22 أيث-كورينث 12:21 - ثريفيث 2020

²¹ ݣّْوْذغ اَغَارْوم د عقْبغ اَذ سذْحِيغ زِي أَربِّـي ينُو اَذ رُوْغ اَطَّاس خ يِنِّي إِݣ يعْصَان زِي قْبڒ، عَاذ وَار تُوْبن شَا زݣ ؤُفلّس ذ لْفَسَاد ذ ڒقْبَاحث إِ تُوْغَا تݣّن.

22 أيث-كورينث 12:21 ပူးပေါင်းရင်းမြစ်များ

أيث-روما 13:13

ئِتخصَّا لَابُد أَ نُوْيُوْر س لْإِحْتِرَام اَم ونِّي يݣُّوْرن ذِي ثْفَاوْث ن نْهَار. وَار نْتݣّ شَا لْمَدلَّا ن سّكْرَا ذ وَاطَّاس ن شّْرب ذ لْفَسَاد ذ ڒقْبَاحْث ذ ومنْغِي ذ ڒحْسذ.

أيث-روما 9:2

يعْنِي، ئِسْحرّق-اَيِي يجّن ن ڒحْرِيق اَطَّاس ذݣ وُوْڒ ينُو وَار يتْكمِّيڒ شَا خ سَّبَاب ن ڒْقُوْم ينُو، يعْنِي يِنِّي يدْجَان زِي لْأُمَّا ينُو. مَعْلِيك زمَّرغ نش، أَذ تْوَانعْڒغ اَذ تْوَاحَرّْمغ زِي لْمَسِيح بَاش نِثْنِي وَار تْوَانعِّيڒن شَا وَار تْوَاحَرِّيمن شَا زِي لْمَسِيح.

1 أيث-كورينث 5:1

ئِفّغ-د يجّن ن ڒخْبَار بلِّي ذِنِّي يجّن ن نُّوْع ن لْفَسَاد جَارَاوم وَار خَاس صبَّرن شَا وَاخَّا ذ لْكُفَّار! ئِجّن ن ورْيَاز غَارس ثَمْغَارْث ن بَابَاس.

22 أيث-كورينث 10:6

خْمِي غَا ثسِّيوْضم كنِّيو نِيشَان طَّاعَا نْوم، أَتَاف نشِّين أَ نِيڒِي نْسوْجَاذ بَاش أَ نْعَاقب ونِّي وَار يتْطِيعِين شَا.

22 أيث-كورينث 12:7

إِذن يمُّوْش-اَيِي يجّن ن وسنَّان ذݣ ويْسُوْم ينُو، مَايمِّي؟ حمَا وَار سمْغَارغ شَا يخف ينُو عْلَاحْسَاب ثِمسْڒَايِين-أَ يسْتْعجِّيبن إِي ذَايِي د يسْبيّن أَربِّـي ذِي لْوَاحِي. أَسنَّان-أَ ونِّي إِي د يسّكّن شِّيطَان يتْعدَّاب-اَيِي بَاش وَار سمْغَارغ شَا يخف ينُو.

22 أيث-كورينث 13:2

نش ذِي زِّيَارَا إِي تُوْغَا د ݣِّيغ غَارْوم وِيس ثْنَاين عڒْمغ-اَسن إِ يِنِّي يعصَّان ذ يِوْذَان نّغْنِي مَارَّا. ڒخُّو خْمِي خَاوم تْغَابِيغ اَذَاوم عڒْمغ عَاوذ، يعْنِي خْمِي د غَا اَوْضغ ؤُڒَا ذ يجّن زݣ يِنِّي يعصَّان مَا اَخَاس حِينّغ.

22 أيث-كورينث 8:24

فَلِهَاذَا، أَوِيم-اَسن إِ يرْيَازن-أَ دَّلِيل ن ڒمْحِبّث نْوم ذ سَّبَاب س مِينْزِي نْتفْتَخَر ذَايْوم بَاش مَانَايَا اَث ࢲرنْت ثِجُوْمَاع ن ڒْمُوْمِنِين.

