22 أيث-كورينث 11:3 - ثريفيث 2020

³ وَلَكِن نش ݣّْوْذغ مَامّش ذَاس يوْقع إِ حَوَّا يشْمث-يت وفِيغَر س ثحْرَايْمِيث نّس ؤُڒَا ذ كنِّيو ڒَعْقُوْڒَاث نْوم اَذ فّْغن اَبْرِيذ، وَار ذَاس تْطِيعِيم شَا إِ لْمَسِيح س وُوْڒَاون نْوم بْڒَا نِّفَاق أُو بْڒَا ڒْعِيب.

22 أيث-كورينث 11:3 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 24:24

أَقَا اَطَّاس إِي د غَا يمظْهَارن س يخَرِّيقن اَذ ينِين اَقَا نش ذ لْمَسِيح نِغ نش زِي لْأَنْبِيَا. أَذ ݣّن لْمُعْجِزَاث ذ ثِمقّْرَانِين ذ ڒَعْجَايب زَعْمَا حمَا اَذ خذْعن يوْذَان. مَعْلِيك زمَّرن يڒِي خذْعن ؤُڒَا ذ يِنِّي يخْضَر أَربِّـي.

يوحنا 8:44

بَابَاثْوم ذ إِبْڒِيس، ثْرزُّوْم اَذ تذْفَارم مِين يخس نتَّا. زݣ ومزْوَارُو نتَّا ينقّْ يوْذَان. وَار غَارس شَا لْعَلَاقَا اَك لْحَقِيقَا مِينْزِي نتَّا وَار ذَايس بُو لْحَقِيقَا. مڒْمِي مَا يسْخرَّق، أَتَاف يسَّاوَاڒ زِي مِين ذَايس مِينْزِي نتَّا ذ بُو-يخرِّيقن، ذ بَابَاثْسن ن يخرِّيقن.

أيث-روما 12:8

ئِجّن مڒَا يتْشجَّاع، أُو لَابُد اَذ يشجّع. ئِجّن مڒَا يتْصدَّاق، أُو لَابُد اَذ يِيڒِي ذ اَسخَّاي. ئِجّن مڒَا يتْرَايَا، أُو لَابُد اَذ يرَاي س وُوْڒ نّس. ئِجّن مڒَا يرحّم، أُو لَابُد اَذ يرْحم س ڒفْرَاحث نّس.

22 أيث-كورينث 1:12

أَقَا نشِّين نْتفْتَخَر زِي ضَّمِير نّغ يعْنِي يشهّذ بلِّي نُوْيُوْر مْلِيح ذِي دُّنشْت-أَ خَصَّاتَن اَكِذْوم س يِجّن ن نِّيّث ذ وُوْڒ يصْفَان زِي أَربِّـي. وَار يدْجِي بُو س يِجّن ن ڒفْهَامث ن دُّنشْت-أَ؛ لَّا، س يِجّن ن اَرْضَا ن أَربِّـي.

22 أيث-كورينث 11:20

أَقَا ثْصبَّرم ؤُڒَا ذ يِنِّي إِي كنِّيو يتَارَّان ذ يسمْغَان، ذ يِنِّي إِي كنِّيو يتتّن، ذ يِنِّي إِي خَاوم يتْبُوْصَرن، ذ يِنِّي إِي ذِي يدْجَا تَّكبُّر، ذ يِنِّي إِي كنِّيو يشَّاثن س يسقِّيڒن.

22 أيث-كورينث 11:29

مڒَا شَان يِجّن يضْعف، نش مَا وَار تضْعِيفغ شَا؟ مڒَا شَان يِجّن يتْوَاسُوْفغ زݣ وبْرِيذ، نش مَا وَار ذَايِي يتقّس شَا وُوْڒ ينُو؟

22 أيث-كورينث 2:17

أَقَا نشِّين مَاشِي اَم خَربِّي ن يِوْذَان يتݣّن تِّجَارَا ذݣ وَاوَاڒ ن أَربِّـي، نشِّين ذِي لْمَسِيح نسَّاوَاڒ س وُوْڒ يصْفَا زِي أَربِّـي أُو زَّاث إِ أَربِّـي.

