22 أيث-كورينث 10:7 - ثريفيث 2020

⁷ كنِّيو ثْخزَّرم غَار مِين د يتْبَانن خ وُوْذم وَاهَا. مڒَا شَان يِجّن متْأَكّد نتَّا زِي لْمَسِيح أُو لَابُد اَذ يفكَّر ؤُڒَا ذ نشِّين زِي لْمَسِيح أَم نتَّا.

22 أيث-كورينث 10:7 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 23:5

مَارَّا مِين تݣّن حمَا اَغَارْسن خْزَرن يِوْذَان: تݣّن ڒحْرُوْز ذ يمقّْرَانن، اَرنِّين ثِيشْڒُوڒِين إِ يزدْجَابن نْسن.

لوقا 16:15

ينَّا-ٱسن عِيْسَى: "كنِّيو ذ يِنِّي إِي يرزُّوْن اَذ ؤُشن ڒْحَقّ خ يِيخف نْسن زَّاث إِ يِوْذَان، وَلَكِن أَربِّـي يسّن مِين غَارْوم ذݣ وُوْڒَاون نْوم. مِين يتَارَّان بْنَاذم غَارس لْقِيمَا، أَتَاف مَانَاينِّي ذ اَعفَّان اَطَّاس غَار أَربِّـي.

يوحنا 7:24

إِيوَا، وَار تْحَاسَابث شَا خَافِي اَمُّو وَاهَا، حَاسْبث س ڒْحَقّ."

1 أيث-كورينث 1:12

يعْنِي، ئِجّن يقَّار نش ذفَّارغ بُوْلُس. ئِجّن يقَّار نش ذفَّارغ أَپُّــوْلُّوْس. ئِجّن يقَّار نش ذفَّارغ بُطْرُس. ئِجّن يقَّار نش ذفَّارغ لْمَسِيح.

1 أيث-كورينث 14:37

مڒَا يجّن يحسّب يخف نّس نِيشَان ذ نَّبِي نِغ ذ يجّن ن بْنَاذم رُوْحِيَا اَتَاف أُو لَابُد اَذ يقْبڒ مِين ذَاوم د تَارِيغ ذِي ثبْرَات-أَ نتَّاث ذ ڒُوْصِيّث ن سِيذِيثْنغ.

1 أيث-كورينث 15:23

وَلَكِن كُڒ يجّن نُّوْبث نّس: لْمَسِيح نتَّا ذ ثَفدْجَاحْث ثَمزْوَارُوْت. خْمِي د غَا يعْقب نتَّا، أَذ د تَاس نُّوْبث ن يِنِّي يدْجَان زَّايس نتَّا.

1 أيث-كورينث 3:23

كنِّيو ن لْمَسِيح، أُو لْمَسِيح نتَّا ن أَربِّـي.

1 أيث-كورينث 9:1

غَارِي لْحُرِّيَا يعْنِي نش مَاشِي ذ يسْمغ. نش ذ اَرَّسُوْل، ࢲْرِيغ سِيذِيثْنغ عِيْسَى. يَاش ذ كنِّيو إِي يدْجَان ذ نَّتِيجَا ن ڒْخذْمث ينُو ذِي سِيذِيثْنغ، نِغ لَّا؟

22 أيث-كورينث 10:1

فَا نش ذ بُوْلُس، س يِيخف ينُو تْطَالَابغ-كنِّيو س تَّوَاضُع ذ لْحَنَانَا ن لْمَسِيح. وَاه، ثقَّارم نش زَعْمَا ترْجِيجِيغ خْمِي تِيڒِيغ اَكِذْوم، خْمِي تْغَابغ خَاوم تْقسِيحغ.

22 أيث-كورينث 11:18

خْمِي تفْتَخَرن يِوْذَان-أَ اَطَّاس عْلَاحْسَاب مِين يتݣّ بْنَاذم، ؤُڒَا ذ نش اَذ فْتَخَرغ.

22 أيث-كورينث 11:23

مڒَا نِثْنِي ذ يخدَّامن ن لْمَسِيح، ؤُڒَا ذ نش حْسن عَاذ ذ اَخدَّام ن لْمَسِيح (سَّاوَاڒغ زَعْمَا س ثُوْبُّوْهْڒِيَا-يَا). نش شَّاثغ تَمَارَا كْتَار زَّايْسن، حبّْسن-اَيِي كْتَار زَّايْسن، ؤُوْثِين-اَيِي س وسْغُوْن كْتَار زَّايْسن. نش مشْحَاڒ ن ثْوَاڒَاثِين تْوَاجَاهغ ڒْموْث.

22 أيث-كورينث 11:4

لِأَنَّا كنِّيو ثقَّارم مَعْلِيش وَاخَّا يُوْسَا-د غَارْوم يجّن يتْبشَّارن س يِجّن ن عِيْسَى نّغْنِي مْزُوَّر مَاشِي ذ ونِّي إِي خف نتْبشَّار نشِّين زِي قْبڒ. نِغ ذغْيَا ثْقبّْڒم يجّن ن اَرُّوْح نّغْنِي مْزُوَّر مَاشِي ذ ونِّي إِي تُوْغَا ثْقبْڒم زِي قْبڒ. نِغ ذغْيَا ثْقبّْڒم يجّن ن لْإِنْجِيل نّغْنِي مْزُوَّر مَاشِي ذ ونِّي إِي تُوْغَا ثْقبْڒم زِي قْبڒ.

22 أيث-كورينث 12:11

عَاذ سَّاوَاڒغ س ثُوْبُّوْهْڒِيَا-يَا زَعْمَا، ذ كنِّيو إِي خَافِي يبزّن اَمُّو. شُوْف، تُوْغَا يتْخصَّا-كنِّيو اَذَايِي ثْشكَرم، مَايمِّي؟ لِأَنَّا نش وَاخَّا ذ وَالُو إِي دْجِيغ، وَار دْجِيغ بُو ذ اَنقْصِي زِي اَرُّسُل نِّي يمزْوُوْرَا.

22 أيث-كورينث 13:3

مَايمِّي؟ لِأَنَّا ثْرزُّوْم دَّلِيل لْمَسِيح يسَّاوَاڒ زَّايِي. مَا يضْعف نتَّا ذِي ڒْوسْط نْوم؟ لَّا، ئِجْهذ جَارَاوم.

22 أيث-كورينث 5:12

مَا نبْذَا أَ نْشكَّر يخف نّغ عَاوذ زَعْمَا؟ لَّا، نْتِيشّ-اَوم مِينْزِي خَانغ غَا تفْتَخَرم. مَايمِّي؟ يعْنِي حمَا اَغَارْوم يِيڒِي مِينْزِي غَا ثَارّم خ يِنِّي يتفْتَخَرن خ مِين د يتْبَانن غَار بَارَّا مَاشِي مِين يدْجَان غَار ذَاخڒ ذݣ وُوْڒ.

أيث-ݣلاطيا 3:29

مڒَا كنِّيو زِي لْمَسِيح اَتَاف كنِّيو ذ ثَارْوَا ن بْرَاهِيم غَارْوم لْوَارث نِّي عْلَاحْسَاب مِينْزِي ث يوْعذ سِيذِي أَربِّـي.

1 يوحنا 4:6

نشِّين زِي أَربِّـي إِي ندْجَا. ونِّي يسّْنن أَربِّـي يتْصنَّاط-اَنغ. ونِّي وَار يدْجِين شَا زِي أَربِّـي وَار ذَانغ يتْصنِّيط شَا. س مَانَايَا إِي غَا نسّن أَرُّوْح ن لْحَقِيقَا ذ اَرُّوْح ن يخَرِّيقن.