22 أيث-كورينث 13:5 - ثريفيث 2020

⁵ جَرّْبث يخف نْوم مَا اَقَا كنِّيو ذِي لْإِيمَان. رَاجْعث يخف نْوم. يَاش ثسّْنم قَا عِيْسَى لْمَسِيح اَقَاث ذَايْوم؟ يعْنِي مڒَا وَار ثسْقِيطم شَا.

22 أيث-كورينث 13:5 ပူးပေါင်းရင်းမြစ်များ

يوحنا 14:23

ينَّا-ٱس عِيْسَى: "ونِّي ذَايِي يتْحِبَّان، أَتَاف اَذ يخْذم زݣ وَاوَاڒ ينُو. أَث يحِبّ بَابَا، أَ نْرَاح غَارس نش ذ بَابَا، غَارس إِي غَا نزْذغ.

يوحنا 15:4

قِّيمث ذَايِي، نش اَذ قِّيمغ ذَايْوم. أَمشْنَاو اَكشُّوْض نِّي وَار يزمَّر اَذ يَارو يزكُّوْنن زݣ يِيخف نّس إِلَّا مڒَا يقِّيم ذِي ثْزَايَارْث، ؤُڒَا ذ كنِّيو وَار ثْزمَّرم شَا إِلَّا مڒَا ثقِّيمم ذَايِي.

يوحنا 17:23

شك اَقَاش ذَايِي نش اَقَايِي ذَايْسن، حمَا اَذ مُوْنن اَذ يڒِين ذ يجّن. حمَا اَذ سّْنن يِوْذَان قَا شك ثسّكّذ-اَيِي-د غَار يمحْضَارن-أَ، تْحِبِّيذ-ثن اَمشْنَاو مَامّش ذَايِي تْحِبِّيذ نش.

يوحنا 17:26

نش سْبيّْنغ-اَسن-د يسم نّش أُو عَاذ اَث سْبيّْنغ حمَا اَذَايْسن ثِيڒِي ڒمْحِبّث نِّي إِي زِي ذَايِي تْحِبِّيذ، أَذَايْسن يڒِيغْ نش س يِيخف ينُو."

يوحنا 6:56

مَارَّا ونِّي غَا يشّن دَّات ينُو اَذ يسو يذَامّن ينُو، أَتَاف اَذ يقِّيم ذَايِي، نش ذَايس.

يوحنا 6:6

ئِقَّار-اَس اَمُّو حمَا اَث يجَرّب ڒَاحقَّاش نتَّا يسّن مِين غَا يخْذم.

أيث-روما 1:28

سّنِّي نِثْنِي وَامِي ؤُݣِين اَذ سّْنن أَربِّـي، يسلّم-يثن إِ ڒَعْقُوْڒَاث نْسن ينْفضْحن اَذ ݣّن مِين وَار يحْڒِين.

أيث-روما 8:10

ثُمَّا لْمَسِيح مڒَا اَقَاث ذَايْوم، دَّات نْوم وَاخَّا ثمُّوْث س سَّبَاب ن ڒْمُعْصِيّث، أَرُّوْح نْوم يدَّر س سَّبَاب ن صُّلْح.

1 أيث-كورينث 11:28

إِيوَا يتْخصَّا-يَاس إِ بْنَاذم اَذ يرَاجع يخف نّس قْبڒ مَا ٱذ يشّ زݣ وغْرُوْم-أَ، قْبڒ مَا ٱذ يسو زِي ڒْكَاس-أَ.

1 أيث-كورينث 11:31

مَعْلِيك نْحكّم خ يِيخف نّغ نِيشَان، أَتَاف نشِّين وَار نتْوَاحْكَام شَا.

1 أيث-كورينث 3:16

مَا وَار ثسِّينم شَا بلِّي ذ كنِّيو إِي يدْجَان ذ ثَمْزِيذَا ن أَربِّـي، يزدّغ ذَايْوم اَرُّوْح ن أَربِّـي؟

1 أيث-كورينث 6:15

مَا وَار ثسِّينم شَا بلِّي دَّات نْوم نتَّاث ذ طْرُوْفَاث ن دَّات ن لْمَسِيح؟ إِيوَا طْرُوْفَاث-أَ، مَا ٱثنْت يْسِيغ اَثنْت سْمُوْنغ اَكذ لْفَسْدَاث؟ لَّا، عمَّارْص!

