ خ وَاوَاڒن-أَ يدْجَان ذِي لْإِنْجِيل. زِي مَانَايَا نسَّاوَاڒ بَاش اَخَانغ يَارْضَا أَربِّـي مَاشِي اَخَانغ اَرْضَان يِوْذَان مِينْزِي ذ نتَّا إِݣ يدْجَان ذ ونِّي يتْميَّازن مِين غَارْنغ ذݣ وُوْڒَاون نّغ.

ثبرات غار تيتوس 1:11

يِيْنَا اَقمُّوْم نْسن يتْخصَّا-يَاسن اَذَاسن يتْوَاقّن. نِثْنِي مشْحَاڒ ن لْعَائِلَاث كمْڒنْت إِي سْپَـرْذْڒن وَامِي ذَاسن سڒْمَاذن ثِمسْڒَايِين يتْخصَّا-يَاسن وَار ذَاسن ثنْت سڒْمِيذن شَا، نِثْنِي ضمّْعن ذِي تْمنْيَاث وَاهَا.

يعيبرانيين 11:27

س لْإِيمَان يكَّر مُوْسَى يفّغ زِي مِصْرَا، وَار يݣّْوِيذ شَا زݣ وغْضَاب ن وزدْجِيذ نِّي. ئِطّف ذِي لْإِيمَان نّس اَم يِجّن يتْوَاڒَان أَربِّـي نتَّا وَار يزمَّر اَث يࢲر حَدّ.

1 بطرس 4:11

ونِّي ؤُمِي يمُّوْش اَذ يسِّيوڒ يتْخصَّا-يَاس اَذ يسِّيوڒ اَم ونِّي يسَّاوَاڒن اَوَاڒن ن أَربِّـي. ونِّي ؤُمِي يمُّوْش اَذ يخْذم يتْخصَّا-يَاس اَذ يخْذم اَم ونِّي يخدّْمن س جّْهذ إِݣ يتِيشّ أَربِّـي. حمَا س مَارَّا ثِمسْڒَايِين-أَ اَذ يتْوَاحْمذ أَربِّـي س وفُوْس ن عِيْسَى لْمَسِيح. أَغَارس ثِيڒِي لْعَظَمَا ذ ڒحْكَام إِ ڒبْدَا ن ڒبْدَاث. آمِين.

1 يوحنا 4:1

آي يمْعِيزّن ينُو، وَار تِيقِّيم شَا ذِي مَارَّا اَرُّوْحَاث، جَرّْبم-ثن بَاش اَذ تسّْنم مَا زِي أَربِّـي مَا لَّا. قَا فّْغن-د اَطَّاس ن يثَرَّاسن غَار دُّنشْت-أَ تَارَّان يخف نْسن ذ لْأَنْبِيَا.

ثبرات زي يهوذا 1:4

أَقَا شَا يثَرَّاسن ؤُذْفن-د جَارَاوم وَار ذَاسن د ثَارِّيم بُو ڒخْبَار، قَا لْعِقَاب نْسن يُوْرَا خَاس مشْحَاڒ زݣ وَامِي. يِيْنَا عصَّان أَربِّـي، سْعوَّاجن اَرْضَا نّس بَاش اَغَارْسن يِيڒِي اَم شَان ن تّسْرِيح ن شّهْوث. نكَّرن عِيْسَى لْمَسِيح إِي يدْجَان ذ مَوْلَانَا نّغ قَا نتَّا ذ سِيذِيثْنغ وَاحْذس.

لواحي ن يوحنا 12:9

ئِمنْضَار-د زݣ وجنَّا بُو-سبْعَا-يَا يزدْجِيفن اَمقّْرَان، يعْنِي فِيغر نِّي ذِي زْمَان ونِّي ؤُمِي قَّارن إِبْڒِيس نِغ ذ شِّيطَان يعْنِي ونِّي يخدّْعن مَارَّا دُّنشْت. ئِمنْضَار-د غَار ثْمُوْرْث، منْضَارن-د اَكِذس شَّيَاطِين نّس.

لواحي ن يوحنا 19:20

يتْوَاطّف ڒْوَحْش ذ اَمحْبُوْس، أَكِذس ونِّي يتَارَّان يخف نس ذ نَّبِي إي تُوْغَا يتݣّن لْمُعْجِزَاث زَّاث إِ ڒْوَحْش. س لْمُعْجِزَاث نِّي يخْذع يِنِّي إِي ذِي يدْجَا طَّبَع ن ڒْوَحْش تْسجَّاذن-اَس إِ لْأَصْنَام نّس. ڒْوَحْش ذ ونِّي يتَارَّان يخف نّس ذ نَّبِي منْضَارن س ثْنَاين إِذْسن ذِي ڒبْحَر ن ثْمسِّي يرقّن س ڒكْبْرِيْيث أُو نِثْنِي اَقَاثن عَاذ س بُوْحْبڒ نْسن.

لواحي ن يوحنا 2:20

وَلَكِن عيّْبغ خَاش وَامِي ثجِّيذ إِزَابِيل ثَمْغَارْث تَارَّا يخف نّس ذ نَّبِـيَا. ثْخدّع لْعِبَاد ينُو، ثْسڒْمَاذ-يثن اَذ فسْذن، أَذ شّن زِي دْبِيحث يتْقدَّامن إِ لأَصْنَام.