22 أيث-كورينث 11:4 - ثريفيث 2020

⁴ لِأَنَّا كنِّيو ثقَّارم مَعْلِيش وَاخَّا يُوْسَا-د غَارْوم يجّن يتْبشَّارن س يِجّن ن عِيْسَى نّغْنِي مْزُوَّر مَاشِي ذ ونِّي إِي خف نتْبشَّار نشِّين زِي قْبڒ. نِغ ذغْيَا ثْقبّْڒم يجّن ن اَرُّوْح نّغْنِي مْزُوَّر مَاشِي ذ ونِّي إِي تُوْغَا ثْقبْڒم زِي قْبڒ. نِغ ذغْيَا ثْقبّْڒم يجّن ن لْإِنْجِيل نّغْنِي مْزُوَّر مَاشِي ذ ونِّي إِي تُوْغَا ثْقبْڒم زِي قْبڒ.

22 أيث-كورينث 11:4 ပူးပေါင်းရင်းမြစ်များ

مرقس 7:9

ينَّا-ٱسن عَاوذ: "إِيوَا! تْبطَّاڒم ڒُوْصِيّث ن أَربِّـي حمَا اَذ قِّيمنْت لْعَادَاث نْوم!

ڒخذايم 4:12

وَار يزمَّر حَدّ اَذ ينْجم بْڒَا زَّايس نتَّا. لِأَنَّا وَار ذِنِّي ؤُڒَا ذ يجّن ن يِيسم نّغْنِي جَار إِ يرْيَازن ذِي دُّنشْت-أَ اَزَّايس نتْوَاسنْجم إِلَّا نتَّا."

أيث-روما 8:15

لِأَنَّا اَرُّوْح إِي ذَاوم د يمُّوْشن وَار كنِّيو يتَارِّي شَا ذ يسمْغَان حمَا اَذ تْعِيشم عَاوذ ذِي ثِيݣّْوْذِي؛ لَّا، ئِمُّوْش-اَوم-د اَرُّوْح يقدّْسن حمَا اَذ تِيڒِيم ذ ثَارْوَا ن أَربِّـي. س اَرُّوْح نِّي إِي غَا نْڒَغَا: أَبَّا، يعْنِي، أَ بَابَا ينُو.

1 أيث-كورينث 3:11

وَار ذِنِّي حَدّ يزمَّر اَذ يݣّ يج ن دْسَاس نّغْنِي خ ونِّي ذِنِّي يتْوَاݣّن، أُو دْسَاس-أَ وَانِيتَا ذ عِيْسَى لْمَسِيح.

22 أيث-كورينث 11:1

إِيوَا رزُّوْغ اَذ تصْبَرم شْوَايْت اَك ثُوْبُّوْهْڒِيَا-يَا ينُو زَعْمَا. وَاه، صبَّرث اَكِذِي لِأَنَّا غَارِي يجّن ن لْغِرَا خَاوم، يعْنِي يجّن ن لْغِرَا زِي أَربِّـي. أَقَا خطْبغ-كنِّيو زَعْمَا إِ يِجّن ن ورْيَاز يعْنِي ذ لْمَسِيح اَكنِّيو اَوِيغ غَارس اَم يِجّن ن ثعْزْرِيْث وَار ذَايس بُو ڒْعِيب.

22 أيث-كورينث 2:12

فَا وَامِي د ؤُوْضغ غَار ثنْدِينْت ن تْرَاوْس بَاش اَذ بشَّرغ س لْإِنْجِيل ن لْمَسِيح، ؤُفِيغ ثْنُوْرْزم-اَيِي-د يجّن ن ثوَّارْث ن سِيذِيثْنغ.

أيث-ݣلاطيا 3:2

أَكنِّيو سّقْسِيغ خ يِجّن ن ثْمسْڒَايْث وَاهَا. مَا يهْوَا-د خَاوم أَرُّوْح يقدّْسن وَامِي ثْطَاعم إِ شَّرِيعَا ن مُوْسَى؟ لَّا، ئِهْوَا-د وَامِي ثسْڒِيم إِ لإِنْجِيل ثُوْمْنم زَّايس.

1 تيموتاوس 1:3

نش وَامِي رُوْحغ غَار لْإِقْلِيم ن مَسِدُوْنْيَا وصِّيغ-شك اَذ تقِّيمذ ذِي ثنْدِينْت ن ؤُفَسُوْس بَاش اَذ تنْهِيذ شَان يرْيَازن اَذَاسن ثِينِيذ وَار سڒْمَاذم شَا ثِمسْڒَايِين إِݣ يتْخَلَافن ذِي لْإِيمَان.

1 تيموتاوس 2:5

لِأَنَّا ذِنِّي يجّن ن أَربِّـي وَاحْذس ذ يِجّن لْوَاسِيط وَاحْذس جَار أَربِّـي ذ يِوْذَان يعْنِي اَرْيَاز-أَ ذ عِيْسَى لْمَسِيح.