1 أيث-كورينث 6:19

نِغ مَا وَار ثسِّينم دَّات نْوم نتَّاث ذ ثَمْزِيذَا ن اَرُّوْح يقدّْسن إِݣ يزدّْغن ذَايْوم؟ إِيوَا غَارْوم اَرُّوْح-أَ زِي أَربِّـي. كنِّيو وَار تْرَايِيم شَا خ يِيخف نْوم

1 أيث-كورينث 6:2

مَا وَار ثسِّينم شَا بلِّي نِثْنِي صَّالِحِين إِي غَا يحكْمن خ دُّنشْت-أَ؟ ئِي كنِّيو مڒَا ثْحكْمم خ دُّنشْت-أَ، مَايمِّي وَار ثْزمَّرم شَا اَذ تْحلّم شِّكَايَاث ثِمزْيَانِين؟

1 أيث-كورينث 9:24

مَا وَار ثسِّينم شَا ثَازْڒَا نِّي يتݣّن ذِي لْملْعَب؟ مَارَّا تَازّْڒن وَلَكِن يجّن وَاهَا إِي غَا يربْحن لْجَائِزَا. أَمنِّي ؤُڒَا ذ كنِّيو يتْخصَّا اَذ تَازْڒم بَاش اَت ثْربْحم.

1 أيث-كورينث 9:27

لَّا، تْزيَّارغ خ دَّات ينُو تَارِّيغ-ت ذ ثِيسْمغْث ينُو. مَاشِي اَذ بشَّرغ اَوَاڒ إِ يِوْذَان أُو غَار ونݣَّارُو اَذ يڒِيغ اَك يِنِّي إِي ثن يسُوْفُوْغن بْڒَا لْجَائِزَا.

22 أيث-كورينث 6:16

مِين ثْشَرّش ثمْزِيذَا ثَمقّْرَانْت ن أَربِّـي اَك لْأَصْنَام؟ وَالُو. شُوْف، نشِّين إِي يدْجَان ذ ثَمْزِيذَا ن أَربِّـي يدَّرن. أَمنِّي يقَّار أَربِّـي: <نش اَذ زذْغغ اَكِذْسن اَذ ؤُيُوْرغ جَارَاسن، أَذ يڒِيغ ذ أَربِّـي نْسن، نِثْنِي اَذ يڒِين ذ شَّعْب ينُو.

أيث-ݣلاطيا 2:20

تْوَاصلّْبغ اَك لْمَسِيح. سَّا اَڒ ثْسَاونْت مَاشِي ذ نش إِ غَا يدَّرن؛ لَّا، ذ لْمَسِيح إِي غَا يدَّرن ذَايِي. ثُوْذَارْث-أَ إِي دَّرغ ڒخُّو ذِي دَّات ينُو، أَقَا دَّرغ-ت س لْإِيمَان ينُو زِي مِّيس ن أَربِّـي إِي ذَايِي يحِبّن يصدّق خَافِي يخف نّس.

أيث-ݣلاطيا 4:19

آ ثَارْوَا ينُو، كسِّيغ خَاوم يجّن ن ومْنُوْس عَاوذ اَمشْنَاو ڒحْرِيق ن ثَارْوَا حتَّا ٱڒ د يخْڒق لْمَسِيح ذَايْوم!

أيث-ݣلاطيا 6:4

لَّا، لَابُد مْكُڒ يجّن اَذ يرَاجع نِّيث ڒخْذَايم نّس، ثُمَّا اَتَاف اَذ يفْتَخَر نِيشَان أُو بْڒَا مَا ٱذ يشَابّه يخف نّس ذݣ ومْعَاشَر نّس.

أيث-ؤفسوس 3:17

حمَا لْمَسِيح اَذ يزْذغ ذݣ وُوْڒَاون نْوم س لْإِيمَان. تتَّارغ إِ أَربِّـي عَاوذ اَذ تْوَاࢲُّوْم اَذ تُوْوْثم مْلِيح يࢲوْرَان ذݣ وشَاڒ ن ڒمْحِبّث

أيث-كولوس 1:23

وَلَكِن لَابُد اَذ تقِّيمم ذِي لْإِيمَان نْوم نِيشَان اَذ تْبدّم خ دْسَاس، وَار ثْسمّْحم شَا ذِي لْأَمَال ن لْإِنْجِيل تُوْغَا إِي تسْڒِيم. لْإِنْجِيل-أَ تْوَابشَّرنْت زَّايس قَاع ثِمسْڒَايِين يتْوَاخڒْقن سْوَادَّاي وجنَّا، أُو نش بُوْلُس ذوْڒغ ذ اَخدَّام نّس.

أيث-كولوس 1:27

نِثْنِي يخْضَر-يثن أَربِّـي بَاش اَذ خبَّارن إِ يِنِّي وَار يدْجِين شَا زِي أَيث-إِسْرَائِيل اَذَاسن ينِين مشْحَاڒ يمْغَر ڒْخِير-أَ لْعَظِيم ن ڒْمَعْنَا ينُوْفَّرن وَانِيتَا. مِين يعْنَى ڒْمَعْنَا-يَا؟ لْمَسِيح نتَّا يدْجَا ذَايْوم، ذ لْأَمَال ن لْعَظَمَا.

أيث-كولوس 2:19

بْنَاذم نِّي يسخْصَار لْعَلَاقَا اَك ونِّي يتْرَايَّان ذ اَزدْجِيف. أَزدْجِيف نِّي نتَّا يتْدبَّار إِ دَّات نّس اَمن-ثكْمَاڒ وَامِي نتَّاث ثْمُوْن س يپُـوْرْصُوْثن ذ ڒمْفَاسڒ نّس بَاش دَّات اَذ تمْغَر عْلَاحْسَاب مِين يخس أَربِّـي اَذ تمْغَر.

