22 أيث-كورينث 10:1 - ثريفيث 2020

¹ فَا نش ذ بُوْلُس، س يِيخف ينُو تْطَالَابغ-كنِّيو س تَّوَاضُع ذ لْحَنَانَا ن لْمَسِيح. وَاه، ثقَّارم نش زَعْمَا ترْجِيجِيغ خْمِي تِيڒِيغ اَكِذْوم، خْمِي تْغَابغ خَاوم تْقسِيحغ.

22 أيث-كورينث 10:1 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 11:29

اَرْبُوْث خَاوم ثْزَايْڒُوْت ينُو، ڒمْذث زَّايِي ڒَاحقَّاش نش ذ اَصبَّار، وَار ذَايِي بُو تَّكبُّر. ڒخْدّنِّي اَذ تَافم أَرَّاحث إِ يِيخف نْوم.

أَسڒْمذ ن سِيذِيثْنغ عِيْسَى لْكِتَاب ن مَتَّى 21:5

"إِيْنِيم-اَس إِ يدْجِيس ن لْقُدْس: خْزَر، أَزدْجِيذ نّمْ يُوْسَا-د غَارم، وَار ذَايس بُو تَّكبُّر. ئِنْيَا خ يِجّن ن ثغْيُوْڒْث، ذ وسْنُوْس مِّيس ن ثغْيُوْڒْث."

ڒخذايم 8:32

أَقَا لْأَيَاث نِّي إِي يقَّار وحَبَاشِي ذِي لْكِتَاب: <نتَّا اَمشْنَاو اَحُوْڒِي إِي تَاوِين اَذَاس غَرْصن، أَمشْنَاو يزْمَار إِي يذْوڒ ذ اَزيْزُوْن زَّاث إِ ينِّي يتْڒَاسّن ثَاضُوْفْث نّس، أَمّن وَار يرزّم شَا نتَّا اَقمُّوْم نّس.

أيث-روما 10:20

منْبَعْد يزْعم نَّبِي إِشَعْيَا ينَّا: <يِنِّي وَار خَافي يرزُّوْن شَا ؤُفِين-اَيِي، سْمظْهَارغ-د يخف ينُو إِ يِنِّي وَار خَافِي يتْسقْسِين.>

أيث-روما 12:1

إِذن فَا آي اَيثْمَا، س اَرَّاحْمث ن أَربِّـي تْشجَّاعغ-كنِّيو اَذ تْقدّْمم يخف نْوم إِ أَربِّـي اَمشْنَاو يجّن ن دْبِيحث ثدَّر، ذ ثَمْقدّسْت، أَخَاس يَارْضَا نتَّا. مَانَايَا ذ لْوَاجِب ن لْعِبَادَا خَاوم.

أيث-روما 15:15

وَلَكِن زعْمغ ؤُرِيغ ثَبْرَات-أَ غَارْوم خ ڒبْعَاض ن ثْمسْڒَايِين حمَا وَار ثنْت تتُّوْم شَا. لِأَنَّا نش تݣّغ ڒْخذْمث ن ڒفْقِي تْبشَّارغ س وَاوَاڒ ن أَربِّـي س لْبَرَاكَا نِّي إِي ذَايِي يوْشَا بَاش اَذ يڒِيغ ذ اَخدَّام ن عِيْسَى لْمَسِيح إِ كنِّيو وَار يدْجِين شَا زِي أَيث-إِسْرَائِيل. حمَا اَكنِّيو قدّْمغ اَم يِجّن ن صّذْقث ثصْفَا س اَرُّوْح يقدّْسن حمَا اَت يقْبڒ أَربِّـي.

1 أيث-كورينث 2:3

تُوْغَا اَقَايِي اَكِذْوم س يِجّن ن ضُّعف ذ يِجّن ن ثِيݣّْوْذِي، ترْجِيجِيغ اَطَّاس.

1 أيث-كورينث 4:10

نشِّين ذ يبُوْهَاڒِيْين زَعْمَا عْلَاحْسَاب لْمَسِيح، ئِي كنِّيو مَا ذ يمِيغِيسن ذِي لْمَسِيح؟ نشِّين نضْعف، ئِي كنِّيو مَا ثْجهْذم؟ كَرّْمن-كنِّيو، نشِّين سْبهْدَاڒن-اَنغ.