أيث-ݣلاطيا 5:19

ڒخْذَايم ن طَّبِيعَا ثَعفَّانْت نّغ اَقَا تْبَاننْت-يد يعْنِي لْفَسَاذ ذ مِين يسخْنِيزن ذ ڒقْبَاحث،

أيث-كولوس 3:5

خ مَانَايَا نْغث مِين يدْجَان ذَايْوم ذِي طَّبِيعَا نْوم ن دُّنشْت-أَ يعْنِي لْفَسَاد ذ مِين يخنْزن ذ شّهْوث ذ ڒْخَاضَر اَعفَّان ذ طْمَاع إِݣ يدْجَان نتَّا اَم لْعِبَادَا ن لْأَصْنَام.

يعيبرانيين 13:4

وقَّارث ڒمْڒَاش مَارَّا. قَامَا ن ڒمْڒَاش اَذ تِيڒِي س نِّيّث بْڒَا ڒْغدْڒَان. أَقَا أَربِّـي اَذ يعَاقب يِنِّي يفسّْذن ذ يِنِّي يزنَّان.

2 بطرس 2:18

سمْغَارن يخف نْسن س وَاوَاڒن يخْوَان. س ڒقْبَاحث نِّي ن شّهْوث ن بْنَاذم تْحدْجَاقن-د يِنِّي يَالَّاه عَاذ يَروّْڒن زݣ يِوْذَان إِي تْعِيشن ذِي لْغَالَط.

ثبرات زي يهوذا 1:23

فكّث ينّغْنِي، جبْذم-ثن-د زِي ثْمسِّي. ئِنّغْنِي سْبِيّْنم-اَسن-د اَرَّاحْمث ثمْخلّط اَك ثِيْݣّْوْذِي يعْنِي اَذ تْعِيفّم ؤُڒَا ذ اَرُّوْض نْسن إِݣ يخنْزن س طَّبِيعَا نْسن ثَعفَّانْت.

ثبرات زي يهوذا 1:7

أَمُّو عَاوذ إِي ݣِّين يمزْذَاغ ذِي ثنْدِينْت نِّي ن سَادُوْم ذ ثنْدِينْت نِّي ن عَمْمُوْرَا ذ يبِيلَاجن نِّي إِي ذَاسنْت-يد ينّضن. سلّْمن يخف نْسن إِ لْفَسَاد ذ شّهْوث نِّي مَاشِي طَّبِيعِي. يعْنِي نِثْنِي يݣِّي-ثن أَربِّي ذ لْعِبْرَا، تْوَاعَاقْبن س يِجّن ن لْعِقَاب ن ثْمسِّي وَار يفنِّين شَا عمَّارْص.

لواحي ن يوحنا 21:8

وَلَكِن شّْمَايث ذ يِنِّي وَار يُوْمِينن شَا ذ يِنِّي يدْجَان ذ يعفَّانن ذ يِنِّي ينقّن يوْذَان ذ يِنِّي يفسّْذن ذ يسحَّارن ذ يِنِّي يعبّْذن لْأَصْنَام ذ مَارَّا يِنِّي يسْخرِّيقن قَا اَمْشَان نْسن اَذ يِيڒِي ذِي ڒبْحَر يرقّن س ثْمسِّي ذ ڒكْبْرِيْيث. قَا ثنِّي ذ ڒْموْث وِيس ثْنَاين."

لواحي ن يوحنا 22:15

غَار بَارَّا ن ثنْدِينْت دْجَان ذِنِّي يقْزِينن ذ يسحَّارن ذ يِنِّي يفسّْذن ذ يِنِّي ينقّن يوْذَان ذ ينِّي يعبّْذن لْأَصْنَام ذ مَارَّا يِنِّي يسْخرِّيقن إِي تْحِبَّان يخَرِّيقن.

لواحي ن يوحنا 22:20

ئِقَّار عِيْسَى يعْنِي ونِّي يخبَّرن خ ثْمسْڒَايِين-أَ: "وَاه، نش أَقَا ؤُسِيغ-د وَار تْعطَّاڒغ شا!" آمِين، أَرَاح-د آ سِيذِيثْنغ عِيْسَى.