22 أيث-كورينث 10:5 - ثريفيث 2020

⁵ نتْرزَّا اَوَاڒن ذ كُڒ اَرَّاي إِي ذِي يدْجَا تَّكبُّر إِݣ يتْعَارَّاضن إِ مِين نسّن خ أَربِّـي. نْحبّس كُڒ لْفِكْرَا حمَا اَتَاف اَذ تْطَاع إِ لْمَسِيح.

22 أيث-كورينث 10:5 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 15:19

ڒَاحقَّاش زݣ وُوْڒ إِي زِي د تكَّانْت لْأَفْكَار ثِعفَّانِين ذ ثْمنْغِيْوْث ذ زّْنَا ذ لْفَسَاد ذ ثُوْكَّارْذَا ذ ࢲُّوْر ذ ڒْبَاطڒ.

لوقا 1:51

ئِݣَّا س وفُوْس نّس ڒخْذَايم ذ ثِمقّْرَانِين، ئِشتَّت يِنِّي يحسْبن يخف نْسن ذ يمقّْرَانن.

أيث-روما 1:21

وَاخَّا نِثْنِي تُوْغَا سّْنن أَربِّـي، وَلَكِن وَار ث حمِّيذن شَا وَار ث ثْشكَّرن شَا مَامّش يتْخصَّا اَذ ݣّن اَك أَربِّـي. لْأَفْكَار نْسن ذوْڒنْت خْوَانْت، ؤُڒَاون نْسن ذ يبُوْهَاڒِيْين ذوْڒن ذ ثَادْجسْت.

أيث-روما 1:5

أَقَا زِي عِيْسَى أُو خ سَّبَاب ن يِيسم نّس يݣَّا ذَايِي أَربِّـي لْبَرَكَا حمَا اَذ يڒِيغ ذ اَرَّسُوْل، أَذ بشَّرغ يوْذَان زِي مَارَّا ڒݣْنُوْس اَزَّايس اَمْنن اَذَاس طَاعن.

أيث-روما 16:26

ڒخُّو يبَان-د مَانَايَا إِ يِوْذَان يتْوَاسّن س لْكُتُب ن لْأَنْبِيَا. أَربِّـي يعْنِي ونِّي يتْدُوْمَان إِ ڒبْدَا يُوْمَر اَزَّايس اَمْنن مَارَّا ڒݣْنُوْس اَذَاس طَاعن.

أيث-روما 7:23

وَلَكِن تَافغ يجّن ن طَّبِيعَا نّغْنِي ذݣ يخف ينُو إِݣ يتْمنْغَان اَكذ مِين غَارِي ذِي ڒَعْقڒ ينُو. س طَّبِيعَا-يَا تقّن-اَيِي ڒْمُعْصِيّث نِّي إِي ذَايِي يزدّْغن ذݣ يِيخف ينُو.

1 أيث-كورينث 1:19

لِأَنَّا يقَّار لْكِتَاب: <ڒفْهَامث ن يِنِّي يتفْهَامن اَت هذْمغ. ڒفْطَانث ن يِنِّي يفطّْنن اَت سْفشْڒغ.>

1 أيث-كورينث 3:19

شُوْف، ڒفْهَامث ن دُّنشْت-أَ نتَّاث ذ ثُوْبُّوْهْڒِيَا وَاهَا غَار أَربِّـي. لِأَنَّا يقَّار لْكِتَاب: <نتَّا يطّف يمِيغِيسن ذݣ يخَارْوِيضن نْسن.>

22 أيث-كورينث 11:20

أَقَا ثْصبَّرم ؤُڒَا ذ يِنِّي إِي كنِّيو يتَارَّان ذ يسمْغَان، ذ يِنِّي إِي كنِّيو يتتّن، ذ يِنِّي إِي خَاوم يتْبُوْصَرن، ذ يِنِّي إِي ذِي يدْجَا تَّكبُّر، ذ يِنِّي إِي كنِّيو يشَّاثن س يسقِّيڒن.

