22 أيث-كورينث 12:20 - ثريفيث 2020

²⁰ شُوْف، ݣّْوْذغ خْمِي د غَا اَوْضغ وَار كنِّيو تِيفغ شَا مَامّش تْمنِّيغ اَكنِّيو اَفغ. أُو عَاوذ وَار ذَايِي تِيفم شَا مَامّش تْمنِّيم اَذَايِي ثَافم. ݣّْوْذغ اَذ اَفغ جَارَاوم اَمنْغِي ذ ڒحْسذ ذ وعَصّب، كُڒ يجّن يرزُّو إِ يِيخف نّس وَاهَا، ذ ڒْبَاطڒ ذ نَّمِيمَا، ذَايْوم تَّكبُّور ذ ڒْفَاوْضَا.

22 أيث-كورينث 12:20 ပူးပေါင်းရင်းမြစ်များ

أيث-روما 1:29

نِثْنِي شُّوْرن س كُڒ نُّوْع ن ڒْمُعْصِيَاث ذ شَّرّْ ذ طّْمَع ذ ڒقْبَاحث ذ ڒحْسذ. نقّن يوْذَان تْمنْغَان. شُّوْرن س ؤُغْذَار ذ مِين وَار يحْڒِين، قَّارن نَّمِيمَا.

أيث-روما 1:30

قَّارن ڒْبَاطڒ، تْعِيفَّان أَربِّـي، تُوْكَّارن يوْذَان، سمْغَارن يخف نْسن، ذَايْسن تَّكبُّر. تݣّن نِّيث شَّرّْ ذ جْذِيذ، عصَّان لْوَلِدِين.

أيث-روما 2:8

وَلَكِن اَغَارْسن يِيڒِي لْحِسَاب ذ لْعِقَاب غَار يِنِّي يرزُّوْن إِ يِيخف نْسن وَاهَا ذ يِنِّي وَار يتْطِيعِين شَا إِ لْحَقِيقَا ذفَّارن مِين وَار يدْجِين شَا نِيشَان.

1 أيث-كورينث 1:11

آي اَيثْمَا، أَرِّيغ-د ڒخْبَار زِي ثدَّارْث ن كْلُوِي تْمنْغَام جَارَاوم.

1 أيث-كورينث 14:33

لِأَنَّا أَربِّـي وَار يدْجِي بُو ن ڒْفَاوْضَا وَلَكِن ن ڒهْنَا. ذ ثَانِيتَا ذ لْعَادَا إِي ذَايْسنْت ذِي مَارَّا ثِجُمَاع ن ڒْمُوْمِنِين.

1 أيث-كورينث 5:2

ئِي كنِّيو، مَا ذَايْوم تَّكبُّر؟! لَّا، كنِّيو يتْخصَّا اَذ تْخيّْقم. ئِتْخصَّا اَذ تْسُوْفْغم ونِّي يݣِّين مَانَايَا زِي جْمَاعث نْوم.

22 أيث-كورينث 1:23

إِيوَا تتَّارغ إِ أَربِّـي اَذ يِيڒِي نتَّا ذ شَّاهذ ينُو قَا نش تُوْغَا رزُّوْغ اَخَاوم حِينّغ وَامِي ؤُݣِيغ اَغَارْوم د اَسغ غَار كُوْرِينْث.

22 أيث-كورينث 10:2

تتَّارغ-كنِّيو بَاش وَار ذَايِي تِيجِّيم شَا اَذ يڒِيغ قسْحغ اَك ڒبْعَاض زَّايْوم اَم تْرَاجِيغ نش اَذ ݣّغ، ڒبْعَاض-أَ تْفكَّارن قَا نتْعِيش س اَرَّاي ن بْنَاذم وَاهَا.

22 أيث-كورينث 10:6

خْمِي غَا ثسِّيوْضم كنِّيو نِيشَان طَّاعَا نْوم، أَتَاف نشِّين أَ نِيڒِي نْسوْجَاذ بَاش أَ نْعَاقب ونِّي وَار يتْطِيعِين شَا.

22 أيث-كورينث 12:21

ݣّْوْذغ اَغَارْوم د عقْبغ اَذ سذْحِيغ زِي أَربِّـي ينُو اَذ رُوْغ اَطَّاس خ يِنِّي إِݣ يعْصَان زِي قْبڒ، عَاذ وَار تُوْبن شَا زݣ ؤُفلّس ذ لْفَسَاد ذ ڒقْبَاحث إِ تُوْغَا تݣّن.

22 أيث-كورينث 13:2

نش ذِي زِّيَارَا إِي تُوْغَا د ݣِّيغ غَارْوم وِيس ثْنَاين عڒْمغ-اَسن إِ يِنِّي يعصَّان ذ يِوْذَان نّغْنِي مَارَّا. ڒخُّو خْمِي خَاوم تْغَابِيغ اَذَاوم عڒْمغ عَاوذ، يعْنِي خْمِي د غَا اَوْضغ ؤُڒَا ذ يجّن زݣ يِنِّي يعصَّان مَا اَخَاس حِينّغ.

22 أيث-كورينث 2:1

شُوْف، ݣِّيغ ذِي ڒْبَاڒ ينُو وَار تݣّغ بُو شَا ن زِّيَارَا نّغْنِي بَاش وَار كنِّيو سْخيِّيقغ شَا.

أيث-ݣلاطيا 5:15

وَلَكِن مڒَا تْمرْمَاشم اَيَاوْيَا اَم ڒُوْحُوْش وَا يتتّ وَا، حْضَام يخف نْوم اَذ تْسغْڒِيم اَيَاوْيَا.

أيث-ݣلاطيا 5:26

وَار نْسمْغَار شَا يخف نّغ س تَّكبُّر، وَار ذَايْنغ يتِيڒِي شَا ڒحْسذ ذ ثْغنَّانْت جَارَانغ.

ثبرات غار يعقوب 4:11

آي أَيثْمَا، وَار قَّارث بُو ڒْبَاطڒ خ وَايَاوْيَا. مِينْزِي ونِّي يقَّارن ڒْبَاطڒ خ وُوْمَاس نِغ يتْعيَّاب-يث، أَتَاف يقَّار ڒْبَاطڒ خ شَّرِيعَا يتْعيَّاب-يت. خْمِي تْعيَّابذ شَّرِيعَا اَتَاف شك وَار زَّايس ثخدّْمذ شَا؛ لَّا، أَتَاف شك ذ ڒْقَاضِي نّس وَاهَا.

1 بطرس 2:1

إِذن فَا كّْسث زݣ وُوْرَاون نْوم مَارَّا شَّرّْ ذ مَارَّا لْغذْرَان ذ نِّفَاق ذ ڒحْسذ ذ مَارَّا ڒْبَاطڒ.

2 بطرس 2:18

سمْغَارن يخف نْسن س وَاوَاڒن يخْوَان. س ڒقْبَاحث نِّي ن شّهْوث ن بْنَاذم تْحدْجَاقن-د يِنِّي يَالَّاه عَاذ يَروّْڒن زݣ يِوْذَان إِي تْعِيشن ذِي لْغَالَط.

ثبرات زي يهوذا 1:16

شُوْف، يثَرَّاسن-أَ تْشثْشَان وَاهَا، تنْتَاقَاذن خ مِدّن، نِثْنِي ذفَّارن شّهَاوَاث نْسن ثِعفَّانِين؛ سمْغَارن يخف نْسن س ؤُقمُّوْم نْسن، تسْڒهَّان يوْذَان بَاش اَذ نفّْعن يخف نْسن.