22 أيث-كورينث 13:14 - ثريفيث 2020

¹⁴ أَرْضَا ن سِيذِيثْنغ عِيْسَى لْمَسِيح ذ ڒمْحِبّث ن أَربِّـي ذ ومْعَشَار ن أَرُّوْح يقدّْسن اَكِذْوم يِيڒِي مَارَّا. آمِين.

22 أيث-كورينث 13:14 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 6:13

وَار ذَانغ تݣّ شَا ذِي ڒمْحَاين، سنْجم-اَنغ زِي شَّرّْ. {ڒَاحقَّاش ڒْمُلْك يدْجَان نّش، ذ ثِزمَّار، ذ لْعَظَمَا إِ شك إِ ڒبْدَا. آمِين.}

يوحنا 4:10

ينَّا-ٱس عِيْسَى: "مَعْلِيك شم ثسّْنذ لْهَدِيَا ن أَربِّـي ثسّْنذ مِين عْنِيغ نش إِي ذَام يقَّارن ؤُش-اَيِي اَذ سْوغ، أَتَاف ثتَّارذ-اَيِي شم اَمَان اَذَام ؤُشغ اَمَان ن ثُوْذَارْث."

يوحنا 4:14

وَلَكِن ونِّي غَا يسْون اَمَان إِي ذَاس غَا ؤُشغ نش اَتَاف وَار يتْفِيذِي شَا عمَّارْص. أَمَان إِي ذَاس غَا ؤُشغ نش اَذ ذوْڒن ذَايس اَمشْنَاو يجّن ن ڒْعُنْصَر اَزَّايس ثسْفِي ثُوْذَارْث ن ڒبْدَا."

يوحنا 7:38

مَامّش ينَّا لْكِتَاب خ ونِّي زَّايِي غَا يَامْنن: أَزَّايس اَزّْڒن يغزْرَان ن وَامَان يسدَّرن."

ڒخذايم 15:11

نشِّين مِين نْتَامن؟ نْتَامن بلِّي نشِّين أَ ننْجم س اَرْضَا ن سِيذِيثْنغ عِيْسَى مَامّش غَا نجْمن ؤُڒَا ذ يِنِّي وَار يدْجِين شَا زِي أَيث-إِسْرَائِيل."

أيث-روما 1:7

تَارِيغ إِ مَارَّا يمْعِيزّن ن أَربِّـي إِي يدْجَان ذِي ثنْدِينْت ن رُوْمَا يخْضَر-يكنِّيو اَذ تِيڒِيم ذ ڒْمُوْمِنِين صَّالِحِين. أَكِذْوم يِيڒِي اَرْضَا ذ ڒهْنَا زِي أَربِّـي بَابَاثْنغ ذ عِيْسَى لْمَسِيح سِيذِيثْنغ.

أيث-روما 16:20

أَربِّـي ن ڒهْنَا نتَّا عْڒَاين اَذ يڒْبࢲ شِّيطَان سْوَادَّاي إِ يضَارن نْوم. أَكِذْوم يِيڒِي اَرْضَا ن سِيذِيثْنغ عِيْسَى لْمَسِيح.

أيث-روما 16:23

ئِسِّيوض-اَوم-د سْڒَام غَايُوْس، ذ نتَّا إِي زَّايِي يرحّْبن غَار ثدَّارْث نّس يرْزم-يت إِ مَارَّا جْمَاعْث ن ڒْمُوْمِنِين. ئِسِّيوض-اَوم-د سْڒَام أَرِيسْطُوْس لْأَمِين ن صّنْدُوْق ن ثنْدِينْت، ذ ؤُمَاثْنغ قَرْتُوْس.

أيث-روما 16:27

أَربِّـي وَاحْذس إِي غَار ثدْجَا لْحِكْمَا، أَغَارس ثِيڒِي لْعَظَمَا إِ نتَّا إِ ڒبْدَا ن ڒبْدَاث س عِيْسَى لْمَسِيح! آمِين.

أيث-روما 5:5

لْأَمَال-أَ وَار ذَانغ يتْخيِّيب شَا، مَايمِّي؟ لِأَنَّا أَربِّـي يُوْشَا-ٱنغ أَرُّوْح يقدّْسن، زَّايس إِݣ يشُّوْر ؤُڒَاون نّغ س ڒمْحِبّث نّس.

أيث-روما 8:9

أَمَّا كنِّيو، مڒَا يزدّغ ذَايْوم اَرُّوْح ن أَربِّـي، أَتَاف اَذ تْعِيشم خ وبْرِيذ ن اَرُّوْح اَتَاف وَار تݣّم اَرَّاي إِ طَّبِيعَا ثَعفَّانْت نْوم. أُو ونِّي وَار غَار يدْجِي اَرُّوْح ن لْمَسِيح، وَار يدْجِي شَا زِي لْمَسِيح.

1 أيث-كورينث 12:13

لِأَنَّا نشِّين مَارَّا نتْوَاطهَّار س وَامَان س يِجّن ن أَرُّوْح بَاش أَ نِيڒِي ذ يجّن ن جْمَاعث، يعْنِي أَيث-إِسْرَائِيل نِغ ذ ييُوْنَانِيْين، ذ يِنِّي غَار يدْجَا بَاب نْسن نِغ ذ يِنِّي غَار ثدْجَا لْحُرِّيَا نْسن. نشِّين مَارَّا إِذْنغ يُوْشَا-ٱنغ أَ نْسو يعْنِي أَ نْشَرش ذݣ يِجّن ن أَرُّوْح.