22 أيث-كورينث 9:13

صَّذَاقَا-يَا ثُوْشَا دَّلِيل خَاوم، زَّايس إِي غَا حمْذن صَّالِحِين أَربِّـي. ثُوْمْنم س لْإِنْجِيل ن لْمَسِيح، ثْطَاعم-اَس خْمِي تْصدَّاقم اَطَّاس خَاسن أُو خ مَارَّا يوْذَان.

أيث-فيليـپـي 4:7

ثُمَّا ڒهْنَا ن أَربِّـي إِݣ يتجْهِيذن خ مَارَّا ڒفْهَامث ذِي دُّنشْت-أَ ذ ونِّي إِي غَا يحْضَان ؤُڒَاون نْوم ذ ڒَعْقُوْڒَاث نْوم ذِي عِيْسَى لْمَسِيح.

2 أيث-سلونيك 2:4

نتَّا يتْعَارَّاض إِ أَربِّـي يسمْغَار يخف نّس خ مَارَّا مِينْخف يدْجَا يسم ن أَربِّـي ذ مِين عبّْذن يِوْذَان حتَّا اَذ يقِّيم ذِي ثمْزِيذَا ثَمقّْرَانْت ن أَربِّـي اَذ يعيّض اَذ يِينِي قَا نش ذ أَربِّـي.

2 أيث-سلونيك 2:8

ثُمَّا اَذ د يمظْهَار لْمسْخُوْط، أَخَاس يصُوْض سِيذِيثْنغ عِيْسَى س وقمُّوْم نّس اَث ينغ، أَث يسْبطّڒ س لْعَظَمَا نّس إِي زِي د غَا يعْقب عِيْسَى.

يعيبرانيين 4:12

أَقَا اَوَاڒ ن أَربِّـي يدَّر نتَّا يفْسُوْس، ئِقْضع اَطَّاس كْتَار زِي سِّيف ن ثْنَاين ن جِّهَاث. ئِتَاذف اَڒ ذَاخڒ يفرّق بُوْحْبڒ ذ اَرُّوْح ذ مَانِي تْمُوْنن ڒمْفَاسڒ، ئِتَاذف غَار وَاذُوْف. ئِتْميَّاز جَار لْأَفْكَار ذ لْأَغْرَاض ن وُوْڒ.

يعيبرانيين 5:9

وَامِي يعْذُو اَعدّب نِّي بْڒَا ڒْمُعْصِيّث، ئِذْوڒ نتَّا ذ ڒْعُنْصَر ن وسنْجم يعْنِي يزمَّر اَذ يسنْجم مَارَّا يِنِّي إِي ث يتْطَاعَان.

1 بطرس 1:2

أَربِّـي بَابَاثْنغ يخْضَر-يكنِّيو عْلَاحْسَاب مَامّش تُوْغَا يسّن نتَّا زِي قْبڒ، ئِسِّيصْفَا-كنِّيو س يِجّن ن ڒْخذْمث ن أَرُّوْح يقدّْسن حمَا اَذ تْطَاعم إِ عِيْسَى لْمَسِيح اَذ تْوَارُوْشّم س يذَامّن نّس إِي يُوْزّْڒن. أَذَايْوم يمَارْنِي اَرْضَا ذ ڒهْنَا س وَاطَّاس.

1 بطرس 1:22

ڒخُّو ثسِّيصْفَام يخف نْوم وَامِي ثْطَاعم إِ لْحَقِيقَا بَاش اَذ تِيڒِي ذَايْوم يجّن ن ڒمْحِبّث جَار وَاوْمَاثن بْڒَا نِّفَاق. س مَانَايَا يتْخصَّا-كنِّيو اَذ ثخْسم اَيَاوْيَا اَطَّاس س وُوْڒَاون نْوم.