1 أيث-كورينث 4:21

مَامش ثْرزُّوْم اَذ د اَسغ؟ مَا س وعْمُوْذ مَا س ڒمْحِبّث اَك يِجّن ن وُوْڒ يصبَّرن؟

22 أيث-كورينث 10:10

لِأَنَّا قَّارن خَافِي ڒبْعَاض زَّايْوم قَا ثِبْرَاثِين ن بُوْلُس جهْذنْت قسْحنْت. أُو قَّارن عَاوذ وَلَكِن خْمِي اَكِذْنغ يتِيڒِي نتَّا س يِيخف نّس يتضْعِيف اَوَاڒن نّس خْوَان.

22 أيث-كورينث 10:2

تتَّارغ-كنِّيو بَاش وَار ذَايِي تِيجِّيم شَا اَذ يڒِيغ قسْحغ اَك ڒبْعَاض زَّايْوم اَم تْرَاجِيغ نش اَذ ݣّغ، ڒبْعَاض-أَ تْفكَّارن قَا نتْعِيش س اَرَّاي ن بْنَاذم وَاهَا.

22 أيث-كورينث 10:7

كنِّيو ثْخزَّرم غَار مِين د يتْبَانن خ وُوْذم وَاهَا. مڒَا شَان يِجّن متْأَكّد نتَّا زِي لْمَسِيح أُو لَابُد اَذ يفكَّر ؤُڒَا ذ نشِّين زِي لْمَسِيح أَم نتَّا.

22 أيث-كورينث 11:21

نش تْسذْحِيغ زَعْمَا، نشِّين نضْعف وَار نْزمَّر أَ نخْذم اَمنِّي! قَّارغ نش زَعْمَا س ثُوْبُّوْهْڒِيَا-يَا قَا مڒْمِي مَا يزْعَم حَدّ اَزَّايس يفْتَخَر ؤُڒَا ذ نش اَزَّايس فْتَخَرغ.

22 أيث-كورينث 11:30

مڒَا نش أُو لَابُد اَذ فْتَخَرغ، أَذ فْتَخَرغ س مِين ذَايِي د يسْبيَّانن ضعْفغ.

22 أيث-كورينث 12:5

ئِجّن ن ورْيَاز اَم وَانِيتَا زمَّرغ نش اَزَّايس فْتَخَرغ. وَلَكِن وَار تفْتَخَرغ شَا زِي مِين ذَايِي د يُوْسِين، تفْتَخَرغ زِي ضُّوْعف ينُو أُو صَافِي.

22 أيث-كورينث 3:12

إِذن، مڒَا غَارْنغ يجّن ن لْأَمَال اَم وَانِيتَا اَتَاف غَارْنغ يجّن ن زْعَامث.

22 أيث-كورينث 5:20

فَلِهَاذَا نشِّين ذ لْمُبْشِرِين ن لْمَسِيح، أَربِّـي يسّكّ طَّلَاب نّس خ وفُوْس نّغ. نْطَلَاب-يكنِّيو عْلَاحْسَاب لْمَسِيح اَذ تمْصْڒَاحم اَك أَربِّـي.

22 أيث-كورينث 6:1

فَا نشِّين إِݣ يخدّْمن اَك أَربِّـي نْتتَّار إِ كنِّيو نقَّار-اَوم: مَاشِي اَذ تْقبّْڒم اَرْضَا ن أَربِّـي وَار زَّايس ثْخدّْمم شَا.

22 أيث-كورينث 7:4

نش تݣّغ اَكِذْوم زْعَامث اَطَّاس، لْإِفْتِخَر إِي غَارِي ذَايْوم يمْغَر. تْوَاشجّْعغ اَطَّاس، ڒفْرَاحث ينُو تمْفيَّاض-د خ مَارَّا ڒمْحَاين نّغ.

أيث-ݣلاطيا 4:13

أَقَا ثسّْنم بلِّي نش تْبشَّارغ-كنِّيو س لْإِنْجِيل ذ اَمزْوَارُو عْلَاحْسَاب يجّن ن ڒهْڒَاش ذ لْمَرَض ذِي دَّات ينُو.