22 أيث-كورينث 4:2

نشِّين نتْبعَّاعذ خ ثْمسْڒَايِين ن ڒفْضِيحث إِݣ يتْوَاخدّْمن س ثْنُوْفْرَا. وَار نسْخدِّيم شَا ثَحْرَايْمِيث، وَار نتْحرِّيف شَا اَوَاڒ ن أَربِّـي. نشِّين زَّاث إِ أَربِّـي نْسڒْمَاذ لْحَقِيقَا بْڒَا مَا اَت نسْنُوْفَّر. أَمُّو غَارْسن مَارَّا يوْذَان ذِي ضَّمِير نْسن بلِّي ذَايْنغ تِّقث.

أيث-ݣلاطيا 1:6

نش ستْعجِّيبغ ذَايْوم، ذغْيَا ثْسمْحم ذِي أَربِّـي إِي ذَاوم د يڒَاغَان س اَرْضَا ن لْمَسِيح ثْذفَّارم شَان ن لإِنْجِيل نّغْنِي مْزُوَّار!

أيث-ݣلاطيا 2:4

رزُّوْن خَاس خ مَانَاينِّي شَان ن وَاوْمَاثن زَعْمَا تْبُوْصَارن وَاهَا، ؤُذْفن-د جَارَانغ س ثْنُوْفْرَا حمَا اَذ جسّْسن خ لْحُرِّيَا إِي غَارْنغ ذِي لْمَسِيح بَاش اَذَانغ اَرّن اَم يسمْغَان إِ شَّرِيعَا نْسن.

أيث-ݣلاطيا 3:1

آ أَيث-ݣَلَاطْيَا، مَا ثْبُوْهْڒِيّم نِغ؟ وِي ذَاوم يݣِّين سّْحُوْر؟ نْشرّح-اَوم مْلِيح زَّاث إِ ثِيطَّاوِين نْوم مَامّش يمُّوْث لْمَسِيح خ صَّلِيب.

أيث-ݣلاطيا 4:11

ݣّْوْذغ، يمْكن مَارَّا ڒْخذْمث ينُو اَكِذْوم ثِيڒِي ذِي ڒْبَاطڒ أُو صَافِي.

أيث-ؤفسوس 4:14

أَمنِّي وَار نتْغِيمِي شَا ذ يحنْجِيرن تَاوِينْت-اَنغ ڒمْوَاج تَارَّانْت-اَنغ. نِغ ذ اَرِّيح يتْصُوْض خَانغ يكسِّي-يَانغ سَّا ذ سَّا س كُڒ اَرِّيح زَعْمَا ن وسڒْمذ أُو س ثحْرَايْمِيث ذ يخَرْوِيضن ن يرْيَازن ذ مِين تْشِيطِّينن.

أيث-ؤفسوس 4:22

إِيوَا تُوْغَا ثْڒمْذم اَذ تْسمْحم ذِي طَّبِيعَا نِّي نْوم تُوْغَا غَارْوم قْبڒ. لِأَنَّا طَّبِيعَا نِّي نْوم ثَرشَّا عْلَاحْسَاب شّهْوث نّس يسْتْوَاغَرّن.

أيث-ؤفسوس 6:24

أَذ يِيڒِي اَرْضَا إِ مَارَّا يِنِّي إِݣ يتْحِبَّان سِيذِيثْنغ عِيْسَى لْمَسِيح س يِجّن ن ڒمْحِبّث وَار ثْفنِّي شَا عمَّارْص.

