22 أيث-كورينث 11:27 - ثريفيث 2020

²⁷ خدّْمغ، شَّاثغ تَمَارَا، تْنُوْسغ اَطَّاس ن دْجِيَاڒِي بْڒَا يضص. فُوْذغ دْجُوْزغ، قِّيمغ اَطَّاس ن ثْوَاڒَاثِين بْڒَا لْمَكْلَا. ثْنقّ-اَيِي ثسْمض اَرُّوْض ينُو ذ ؤُقْلِيل.

22 أيث-كورينث 11:27 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 17:21

{نُّوْعَا-يَا ن جّنّ اَذ تْسُوْفْغم غِير س ثْࢲَادْجِيث ذ وࢲُوْمِّي.}"

ڒخذايم 14:23

بُوْلُس ذ بَرْنَابَا يخْضَرن يمقّْرَانن ذِي مْكُڒ جْمَاعث ن ڒْمُوْمِنِين ڒخْدّنِّي ࢲُّوْدْجن، ࢲُوْمّن، جِّين-ثن ذݣ وفُوْس ن سِيذِي أَربِّـي إِي زِي ؤُمْنن.

ڒخذايم 20:31

إِيوَا إِڒِيث عْلَابَال! وَار تتُّوْم شَا نش ثڒْت-سْنِين إِي كِذْوم كِّيغ، قِّيمغ تْوصِّيغ مْكُڒ يجّن زَّايْوم دْجِيڒث ذ وَاسّ س يمطَّاون ينُو.

1 أيث-كورينث 7:5

ئِتْخصَّا وَار ثْقطّْعم شَا خ وَايَاوْيَا إِلَّا مڒَا ثْتَافْقم اَك وَايَاوْيَا يجّن ن لْمُدَّا وَاهَا حمَا اَذ تُوْشم ڒْوقْث نِّي إِ ثْࢲَادْجِيث نْوم. منْبَعْد اَذ تْمُوْنم حمَا وَار كنِّيو يتْغَارِّي شَا شِّيطَان ڒَاحقَّاش اَتَاف وَار ثْزمَّرم شَا اَذ تْحكْمم مْلِيح خ شّهْوث نْوم.

22 أيث-كورينث 11:23

مڒَا نِثْنِي ذ يخدَّامن ن لْمَسِيح، ؤُڒَا ذ نش حْسن عَاذ ذ اَخدَّام ن لْمَسِيح (سَّاوَاڒغ زَعْمَا س ثُوْبُّوْهْڒِيَا-يَا). نش شَّاثغ تَمَارَا كْتَار زَّايْسن، حبّْسن-اَيِي كْتَار زَّايْسن، ؤُوْثِين-اَيِي س وسْغُوْن كْتَار زَّايْسن. نش مشْحَاڒ ن ثْوَاڒَاثِين تْوَاجَاهغ ڒْموْث.

22 أيث-كورينث 6:5

نشِّين تْمَرَّاثن-اَنغ، تْحبَّاسن-اَنغ، تݣّن-اَنغ ڒْفَوْضَا؛ نشِّين نشَّاث تَمَارَا، نقِّيم ذِي دْجِيَاڒِي بْڒَا يضص، ندْجُوْز.

أيث-فيليـپـي 4:12

سّْنغ اَذ عِيشغ ذݣ وزيَّار، سّْنغ عَاوذ اَذ عِيشغ ذِي ڒْخِير. نش مَامش مَا دْجَانْت ظُّرُوْف ينُو ڒمْذغ سِّير اَذ وَاجْهغ ڒْخِير نِغ ذ جُّوْع، وَاخَّا غَارِي اَطَّاس نِغ شْوَايْت وَاهَا.

1 أيث-سلونيك 2:9

آي أَيثْمَا، أَقَا ثْعقْڒم خ ڒْخذْمث نّغ قَا نشِّين نُوْوْثَا خَاس تَمَارَا. وَامِي كنِّيو نتْبشَّار س لْإِنْجِيل ن أَربِّـي، قَا نْخدّم دْجِيڒث ذ نْهَار بَاش وَار نتْبسِّيڒ شَا خ شَان حَدّ زَّايْوم.

2 أيث-سلونيك 3:8

وَار نشِّي بُو وغْرُوْم اَك حَدّ بَاطڒ. لَّا، نْخدّم دْجِيڒث ذ نْهَار، نشَّاث تَمَارَا نْربّڒ بَاش وَار نتْبسِّيڒ خ حَدّ زَّايْوم.

يعيبرانيين 11:37

رجْمن-ثن س وزْرُو، قسّن-ثن خ ثْنَاين س ڒْمنْشَار، نْغِين-ثن س سِّيف. ݣُّوْرن س يِڒمَاون ن يحُوْڒِيْين ذ يغَايْذن. نِثْنِي ذ يمسْعَان، تْوَاعدَّابن، تنْعدَّان خَاسن.