1 أيث-كورينث 14:16

مڒَا تْشكَّرذ أَربِّـي س اَرُّوْح وَاهَا، ونِّي إِي غَارْوم د يُوْسِين س زِّيَارَا وَار يزمَّر اَذ يِينِي آمِين خ شُّكر نّش لِأَنَّا وَار يسِّين شَا مِين ثقَّارذ.

1 أيث-كورينث 16:23

أَرْضَا ن سِيذِيثْنغ عِيْسَى اَكِذْوم يِيڒِي.

1 أيث-كورينث 3:16

مَا وَار ثسِّينم شَا بلِّي ذ كنِّيو إِي يدْجَان ذ ثَمْزِيذَا ن أَربِّـي، يزدّغ ذَايْوم اَرُّوْح ن أَربِّـي؟

1 أيث-كورينث 6:19

نِغ مَا وَار ثسِّينم دَّات نْوم نتَّاث ذ ثَمْزِيذَا ن اَرُّوْح يقدّْسن إِݣ يزدّْغن ذَايْوم؟ إِيوَا غَارْوم اَرُّوْح-أَ زِي أَربِّـي. كنِّيو وَار تْرَايِيم شَا خ يِيخف نْوم

22 أيث-كورينث 8:9

أَقَا ثسْنم اَرْضَا ن سِيذِيثْنغ عِيْسَى لْمَسِيح. تُوْغَا نتَّا غَارس كُڒْشِي، وَلَكِن عْلَاحْسَاب نشِّين يسْمح ذِي كُڒْشِي مَانَاينِّي بَاش اَغَارْنغ يِيڒِي كُڒْشِي س مَانَاينِّي إِي ذِي يسْمح.

أيث-ݣلاطيا 5:22

فَا مِين د يتَارو أَرُّوْح يقدّْسن؟ ئِتَارو-د ڒمْحِبّث ذ ڒفْرَاحث ذ ڒهْنَا ذ تَّاسِع ن ڒْخَاضَر ذ ڒْخِير ذ وُوْڒ اَشمْڒَاڒ ذ بْنَاذم ذِي يدْجَا تِّقث

أيث-ؤفسوس 2:18

لِأَنَّا س لْمَسِيح اَم نشِّين اَم كنِّيو نْزمَّر أَ نْقَارّب غَار أَربِّـي بَابَاثْنغ س يِجّن ن أَرُّوْح يقدّْسن.

أيث-ؤفسوس 2:22

ذَايس عَاوذ ذِي لْمَسِيح يبنَّا-كنِّيو يجّن اَك ونّغْنِي بَاش اَذ تِيڒِيم ذ يجّن ن ثْزدِّيغْث ذَايس إِي غَا يزْذغ أَربِّـي س أَرُّوْح نّس.

أيث-ؤفسوس 5:9

أَقَا نُّوْر يتَارو-د مِين يدْجَان ذ اَصبْحَان ذ مِين يدْجَان نِيشَان ذ مِين يدْجَان ذ لْحَقِيقَا.

أيث-ؤفسوس 6:23

أَذ يِيڒِي ڒهْنَا إِ أَيثْمَاثْنغ ذ ڒمْحِبّث اَك لْإِيمَان زِي أَربِّـي بَابَاثْنغ ذ سِيذِيثْنغ عِيْسَى لْمَسِيح.

أيث-فيليـپـي 2:1

مڒَا كنِّيو تْوَاشجّْعم س لْمَسِيح نِغ ثتْهِلَّام ذِي ڒمْحِبّث نّس نِغ ثْشَرّْشم اَك أَرُّوْح نّس، نِغ ثُوْفِيم ذَايس اَرَّحْمث ذ لْحَنَانَا،

1 يوحنا 1:3

مِين نࢲْرَا ذ مِين نتْسْڒَا نتْبشَّار-يكنِّيو زَّايس حمَا ؤُڒَا ذ كنِّيو اَذ تمْعَاشَرم اَكِذْنغ. مَارَّا نشِّين ثَمْعَاشَرْث نّغ اَقَات اَك بَابَاثْنغ ذ مِّيس عِيْسَى لْمَسِيح.

1 يوحنا 3:16

س مِينْزِي إِي غَا نسّن ڒمْحِبّث؟ مِينْزِي سِيذِيثْنغ يصدّق خَانغ يخف نّس. أُو اَمُّو عَاوذ إِي غَا نِيڒِي نوْجذ أَ نْصدّق يخف نّغ خ أَيثْمَاثْنغ.

1 يوحنا 3:24

ونِّي إِݣ يسْخدَّامن ڒُوْصِيَاث نّس اَتَاف اَذ يعِيش ذِي أَربِّـي، أَربِّـي يزدّغ ذَايس. مَامّش غَا نݣّ نشِّين أَ نسّن بلِّي يزدّغ ذَايْنغ؟ نسّن-يث س أَرُّوْح نِّي إِي ذَانغ د يُوْشَا.

ثبرات زي يهوذا 1:21

ئِتْخصَّا اَذ تقِّيمم ذِي ڒمْحِبّث ن أَربِّـي اَذ تْرَاجَام اَرَّاحْمث نِّي ن سِيذِيثْنغ عِيْسَى لْمَسِيح ثنِّي إِي كنِّيو يتَاوِين غَار ثُوْذَارْث نِّي وَار يفنِّين شَا عمَّارْص.