أيث-كولوس 2:18

وَار تجَّام ؤُڒَا ذ يجّن ن بْنَاذم اَكنِّيو يسْبطّڒ خ لْجَائِزَا. نتَّا بْنَاذم نِّي ذ ونِّي إِݣ يسمْغَارن مِين يقسْحن ذِي دِّين، ئِسمْغَار عَاوذ لْعِبَادَا نِّي إِي زِي عبّْذن لْمَلَائِكَاث. ئِسَّاوَاڒ اَطَّاس ثَا س ثَا خ مِين يࢲْرَا زَعْمَا ذِي شَا ن لْوَاحِي نّس. ڒْعَقڒ نّس يُوْفّ يمْغَر س تَّكبُّر. وَار ذِنِّي بُو أَرُّوْح يقدّْسن، ذِنِّي لْأَفْكَار نّس يخْوَان وَاهَا.

أيث-كولوس 2:4

قَّارغ-اَوم مَانَايَا بَاش وَار د يتِيس حَدّ اَكنِّيو يشْمث س وَاوَاڒ نّس اَذَاوم يسْنعْمِيڒ ذ صَّح.

أيث-كولوس 2:8

أَرّم-د ڒْبَاڒ نْوم ؤُڒَا ذ يجّن مَا يزمَّر اَكنِّيو يسْخَرْوض س لْفلْسَفَا نِغ س وغدَّاڒ نِّي يخْوَان عْلَاحْسَاب تَّقَالِيد ن بْنَاذم نِغ عْلَاحْسَاب لْقَوَانِين يقْذِيمن ن دُّنشْت-أَ قَا مَاشِي عْلَاحْسَاب لْمَسِيح.

1 أيث-سلونيك 3:5

خ مَانَايَا، وَامِي ؤُݣِيغ اَذ صْبَرغ عَاذ كْتَار، سّكّغ-د غَارْوم تِيْمُوْتَاوُس بَاش اَذ سّْنغ لْإِيمَان نْوم. ݣّْوْذغ ونِّي يتْغَرَّان تُوْغَا يغَرّ-يكنِّيو س يبْرِيذن نّس أُوْشَا مِين تُوْغَا نخْذم جَارَاوم يمْكن يذْوڒ اَخْمِي وَار نݣِّي وَالُو.

1 تيموتاوس 1:3

نش وَامِي رُوْحغ غَار لْإِقْلِيم ن مَسِدُوْنْيَا وصِّيغ-شك اَذ تقِّيمذ ذِي ثنْدِينْت ن ؤُفَسُوْس بَاش اَذ تنْهِيذ شَان يرْيَازن اَذَاسن ثِينِيذ وَار سڒْمَاذم شَا ثِمسْڒَايِين إِݣ يتْخَلَافن ذِي لْإِيمَان.

1 تيموتاوس 2:14

عَاوذ آدَم وَار ث يشْمِيث شَا شِّيطَان، ذ ثَمْغَارْث يتْوَاشمْثن ثعْصَا أَربِّـي.

2 تيموتاوس 3:13

أَمَّا يرْيَازن يعفَّانن ذ يرْيَازن يشمَّاثن نِثْنِي اَذ ارْنِين ذِي ثُوْعُوْفّْنَا وَاهَا، نِثْنِي اَذ شمّْثن اَذ تْوَاشمّْثن.

ثبرات غار تيتوس 1:10

لِأَنَّا يِنِّي إِي ذِي ثدْجَا ثْغنَّانْت اَقَاثن مُجُوْدِين، سَّاوَاڒن وَاهَا نِثْنِي ذ يغدَّارن خَاصَّتَان ذ يِنِّي يتِيشّن لْهِمَّا اَطَّاس إِ طَّهَارث.

يعيبرانيين 13:9

أَرّم-د ڒْبَاڒ نْوم بَاش وَار تْذفَّارم شَا لْأَنْوَاع ن ؤُسڒْمذ فشْكل. شُوْف، ذ لمْلِيح اَذ يجْهذ وُوْڒ نّغ س اَرْضَا مَاشِي س لْمَكْلَا دِّينِيَا، يِنِّي إِي ت يتتّن وَار زَّايس سْتنْفِيعن شَا.

