22 أيث-كورينث 11:11 - ثريفيث 2020

¹¹ مَايمِّي؟ مَا وَار كنِّيو تخْسغ شَا؟ قَا أَربِّـي يسّن بلِّي ثْعِيزّم خَافِي.

22 أيث-كورينث 11:11 ပူးပေါင်းရင်းမြစ်များ

يوحنا 21:17

ينَّا-ٱس عِيْسَى وِيس ثڒْت مَرَّاث: "آ سِمْعَان آ مِّيس ن يُوْحَنَّا، مَا تخْسذ-اَيِي؟" ئِقّس-اَس ڒْحَاڒ إِ بُطْرُس ڒَاحقَّاش ينَّا-ٱس-ث وِيس ثڒْت مَرَّاث، شك مَا تخْسذ-اَيي؟ ينَّا-ٱس: "آ سِيذِي، شك ثسّْنذ كُڒْشي. ثسّْنذ قَا نش تخْسغ-ش." ينَّا-ٱس عِيْسَى: "سشّ يحُوْڒِيْين ينُو.

ڒخذايم 15:8

أَربِّـي ذ نتَّا إِݣ يسّْنن ؤُڒ ن بْنَاذم، يسظْهَار-د نتَّا بلِّي يقْبڒ-يثن يعْنِي يُوْشَا-ٱسن أَرُّوْح يقدّْسن مَامّش ذَانغ ث يُوْشَا إِ نشّْين.

أيث-روما 1:9

لِأَنَّا أَربِّـي إِي عبّْذغ س مَارَّا ؤُڒ ينُو تْبشَّارغ س لْإِنْجِيل ن مِّيس، نتَّا قَا يسّن تْفكَّرغ ذَايْوم ڒبْدَا ذِي ثْࢲَادْجِيث ينُو. تتَّارغ مڒَا يخس أَربِّـي اَڒ ونݣَّارُو اَذ اَفغ اَبْرِيذ اَغَارْوم د اَسغ.

22 أيث-كورينث 11:10

س ڒْحَقّ ن لْمَسِيح إِي ذَايِي، ؤُڒَا ذ يجّن ذݣ يمُوْشَان ن ؤُخَايَا مَا ٱذ يكّس لْإِفْتِخَار-أَ ينُو.

22 أيث-كورينث 11:31

ونِّي يتْوَابَرْكن إِ ڒبْدَا يعْنِي أَربِّـي بَابَاس ن سِيذِيثْنغ عِيْسَى، ئِسّن إِلَّا نش قَّارغ لْحَقِيقَا.

22 أيث-كورينث 12:15

نش س ڒفْرَاحث اَذ هْذِيغ يخف ينُو اَذ تْوَاهْذِيغ عْلَاحْسَاب ڒَعْمَار نْوم. مڒَا تخْسغ-كنِّيو اَطَّاس، مَا ثسْنقْصم ڒمْحِبّث نْوم خَافِي؟

22 أيث-كورينث 2:17

أَقَا نشِّين مَاشِي اَم خَربِّي ن يِوْذَان يتݣّن تِّجَارَا ذݣ وَاوَاڒ ن أَربِّـي، نشِّين ذِي لْمَسِيح نسَّاوَاڒ س وُوْڒ يصْفَا زِي أَربِّـي أُو زَّاث إِ أَربِّـي.

22 أيث-كورينث 7:3

وَار قَّارغ شَا مَانَايَا بَاش اَكنِّيو عيّْبغ لَّا. ڒَاحقَّاش نِّيغ-اَوم قْبڒ قَا كنِّيو ذݣ وُوْڒَاون نّغ، أَ نمّث نِغ أَ ندَّر اَكِذْوم.

يعيبرانيين 4:13

وَار ذِنِّي ؤُڒَا ذ يجّن ن ثْمسْڒَايْث زِي مِين د يتْوَاخڒْقن ثْنُوْفَّار زِي أَربِّـي. قَاع ثِمسْڒَايِين تْوَافضْحنْت-يد تْوَاظْهَارنْت-يد إِ ثِيطَّاوِين ن ونِّي ؤُمِي غَا نُوْش ڒحْسَاب نّغ.

لواحي ن يوحنا 2:23

أَذ نْغغ ثَارْوَا نّس. أَذْ سّْنن مَارَّا ثِجُمَاع ن ڒْمُوْمِنِين بلِّي ذ نش إِݣ يتْميَّازن مِين ذَايس ذِي ڒَعْقڒ ذ وُوْڒ. كُڒ يجّن زَّايْوم اَذَاس ؤُشغ عْلَاحْسَاب ڒخْذَايم نّس.