22 أيث-كورينث 1:21 - ثريفيث 2020

^21-22 أَربِّـي نتَّا إِي ذَانغ يسْبدّن مْلِيح اَكِذْوم ذِي لْمَسِيح. ئِخْضَر-اَنغ يضْبع-اَنغ س طَّبَاع نّس يُوْشَا-ٱنغ أَرُّوْح نّس يݣِّي-ث ذݣ وُوْڒَاون نّغ اَم يجّن ن تّسْبِق.

22 أيث-كورينث 1:21 ပူးပေါင်းရင်းမြစ်များ

يوحنا 3:34

ونِّي إِي د يسّكّ أَربِّـي يسَّاوَاڒ س وَاوَاڒ ن أَربِّـي مِينْزِي يتِيشّ-اَس أَرُّوح نّس بْڒَا ڒقْيَاس.

أيث-روما 16:25

ئِتْوَابَرَاك أَربِّـي! نتَّا ذ ونِّي يزمَّرن اَذَاوم يُوْش جّْهذ س لْإِنْجِيل-أَ إِي تْبشَّارغ أُو عَاوذ س ؤُحدّث ن عِيْسَى لْمَسِيح عْلَاحْسَاب مِين د يبَانن تُوْغَاث مَانَاينِّي زِي زْمَان ينُوْفَّر.

أيث-روما 8:9

أَمَّا كنِّيو، مڒَا يزدّغ ذَايْوم اَرُّوْح ن أَربِّـي، أَتَاف اَذ تْعِيشم خ وبْرِيذ ن اَرُّوْح اَتَاف وَار تݣّم اَرَّاي إِ طَّبِيعَا ثَعفَّانْت نْوم. أُو ونِّي وَار غَار يدْجِي اَرُّوْح ن لْمَسِيح، وَار يدْجِي شَا زِي لْمَسِيح.

1 أيث-كورينث 1:8

ذ نتَّا إِي كنِّيو غَا يسْبدّن غَار ونݣَّارُو اَتَاف وَار ذَايْوم يتِيڒِي بُو ڒْعِيب ذِي نْهَار نِّي ن سِيذِيثْنغ عِيْسَى لْمَسِيح.

22 أيث-كورينث 5:5

وِي ذَانغ يسْوجْذن إِ مَانَاينِّي؟ نتَّا ذ أَربِّـي، يُوْشَا-ٱنغ-د أَرُّوْح نّس ذ يجّن ن تّسْبِق.

أيث-كولوس 2:7

ئِتْخصَّا-كنِّيو اَذ تِيڒِيم ثبْنَام خ دْسَاس نّس مْلِيح، أَذ تِيڒِيم ثْجهْذم ذِي لْإِيمَان نْوم مَامّش إِي كنِّيو سڒْمَاذن، أَذ تِيڒِيم تنْفيَّاضم س شُّكر.

1 أيث-سلونيك 3:13

أَذَاوم يسجْهذ ؤُڒَاون نْوم بَاش اَذ تِيڒِيم بْڒَا ڒْعِيب اَذ تِيڒِيم مُقدّْسِين زَّاث إِ أَربِّـي بَابَاثْنغ خْمِي د غَا يَاس سِيذِيثْنغ عِيْسَى اَك مَارَّا صَّالِحِين نّس.

2 أيث-سلونيك 2:8

ثُمَّا اَذ د يمظْهَار لْمسْخُوْط، أَخَاس يصُوْض سِيذِيثْنغ عِيْسَى س وقمُّوْم نّس اَث ينغ، أَث يسْبطّڒ س لْعَظَمَا نّس إِي زِي د غَا يعْقب عِيْسَى.

2 أيث-سلونيك 3:3

وَلَكِن سِيذِيثْنغ ذَايس تِّقث، أَكنِّيو يسجْهذ اَكنِّيو يحْضَا زِي شَّرّْ.

يعيبرانيين 13:9

أَرّم-د ڒْبَاڒ نْوم بَاش وَار تْذفَّارم شَا لْأَنْوَاع ن ؤُسڒْمذ فشْكل. شُوْف، ذ لمْلِيح اَذ يجْهذ وُوْڒ نّغ س اَرْضَا مَاشِي س لْمَكْلَا دِّينِيَا، يِنِّي إِي ت يتتّن وَار زَّايس سْتنْفِيعن شَا.

1 بطرس 5:10

أَتَاف اَذ تْوَاعدّْبم شْوَايْت ن ڒْوقْث ڒخْدّنِّي اَكنِّيو يسْريّح أَربِّـي نّغ إِي ذِي يدْجَا مَارَّا اَرْضَا ذ نتَّا إِي ذَاوم د يڒَاغَان غَار لْعَظَمَا نّس وَار يفنِّين شَا ذِي لْمَسِيح. أَكنِّيو يسْبدّ، أَكنِّيو يسجْهذ، أَكنِّيو يݣّ خ دْسَاس.

1 يوحنا 2:20

كنِّيو لَّا، تْوَاذهْنم س وفُوْس ن لْعَظِيم، مَارَّا كنِّيو ثسّْنم مِين يدْجَان.

1 يوحنا 2:27

كنِّيو، دّهْنث نِّي إِي زَّايس ثْقبْڒم عَاذ اَقَات ذَايْوم. كنِّيو وَار ثحْذِيجم حَدّ اَكنِّيو يسڒْمذ، أَقَا دّهْنث نّس ثْسڒْمَاذ-اَوم مَارَّا ثِمسْڒَايِين. نتَّاث ذ صَّح مَاشِي ذ اَخَرِّيق. إِيوَا مَامّش إِي كنِّيو ثْسڒْمَاذ دّهْنث-أَ، أَمنِّي يتْخصَّا اَذَايس ثْعِيشم ذِي نتَّا.

لواحي ن يوحنا 1:6

يݣَّا زَّايْنغ يجّن ن لْممْلَكَا ذ ڒْفُقَهَا إِ أَربِّـي بَابَاس. أَغَارس ثِيڒِي لْعَظَمَا ذ ڒحْكَام إِ نتَّا إِ ڒبْدَا، آمِين.

لواحي ن يوحنا 3:18

قَا نش نصّْحغ-شك اَخَافِي ثسْغذ دّْهب يتْوَاصْفَان س ثْمسِّي حمَا اَذ تْذوْڒذ ذ تَّاجَر. سغ عَاوذ اَرُّوْض ذ اَشمْڒَاڒ حمَا اَذ تسَرْضذ يخف نّش زِي ثُوْعَرْيَانْت نّش عَاوذ ذ شَان دّْوَا حمَا اَذ تسْݣنْفِيذ ثِيطَّاوِين نّش اَتَاف تْوَاڒِيذ.