22 أيث-كورينث 1:9 - ثريفيث 2020

⁹ وَاه، نْحسَّا ذݣ يِيخف نّغ بلِّي نتْوَاحْكَام س ڒْموْث. يوْقع مَانَاينِّي بَاش وَار نتْعوِّيڒ شَا خ يِيخف نّغ، أَ نْعوّڒ خ أَربِّـي ونِّي إِي د يسْنكَّارن يِنِّي يمُّوْثن.

22 أيث-كورينث 1:9 ပူးပေါင်းရင်းမြစ်များ

لوقا 18:9

يسِّيوڒ س ڒْمَعْنَا-يَا اَك شَان يِوْذَان تُوْغَا تَارَّان يخف نْسن نِيشَان، تْحݣَّارن ينّغْنِي:

أيث-روما 8:36

مَامّش يقَّار لْكِتَاب: <نشِّين خ سَّبَاب نّش شك نتْوَاجَاه ڒْموْث نْهَار يكْمَاڒ. نشِّين نتْوَاحْسَاب اَمشْنَاو يحُوْڒِيْين ؤُمِي غَا غَرْصن.>

22 أيث-كورينث 1:10

ئِسنْجم-اَنغ-د زݣ يِجّن ن ڒْموْث ذ ثَعفَّانْت أُو نتَّا عَاذ اَقَا يسنْجَام-اَنغ. نْتݣّ ذَايس لْأَمَال نّغ بلِّي عَاذ اَذَانغ يسنْجم وَامِي كنِّيو ذَانغ تْعَاوَانم س ثْࢲَادْجِيث نْوم. ثُمَّا اَطَّاس ن يِوْذَان اَذ سْݣَعّْذن صُّوْت نْسن غَار أَربِّـي اَث شكَّرن خ لْبَرَكَا نِّي إِي ذَانغ غَا يُوْش خْمِي إِي غَا ثسْتَاجب اَطَّاس ن ثْࢲَادْجِيث نْسن خَانغ.

22 أيث-كورينث 1:8

آي أَيثْمَا، نخْس اَذ تسّْنم تَمَارَا إِي خَانغ يكِّين ذِي لْإِقْلِيم ن آسْيَا. تُوْغَا نتْوَازيَّار اَطَّاس نشِّين، أَزيَّار نِّي تُوْغَاث كْتَار زِي جّهذ نّغ وَار نْزمَّر اَزَّايس نصْبَر حتَّا وَامِي نفْقذ لْأَمَال بَاش أَ ندَّر.

22 أيث-كورينث 3:5

يعْنِي مَارَّا مَانَايَا وَار ذَاس نْزمَّر شَا نشِّين س يِيخف نّغ. وَار نتْحسِّيب شَا بلِّي ثِزمَّار-أَ تَاسنْت-يد زَّايْنغ؛ لَّا، تَاسنْت-يد زِي أَربِّـي.

22 أيث-كورينث 4:7

فَا ڒْكنْز-أَ وَانِيتَا اَقَاث غَارْنغ ذݣ يغرَّافن ن وشَاڒ يعْنِي ذِي دَّات نّغ، بَاش اَذ د يمظْهَار بلِّي جّْهذ-أَ اَمقّْرَان اَطَّاس يتَاس-د زِي أَربِّـي مَاشِي زَّايْنغ.

يعيبرانيين 11:19

ئِحسّب بْرَاهِيم بلِّي يزمَّر أَربِّـي اَذ د يسكَّر مِّيس زݣ يمتِّينن. مَانَاينِّي ذَايس ڒمْعَانِي مِينْزِي وَاه، ممِّيس يذْوڒ-د إِ بْرَاهِيم اَم يِجّن زِي ڒْموْث.