2 بطرس 3:17

إِذن آي يمْعِيزّن ينُو، كنِّيو ثسّْنم مَانَايَا، حْضَاث يخف نْوم بَاش وَار كنِّيو يتَاوِي شَا لْغَلَط ن لْمُفْسِدِين اَذ د توْضَام زِي دْسَاس نْوم.

2 بطرس 3:3

مِين يدْجَان مُهِم قَاع؟ ئِتْخصَّا أُو لَابُد اَذ تْفهْمم بلِّي ذِي ڒِيَّام نِّي ينݣُّوْرَا اَذ يڒِين مُوْجُوْدِين يوْذَان إِي يضحّْشن خَاوم، أَذ ضحْشن اَذ ذفَارن شّهَاوَاث نْسن أُو صَافِي.

1 يوحنا 2:18

آ يحنْجِيرن، أَقَا ثْسَاعَّات-أَ ثَنݣَّارُوْت ثُوْوض-د. كنِّيو ثسْڒِيم دّجَّال نِّي يݣُّوْر-د، أَمنِّي عَاوذ اَطَّاس ن يِوْذَان إِي د يُوْسِين ڒخُّو ݣِّين اَم دّجَّال نِّي. س مَانَاينِّي إِي نسّن اَقَا ثْسَاعَّات ثَنݣَّارُوْت ثُوْوض-د.

1 يوحنا 4:1

آي يمْعِيزّن ينُو، وَار تِيقِّيم شَا ذِي مَارَّا اَرُّوْحَاث، جَرّْبم-ثن بَاش اَذ تسّْنم مَا زِي أَربِّـي مَا لَّا. قَا فّْغن-د اَطَّاس ن يثَرَّاسن غَار دُّنشْت-أَ تَارَّان يخف نْسن ذ لْأَنْبِيَا.

ثبرات زي يهوذا 1:4

أَقَا شَا يثَرَّاسن ؤُذْفن-د جَارَاوم وَار ذَاسن د ثَارِّيم بُو ڒخْبَار، قَا لْعِقَاب نْسن يُوْرَا خَاس مشْحَاڒ زݣ وَامِي. يِيْنَا عصَّان أَربِّـي، سْعوَّاجن اَرْضَا نّس بَاش اَغَارْسن يِيڒِي اَم شَان ن تّسْرِيح ن شّهْوث. نكَّرن عِيْسَى لْمَسِيح إِي يدْجَان ذ مَوْلَانَا نّغ قَا نتَّا ذ سِيذِيثْنغ وَاحْذس.

لواحي ن يوحنا 12:15

ئِسُوْفغ-د وفِيغر زݣ ؤُقمُّوْم نّس اَمَان اَمشْنَاو يغْزَار تَازّْڒن خ ثمْغَارْث حمَا اَت اَوِين وَامَان نِّي.

لواحي ن يوحنا 12:9

ئِمنْضَار-د زݣ وجنَّا بُو-سبْعَا-يَا يزدْجِيفن اَمقّْرَان، يعْنِي فِيغر نِّي ذِي زْمَان ونِّي ؤُمِي قَّارن إِبْڒِيس نِغ ذ شِّيطَان يعْنِي ونِّي يخدّْعن مَارَّا دُّنشْت. ئِمنْضَار-د غَار ثْمُوْرْث، منْضَارن-د اَكِذس شَّيَاطِين نّس.

لواحي ن يوحنا 20:2

ئِطّف ونِّي يݣِّين اَم دَّيْنَاصُوْر نتَّا ذ فِيغر نِّي ن زْمَان يعْنِي إِبْڒِيس نِغ ذ شِّيطَان، ئِقّن-يث يحْبس-يث اَڒَاف ن يسݣّْوُوْسَا.