22 أيث-كورينث 12:15 - ثريفيث 2020

¹⁵ نش س ڒفْرَاحث اَذ هْذِيغ يخف ينُو اَذ تْوَاهْذِيغ عْلَاحْسَاب ڒَعْمَار نْوم. مڒَا تخْسغ-كنِّيو اَطَّاس، مَا ثسْنقْصم ڒمْحِبّث نْوم خَافِي؟

22 أيث-كورينث 12:15 ပူးပေါင်းရင်းမြစ်များ

22 أيث-كورينث 1:6

مڒَا نتْوَازيَّار نشِّين اَقَا مَانَاينِّي بَاش كنِّيو اَذ تْوَاعَاوْنم بَاش اَذ تْوَاسْنجّْمم. مڒَا نتْوَاعَاون نشِّين اَقَا مَانَاينِّي بَاش عَاوذ اَذ تْوَاعَاوْنم كنِّيو. أَقَا اَمْعَاوَان-أَ يتَارو-د ذَايْوم يجّن ن صْبَار خْمِي تْعدَّابم س مِين نتْعدَّاب نشِّين.

22 أيث-كورينث 11:11

مَايمِّي؟ مَا وَار كنِّيو تخْسغ شَا؟ قَا أَربِّـي يسّن بلِّي ثْعِيزّم خَافِي.

22 أيث-كورينث 12:14

ڒخُّو اَقَايِي وجْذغ اَغَارْوم د اَسغ ذِي زِّيَارَا وِيس ثْڒَاثَا، وَار خَاوم تْبسِّيڒغ شَا، وَار رزُّوْغ شَا خ وَاݣْڒَا نْوم رزُّوْغ خَاوم كنِّيو. ڒَاحقَّاش وَار يتْخصِّي شَا يحنْجِيرن اَذ سْمُوْنن اَݣْڒَا إِ لْوَلِدِين نْسن، ئِتْخصَّا لْوَلِدِين نْسن إِي غَا يسْمُوْنن اَݣْڒَا إِ يحنْجِيرن.

22 أيث-كورينث 12:9

نتَّا ينَّا-ٱيِي لَّا، ئِشْفَا-يَاش أَرْضَا ينُو؛ جّْهذ ينُو اَذ يذْوڒ يكْمَاڒ س ضُّوْعف-أَ. فَلِهَاذَا فَرّْحغ اَطَّاس اَذ فْتَخَرغ س ضُّوْعف ن جّْهذ ينُو بَاش جّْهذ ن لْمَسِيح اَذَايِي يزْذغ.

22 أيث-كورينث 2:3

تُوْغَا ؤُرِيغ ثَبْرَات نِّي بَاش وَار ذَايِي تسْخيَّاقم شَا، رزُّوْغ اَخْمِي د غَا اَسغ غَارْوم أُو لَابُد اَذَايِي ثسْفَرْحم. مڒَا فَرْحغ اَذ يڒِيغ نش متْأَكّد اَذ تْفَرْحم ؤُڒَا ذ كنِّيو.

22 أيث-كورينث 4:12

خ مَانَايَا خْمِي نشِّين نتْوَاجَاه ڒْموْث، كنِّيو تِيڒِي ذَايْوم ثُوْذَارْث.

22 أيث-كورينث 7:2

اَرزْمم-اَنغ كنِّيو يمُوْشَانْ ذݣ وُوْڒَاون نْوم. ؤُڒَا ذ يجّن وَار ث نضْڒِيم شَا، وَار ث نسْعوّج شَا، وَار ث نْغشّ شَا.

22 أيث-كورينث 7:3

وَار قَّارغ شَا مَانَايَا بَاش اَكنِّيو عيّْبغ لَّا. ڒَاحقَّاش نِّيغ-اَوم قْبڒ قَا كنِّيو ذݣ وُوْڒَاون نّغ، أَ نمّث نِغ أَ ندَّر اَكِذْوم.

أيث-ݣلاطيا 4:10

أَقَا كنِّيو تْبَاعم ؤُسَّان ن دِّين نْسن ذ ڒشْهُوْرَاث ذ ڒْفُصُوْل ذ لْعَامَاث نْسن!

أيث-فيليـپـي 2:17

نش فَرّْحغ اَكِذْوم س يِجّن ن ڒفْرَاحث مَعْلِيش مڒَا فرّْغن-اَيِي-د وَاهَا اَم يِجّن ن صّذْقث ن يذَامّن خ دْبِيحث نْوم إِي تْقدَّامم كنِّيو س لْإِيمَان نْوم.

أيث-كولوس 1:24

ڒخُّو نش فَرّْحغ خ مِينْخف تْعدَّابغ عْلَاحْسَاب كنِّيو. لِأَنَّا ذِي دَّات-أَ ينُو كسِّيغ ڒْحَقّ ينُو زِي مِين عَاذ ينقّْصن زݣ وعدّب نِّي ن لْمَسِيح عْلَاحْسَاب دَّات نّس يعْنِي جْمَاعث ن ڒْمُوْمِنِين.

1 أيث-سلونيك 2:8

أَمُّو إِي نتْهلَّا ذَايْوم نتْخس-يكنِّيو. نْفَرح وَامِي نْشَرش اَكِذْوم لْإِنْجِيل ذ ثُوْذَارْث نّغ مِينْزِي ثْعِيزَّم خَانغ اَطَّاس.

2 تيموتاوس 2:10

خ مَانَايَا نش صبَّارغ خ مَارَّا ثِمسْڒَايِين عْلَاحْسَاب يِنِّي يتْوَاخْضَرن حمَا ؤُڒَا ذ يِيْنَا اَذ نجّْمن س وفُوْس ن عِيْسَى لْمَسِيح، أَكِذس يجّن لْعَظَمَا إِي وَار يفنِّين شَا.

يعيبرانيين 13:17

طَاعث إِ يِنِّي خَاوم يتْرَايَّان، ݣّم-اَسن اَرَّاي مِينْزِي ذ يِنِّي إِݣ يحطَّان ڒَعْمَار نْوم. أَذ ؤُشن نِثْنِي ڒحْسَاب خ مَانَايَا إِ أَربِّـي. طَاعث إِ يِيْنَا بَاش ڒْخذْمث نْسن اَزَّايس فَرْحن وَار خَاسن تْبسِّيڒ شَا. مڒَا ثݣِّيم ثَغنَّانْت اَتَاف وَار كنِّيو ينفّع وَالُو.