أيث-ݣلاطيا 5:2

صنّْطث! نش ذ بُوْلُس قَّارغ-اَوم مڒَا ثݣِّيم طَّهَارث ن مُوْسَى، أَتَاف لْمَسِيح وَار كنِّيو ينفّع س وَالُو.

أيث-ؤفسوس 3:1

خ مَانَايَا ترْكَاعغ خ يفَادّن ينُو، نش بُوْلُس إِي يدْجَان ذ اَمحْبُوْس عْلَاحْسَاب عِيْسَى لْمَسِيح أُو خَاوم كنِّيو إِي وَار يدْجِين شَا زِي أَيث-إِسْرَائِيل...

أيث-ؤفسوس 4:1

إِذن فَا نش إِݣ يدْجَان ذ اَمحْبُوْس خ سَّبَاب ن سِيذِيثْنغ اَكنِّيو نْهِيغ بَاش اَذ تُوْيُوْرم نِيشَان عْلَاحْسَاب اَوَاڒ نِّي إِي ذَاوم د يڒَاغَان زݣ وجنَّا.

أيث-فيليـپـي 4:5

ئِتْخصَّا اَذ د يمظْهَار صّْبَر نْوم إِ مَارَّا يوْذَان، أَقَا سِيذِيثْنغ يُوْذس-د.

أيث-كولوس 1:23

وَلَكِن لَابُد اَذ تقِّيمم ذِي لْإِيمَان نْوم نِيشَان اَذ تْبدّم خ دْسَاس، وَار ثْسمّْحم شَا ذِي لْأَمَال ن لْإِنْجِيل تُوْغَا إِي تسْڒِيم. لْإِنْجِيل-أَ تْوَابشَّرنْت زَّايس قَاع ثِمسْڒَايِين يتْوَاخڒْقن سْوَادَّاي وجنَّا، أُو نش بُوْلُس ذوْڒغ ذ اَخدَّام نّس.

2 أيث-سلونيك 3:17

سْڒَام-أَ وَانِيتَا ؤُرِيغ-ث نش س وفُوْس ينُو بُوْلُس، ذ تَانِيتَا ذ لْعَلَامَا ينُو يدْجَان ذِي مَارَّا ثِبْرَاثِين ينُو. أَمُّو إِي تَارِيغ نش.

ثبرات غار فليمون 1:19

قَا نش ذ بُوْلُس تَارِيغ مَانَايَا س وفُوْس ينُو: أَذَاش ث خدْجْسغ نش. بْڒَا مَا ٱذَاش ينِيغ قَا تَّارْسغ-اَش ؤُڒَا ذ ثُوْذَارْث نّش.

ثبرات غار فليمون 1:9

وَلَكِن حْسن اَش تَّارغ مَانَايَا س ڒمْحِبّث. إِيوَا نش ذ بُوْلُس اَقَايِي نُمْغَارغ، ڒخُّو اَقَايِي عَاوذ ذِي ڒحْبس عْلَاحْسَاب سِيذِيثْنغ عِيْسَى.

1 بطرس 2:11

آي يمْعِيزّن ينُو، نش قَّارغ-اَوم إِ كنِّيو إِي يدْجَان ذ يعزَّابن ذ يبَرَّانِيْين ذِي دُّنشْت-أَ، بعّْذث زِي شّهَاوَاث نِّي ثِعفَّانِين إِي كنِّيو يتْحَارَابن ضد ن ڒَعْمَار نْوم.

لواحي ن يوحنا 1:9

نش ذ يُوْحَنَّا ذ ؤُمَاثْوم، شرّْشغ اَكِذْوم ذِي ڒمْحَاين ذ ڒْمُلْك ن أَربِّـي ذْ صّْبَار إِݣ يدْجَان ذِي عِيْسَى. تُوْغَا دْجِيغ ذِي ثيْزِيْرْث ن بَطْمُس عْلَاحْسَاب اَوَاڒ ن أَربِّـي ذ مِين خف يشْهذ عِيْسَى.