أيث-كولوس 2:7

ئِتْخصَّا-كنِّيو اَذ تِيڒِيم ثبْنَام خ دْسَاس نّس مْلِيح، أَذ تِيڒِيم ثْجهْذم ذِي لْإِيمَان نْوم مَامّش إِي كنِّيو سڒْمَاذن، أَذ تِيڒِيم تنْفيَّاضم س شُّكر.

1 تيموتاوس 2:15

ثَمْغَارْث اَذ تْوَاسنْجم عْلَاحْسَاب ثَارْوَا وَلَكِن يتْخصَّا وَا لَابُد اَذ قِّيمنْت نِثنْتِي ذِي لْإِيمَان ذ ڒمْحِبّث ذ ڒصْفِيّث عْلَاحْسَاب لْمَعْقُوْل.

2 تيموتاوس 3:8

مَامّش يَانِيس ذ يَامْپْـرِيس نِّي تْعَارَّاضن إِ مُوْسَى، أَمنِّي عَاوذ ؤُڒَا ذ يرْيَازن-أَ تْعَارَّاضن إِ لْحَقِيقَا. ڒَعْقُوْرَاث نْسن عوّْجن، لْإِيمَان نْسن يخْوَا.

ثبرات غار تيتوس 1:13

أَقَا شْهَاذث نِّي إِي ينَّا نِيشَان إِي ثدْجَا. إِذن، نْهَا-ثن س ڒقْسَاحث حمَا اَذ يڒِين نِيشَان ذِي لْإِيمَان.

ثبرات غار تيتوس 1:16

قَّارن قَا نسّن أَربِّـي وَلَكِن نكَّرن-ث س ڒفْعَايڒ نْسن. نِثْنِي تْوَاعِيفّن، وَار تْطِيعِين شَا، وَار نفّْعن شَا ؤُڒَا ذݣ يِجّن ن ڒْخذْمث ذ ثَصبْحَانْت.

ثبرات غار تيتوس 2:2

يِنِّي يمْغَارن اَذَايْسن يِيڒِي لْمَعْقُوْل، أَذ يڒِين مْوقّْرِين، أَذ حكْمن خ ثْنفْسِيث نْسن، أَذ يڒِين نِيشَان ذِي لْإِيمَان ذ ڒمْحِبّث ذ صّْبَر.

يعيبرانيين 12:15

أَرّم-د ڒْبَاڒ نْوم بَاش وَار يتْغِيمِي حَدّ وَار يخطّڒ غَار اَرْضَا ن أَربِّـي، نِغ عَاوذ وَار يغمِّي شَان ن وࢲْوَار ذ اَمرْزَاݣ اَذ يݣّ لْمَشَاكِيل اَذ يضيّع اَطَّاس ن يِوْذَان.

يعيبرانيين 4:1

إِذن فَا عَاذ نْزمَّر أَ نَاذف ذِي اَرَّاحث ن سِيذِي أَربِّـي مِينْزِي ذَانغ يوْعذ. وَا لَابُد أَ نݣّْوذ بَاش وَار يتْغِيمِي ؤُڒَا ذ يجّن زَّايْوم وَار ذِنِّي د يخطّڒ.

يعيبرانيين 6:8

وَلَكِن مڒَا ثَمُوْرْث نِّي ثْسغْمَاي-د غِير يسنَّانن ذ ثْزݣّْوَارْث، أَتَاف نتَّاث ذ وَالُو اَقَات ذِي لْخَطَر اَذ تْوَانْعڒ، أَڒ ونݣَّارُو اَت سْحَرْقن س ثْمسِّي.

ثبرات غار يعقوب 4:4

آ يِنِّي يخدّْعن، كنِّيو مَا وَار ثسِّينم شَا بلِّي ونِّي يتخْسن دُّنشْت-أَ ذ ونِّي ذ ڒْعَذُو ن أَربِّـي؟ وَاه، ونِّي يخْضَرن دُّنشْت-أَ قَا نتَّا نِيشَان ذ ڒْعَذُو ن أَربِّـي.

1 بطرس 5:9

عَرّْضم-اَس إِ إِبْڒِيس، بدّم نِيْشَان خ دْسَاس ن لْإِيمَان نْوم مِينْزِي ثسّْنم بلِّي أَيثْمَاثْوم ذِي مَارَّا دُّنشْت-أَ اَقَا تْوَاعدَّابن اَم كنِّيو.

لواحي ن يوحنا 2:5

فكَّر مشْحَاڒ ثْغلْطذ، تُوْب، اݣّ ڒخْذَايم نّش ثِمزْوُوْرَا. مڒَا ثُوْݣِيذ اَذ تُوْبذ، أَذ د اَسغ غَارك اَذ يْسِيغ ڒْقنْدِيڒ نّش زݣ ومْشَان نّس.