22 أيث-كورينث 2:1 - ثريفيث 2020

¹ شُوْف، ݣِّيغ ذِي ڒْبَاڒ ينُو وَار تݣّغ بُو شَا ن زِّيَارَا نّغْنِي بَاش وَار كنِّيو سْخيِّيقغ شَا.

22 أيث-كورينث 2:1 ပူးပေါင်းရင်းမြစ်များ

ڒخذايم 11:29

كَّرن يمحْضَارن تَافْقن جَارَاسن كُڒ يجّن زَّايْسن اَذ سّكّن شْوَايْت ن لْمُعَاوَنَا عْلَاحْسَاب ثِزمَّار نْسن غَار اَيثْمَاثْسن إِݣ يزدّْغن ذِي يَهُوْذِيَا.

ڒخذايم 15:2

ئِرُوْح بُوْلُس ذ بَرْنَابَا تمْنَاقَارن اَك يِنِّي إِي د يُوْسِين زِي يَهُوْذِيَا، ئِوْقع جَارَاسن يجّن ن لْخِلَاف ذ اَمقّْرَان. كَّرن جْمَاعث نِّي ن ڒْمُوْمِنِين ذݣ وَانْطَاكْيَا يخْضَرن بُوْلُس ذ بَرْنَابَا بَاش اَثن سّكّن اَك ڒبْعَاض ن ڒْمُوْمِنِين نْسن غَار ثنْدِينْت ن لْقُدْس بَاش اَذ سّقْسَان اَرُّسُل ذ يمقّْرَانن ن جْمَاعث ن ڒْمُوْمِنِين خ لْخِلَاف-أَ إِݣ يوقْعن. وَامِي سّكّن بُوْلُس ذ بَرْنَابَا غَار لْقُدْس خ وبْرِيذ نْسن عْذُوْن خ فِنِيقِيَا ذ سَمَارْيَا. خبَّرن اَيثْمَاثنغ يدْجَان ذِنِّي خ مَامّش إِݣ ؤُمْنن ؤُڒَا ذ يِنِّي وَار يدْجِين شَا زِي أَيث-إِسْرَائِيل. ڒخْبَار نِّي يسْفَرح-يثن اَطَّاس مَارَّا.

ڒخذايم 15:37

بَرْنَابَا يخس اَكِذْسن يَاوِي يُوْحَنَّا ونِّي ؤُمِي قَّارن مَرْقُس.

1 أيث-كورينث 2:2

وَامِي تُوْغَا دْجِيغ اَكِذْوم، ݣِّيغ اَذ سْشنْعغ غِير عِيْسَى لْمَسِيح أُو ذ نتَّا يتْوَاصلّْبن ذِي صَّلِيب.

1 أيث-كورينث 4:21

مَامش ثْرزُّوْم اَذ د اَسغ؟ مَا س وعْمُوْذ مَا س ڒمْحِبّث اَك يِجّن ن وُوْڒ يصبَّرن؟

1 أيث-كورينث 5:3

نش، وَاخَّا غَابغ زَّايوْم س دَّات ينُو، أَقَاث ذِنِّي اَكِذْوم اَرُّوْح ينُو. صَافِي، نش اَخْمِي اَقَايِي ذِنِّي حكْمغ خ ونِّي يݣِّين ثَمسْڒَايْث-أَ.

22 أيث-كورينث 1:23

إِيوَا تتَّارغ إِ أَربِّـي اَذ يِيڒِي نتَّا ذ شَّاهذ ينُو قَا نش تُوْغَا رزُّوْغ اَخَاوم حِينّغ وَامِي ؤُݣِيغ اَغَارْوم د اَسغ غَار كُوْرِينْث.

22 أيث-كورينث 13:10

س مَانَايَا إِي تَارِيغ نش ثِمسْڒَايِين-أَ ذِي ثبْرَات-أَ نش غَابغ خَاوم. أَمُّو خْمِي إِي د غَا عقْبغ غَارْوم وَار خْسغ شَا اَذ يڒِيغ قسْحغ اَكِذْوم عْلَاحْسَاب سُّلْطَا نِّي إِي ذَايِي يُوْشَا سِيذِيثْنغ. يُوْشَا-ٱيِي-ت بَاش اَكنِّيو سْجهْذغ مَاشِي اَكنِّيو رْزغ.

22 أيث-كورينث 2:4

لِأَنَّا ؤُرِيغ-اَوم-ت-يد س يِجّن ن ؤُزِيَّار ذ يِجّن ن وخِيّق زݣ وُوْڒ ينُو ذ وَاطَّاس ن يمطَّاون. وَار يدْجِي بُو نِّيغ-اَوم-ت حمَا اَكنِّيو سْخيّْقغ؛ لَّا، حمَا اَذ تسّْنم مشْحَاڒ ثمْغَار ڒمْحِبّث ينُو غَارْوم.

ثبرات غار تيتوس 3:12

خْمِي ذَاوم د غَا سّكّغ ؤُمَاثْنغ أَرْتِيْمَاس نِغ ذ تُوْشِيق، اݣّ لْمجْهُوْد نّش اَغَارِي د ثَاسذ غَار ثنْدِينْت ن نِيكُوْپْـرِيس مِنْزِي نش تُوْغَا فكَّرغ اَذ سعْذُوْغ ذِنِّي ڒْمشْتَا.