22 أيث-كورينث 13:4 - ثريفيث 2020

⁴ وَاه، نتَّا يتْوَاصلّب خ صَّلِيب س ضُّوْعف، وَا إِنَّمَا يتدَّر س جّْهذ ن أَربِّـي. أَمنِّي ؤُڒَا ذ نشِّين. نضْعف اَم ضُّوْعف نّس نتَّا، وَا إِنَّمَا جَارَاوم نْتدَّر اَكِذس نتَّا س جّْهذ ن أَربِّـي.

22 أيث-كورينث 13:4 ပူးပေါင်းရင်းမြစ်များ

يوحنا 10:18

ؤُڒَا ذ يجّن وَار زَّايِي ت يتكّس شَا؛ لَّا، نش تْصدَّاقغ ثُوذَارْث ينُو س ڒْخَاضَر ينُو. غَاري جّْهذ حمَا اَت صدّْقغ. غَاري جّْهذ حمَا اَتِيد اَرّغ عَاوذ. أَمُّو إِي ذَايِي يوصَّا بَابَا."

ڒخذايم 2:36

إِيوَا كنِّيو يتْخصَّا اَذ تسّْنم مَارَّا أَيث-إِسْرَائِيل مبْڒَا شّكّ، قَا عِيْسَى-يَا وَانِيتَا إِي ثْصلّْبم يݣِّي-ث أَربِّـي ذ سِيذِيثْنغ ذ لْمَسِيح."

ڒخذايم 3:16

ذݣ يِيسم ن عِيسى يعْنِي ذ لْإِيمَان س يِيسم نّس، أَقَا اَرْيَاز-أَ إِي تْوَاڒَام إِي ثسّْنم يذْوڒ يجْهذ. س لْإِيمَان نّس ذِي عِيْسَى إِي زِي يݣنْفَا قَاع مَامّش تْوَاڒَام مَارَّا كنِّيو.

أيث-روما 14:9

لِأَنَّا خ مَانَايَا إِي خف يمُّوْث لْمَسِيح أُوْشَا ثعْقب-د ذَايس ثُوْذَارْث حمَا اَذ يِيڒِي نتَّا ذ سِيذِيثْسن ن يِنِّي يمُّوْثن ذ يِنِّي يدَّرن.

أيث-روما 6:4

فَلِهَذَا وَامِي نتْوَاطهَّار اَكِذس س وَامَان، يعْنِي نتْوَانْضڒ اَكِذس ذِي ڒْموْث. مَايمِّي؟ حمَا مَامّش د يكَّر لْمَسِيح زِي ڒْموْث س لْعَظَمَا ن أَربِّـي بَابَاثْنغ، أَمنِّي ؤُڒَا ذ نشِّين اَقَا أَ نْعِيش ذݣ يِجّن ن ثُوْذَارْث ذ جْذِيذ.

1 أيث-كورينث 1:25

مَايمِّي؟ لِأَنَّا زَعْمَا ثُوْبُّوْهْڒِيَا ن أَربِّـي نتَّاث ثْسفْهَام كْتَار زِي ڒفْهَامث ن بْنَاذم، زَعْمَا ضُّوْعف ن أَربِّـي نتَّا يجْهذ كْتَار زِي جّْهذ ن بْنَاذم.

1 أيث-كورينث 15:43

دَّات تْوَازرّع ذِي ڒفْضِيحث، تْوَاسْنكَّر-د ذِي شّنْعث. تْوَازرّع ذِي ضُّعف، تْوَاسْنكَّر-د ذِي جّْهذ.

1 أيث-كورينث 2:3

تُوْغَا اَقَايِي اَكِذْوم س يِجّن ن ضُّعف ذ يِجّن ن ثِيݣّْوْذِي، ترْجِيجِيغ اَطَّاس.

1 أيث-كورينث 6:14

أَربِّـي س جّْهذ نّس يسكَّر-د سِيذِيثْنغ زِي ڒْموْث، أَذَانغ د يسكَّر زِي ڒْموْث ؤُڒَا ذ نشِّين.

22 أيث-كورينث 10:10

لِأَنَّا قَّارن خَافِي ڒبْعَاض زَّايْوم قَا ثِبْرَاثِين ن بُوْلُس جهْذنْت قسْحنْت. أُو قَّارن عَاوذ وَلَكِن خْمِي اَكِذْنغ يتِيڒِي نتَّا س يِيخف نّس يتضْعِيف اَوَاڒن نّس خْوَان.

22 أيث-كورينث 12:10

س مَانَايَا عْلَاحْسَاب لْمَسِيح نش فَرّْحغ س ضُّوْعف ينُو ذ ثُوْكّْوْرَا ذ تَمَارَا ذ وعدّب ذ ؤُزِيَّار. مَايمِّي؟ مڒَا ضعْفغ ڒخْدّنِّي نش اَذ يڒِيغ جهْذغ.

22 أيث-كورينث 13:9

لِأَنَّا نْفَرّح مڒْمِي مَا نضْعف، كنِّيو تِيڒِيم ثْجهْذم. ذ مَانَايَا مِيخف نْرزُّو ذِي ثْࢲَادْجِيث نّغ اَذ تْصڒْحم نِيشَان.

أيث-فيليـپـي 3:10

رزُّوْغ اَذ سّْنغ لْمَسِيح ذ جّْهذ نّس وَامِي د يكَّر زِي ڒْموْث. أَذ سّْنغ عَاوذ ثَمْعَشَارْث نِّي خْمِي غَا نْشَرش اَكِذس س وعدّب نِّي إِي خَاس يكِّين نتَّا، أَ نذْوڒ اَمشْنَاو نتَّا س ڒْموْث نّس.

يعيبرانيين 5:7

ذݣ وُوْسَّان نِّي إِي ذِي تُوْغَا يدَّر عِيْسَى ذِي ثْمُوْرْث-أَ، ئِتْࢲَادْجَا يتْڒَاغَا خ أَربِّـي س جّْهذ أُو س يمطَّاون يتتَّار-اَس إِ ونِّي يزمَّرن اَث يسنْجم زِي ڒْموْث. أَربِّـي يتْصنَّاط-اَس وَامِي عِيْسَى يتݣّْوذ زَّايس.

1 بطرس 3:18

أَمنِّي إِݣ يݣَّا لْمَسِيح وَامِي يتْوَاعدّب يجّن ن تْوَاڒَا إِ ڒبْدَا عْلَاحْسَاب ڒْمُعْصِيَاث. يعْنِي ونِّي يدْجَان نِيْشَان يتْوَاعدّب ذݣ ومْشَان ن يِنِّي يعصَّان حمَا اَكنِّيو يسِّيوض غَار أَربِّـي. دَّات نّس نْغِين-تث، ئِسدَّر-يت-يد أَرُّوْح يقدّْسن.

1 بطرس 3:22

ذ نتَّا يݣَعّْذن غَار وجنَّا اَقَاث خ وفُوْسِي ن أَربِّـي، يَارَّا لْمَلَائِيكَاث سْوَادَّاي ن لْحُكم نّس ذ يِنِّي يحكّْمن ذ يِنِّي يجهْذن.