22 أيث-كورينث 2:12 - ثريفيث 2020

¹² فَا وَامِي د ؤُوْضغ غَار ثنْدِينْت ن تْرَاوْس بَاش اَذ بشَّرغ س لْإِنْجِيل ن لْمَسِيح، ؤُفِيغ ثْنُوْرْزم-اَيِي-د يجّن ن ثوَّارْث ن سِيذِيثْنغ.

22 أيث-كورينث 2:12 ပူးပေါင်းရင်းမြစ်များ

ڒخذايم 14:27

وَامِي ؤُوْضن ذِنِّي، سْمُوْنن جْمَاعث ن ڒْمُوْمِنِين عَاوْذن-اَسن مَارَّا مِين يݣَّا أَربِّـي خ وفُوْس نْسن ذ مَامّش يرْزم-اَسن ثَوَّارْث ن لْإِيمَان إِ يِنِّي وَار يدْجِين شَا زِي أَيث-إِسْرَائِيل.

ڒخذايم 16:11

سّنِّي نْسَفر ذݣ وغَرَّابُو زِي ثنْدِينْت ن تْرَاوْس، نْرُوْح نِيشَان غَار ثنْدِينْت ن سَامُوْتْرَاكْيَا. ثِيوشَّا نّس نْرُوْح غَار ثنْدِينْت ن نِيَاپُـوْلِيس.

ڒخذايم 16:8

س مَانَايَا سمْحن ذِي مِيسْيَا هْوَان غَار ثنْدِينْت ن تْرَاوْس.

ڒخذايم 20:8

ذِنِّي اَطَّاس ن ڒقْنَاذڒ ذِي ثْغُوْرْفَات نِّي مَانِي نْمُوْن.

أيث-روما 1:1

نش ذ بُوْلُس اَخدَّام ن عِيْسَى لْمَسِيح، يݣَّا-ٱيِي-د أَربِّـي اَذ يڒِيغ ذ اَرَّسُوْل. تْوَاخْضَرغ حمَا ٱذ خْبَرغ س لْإِنْجِيل ن أَربِّـي،

1 أيث-كورينث 16:9

أَقَا ثْنُوْرْزم-اَيِي-د يجّن ن ثوَّارْث ذ ثَمقّْرَانْت إِ ڒْخذْمث وَلَكِن يِنِّي إِݣ يتْعَارَّاضن اَقَاثن مُوْجُوْدِين.

1 أيث-كورينث 9:12

مڒَا يوْذَان نّغْنِي غَارْسن ڒْحَقّ نِّي ن شَّارْض اَذَاسن ثُوْشم، يَاك نشِّين غَارْنغ ڒْحَقّ-أَ كْتَار نِغ لَّا؟ وَلَكِن نشِّين نُوْݣِي أَ نْكسِّي ڒْحَقّ-أَ وَانِيتَا. نْصبَّر اَطَّاس إِ ثْمسْڒَايِين بَاش وَار نتْبلَّاع شَا ثَوَّارْث إِ لِإِنْجِيل.

1 أيث-كورينث 9:14

أَمنِّي ؤُڒَا ذ يِنِّي يتْبشَّارن س لْإِنْجِيل، يُوْمَر خَاسن سِيذِيثْنغ اَذ كسِّين شَّارْض نْسن زِي لْإِنْجِيل.

1 أيث-كورينث 9:16

وَلَكِن مڒَا تْبشَّارغ، وَار زمَّرغ اَذ فْتَخْرغ لِأَنَّا يتْخصَّا-ٱيِي أُو لَابُد اَذ بشَّرغ. يَا تَمَارَا خَافِي نش مَعْلِيك وَار تْبشَّارغ شَا!

22 أيث-كورينث 10:14

إِيوَا كنِّيو، مَا يكلّف-اَنغ أَربِّـي خَاوم نِغ لَّا؟ وَاه، نشِّين نُوْوض-د غَارْوم، نُوْسَا-د غَارْوم ذ يمزْوُوْرَا س لْإِنْجِيل ن لْمَسِيح.

22 أيث-كورينث 11:4

لِأَنَّا كنِّيو ثقَّارم مَعْلِيش وَاخَّا يُوْسَا-د غَارْوم يجّن يتْبشَّارن س يِجّن ن عِيْسَى نّغْنِي مْزُوَّر مَاشِي ذ ونِّي إِي خف نتْبشَّار نشِّين زِي قْبڒ. نِغ ذغْيَا ثْقبّْڒم يجّن ن اَرُّوْح نّغْنِي مْزُوَّر مَاشِي ذ ونِّي إِي تُوْغَا ثْقبْڒم زِي قْبڒ. نِغ ذغْيَا ثْقبّْڒم يجّن ن لْإِنْجِيل نّغْنِي مْزُوَّر مَاشِي ذ ونِّي إِي تُوْغَا ثْقبْڒم زِي قْبڒ.

22 أيث-كورينث 11:7

مَا ذ ڒْعِيب مڒَا بشَّرغ-كنِّيو س لْإِنْجِيل ن أَربِّـي بْڒَا مَا ذَايِي ثْخدْجْسم، يعْنِي سمْزَايغ يخف ينُو بَاش اَكنِّيو سْݣَعّْذغ؟

22 أيث-كورينث 4:3

لْإِنْجِيل نّغ مڒَا يغمّس س يِجّن ن لْتَام، ئِغمّس غِير إِ يِنِّي يفنَّان.

22 أيث-كورينث 4:4

يِنِّي وَار يُوْمِينن شَا ڒَعْقُوْڒَاث نْسن يسْطمّص-يثن إِبْڒِيس ونِّي يدْجَان اَم أَربِّـي ن دُّنشْت-أَ زَعْمَا. نِثْنِي وَار زمَّرن اَذ ࢲرن نُّوْر ن لْإِنْجِيل يعْنِي لْعَظَمَا ن لْمَسِيح، نتَّا يدْجَان ذ صِّفث ن أَربِّـي.

22 أيث-كورينث 8:18

أَك تِيتُوْس نسّكّ ؤُمَاثْنغ نِّي مَعْرُوْف غَار مَارَّا ثِجُوْمَاع ن ڒْمُوْمِنِين خ ڒْخذْمث يتݣّ عْلَاحْسَاب لْإِنْجِيل.

22 أيث-كورينث 9:13

صَّذَاقَا-يَا ثُوْشَا دَّلِيل خَاوم، زَّايس إِي غَا حمْذن صَّالِحِين أَربِّـي. ثُوْمْنم س لْإِنْجِيل ن لْمَسِيح، ثْطَاعم-اَس خْمِي تْصدَّاقم اَطَّاس خَاسن أُو خ مَارَّا يوْذَان.

أيث-كولوس 4:3

ذِي نّفْس ن ڒْوقْث تَّارم-اَس إِ أَربِّـي خَانغ بَاش اَذ يرْزم ثَوَّارْث إِ وَاوَاڒ نّغ أَ نْبشَّر س ڒْمَعْنَا ينُوْفَّرن ن لْمَسِيح إِي خف إِي دْجِيغ نش ذِي ڒحْبس.