22 أيث-كورينث 1:12 - ثريفيث 2020

¹² أَقَا نشِّين نْتفْتَخَر زِي ضَّمِير نّغ يعْنِي يشهّذ بلِّي نُوْيُوْر مْلِيح ذِي دُّنشْت-أَ خَصَّاتَن اَكِذْوم س يِجّن ن نِّيّث ذ وُوْڒ يصْفَان زِي أَربِّـي. وَار يدْجِي بُو س يِجّن ن ڒفْهَامث ن دُّنشْت-أَ؛ لَّا، س يِجّن ن اَرْضَا ن أَربِّـي.

22 أيث-كورينث 1:12 ပူးပေါင်းရင်းမြစ်များ

ڒخذايم 23:1

ئِخْزَر مْلِيح بُوْلُس غَار جْمَاعث ن لْحُكَّام ن أَيث-إِسْرَائِيل ينَّا-ٱسن: "آي اَيثْمَا، قَا نش ݣِّيغ لْوَاجِب نِيْشَان اَك أَربِّـي، زِي قْبڒ حتَّا نْهَارَا نش ضَّمِير ينُو مرْتَاح."

ڒخذايم 24:16

فَلِهَاذَا تݣّغ مَارَّا جّْهذ ينُو بَاش اَذ عِيْشغ س يِجّن ن ضَّمِير مرْتَاح زَّاث إِ أَربِّـي ذ يِوْذَان.

أيث-روما 9:1

سَّاوَاڒغ ڒْحَقّ ذِي لْمَسِيح وَار يدْجِي بُو ذ يخَرِّيقن. ڒَعْقڒ ينُو أُو ذ اَرُّوْح يقدّْسن اَذَايِي صَحّن مِين غَا ينِيغ.

1 أيث-كورينث 1:17

لِأَنَّا لْمَسِيح وَار ذَايِي د يسّكّ شَا حمَا اَذ طهَّارغ إِ يِوْذَان س وَامَان؛ لَّا، نش يسّكّ-اَيِي-د اَذ بشَّرغ س لْإِنْجِيل وَلَكِن مَاشِي س ڒفْهَامث نِّي ن وَاوَاڒن يزوّْقن. مَايمِّي؟ بَاش جّْهذ إِي يدْجَان ذِي صَّلِيب ن لْمَسِيح وَار يتْبطِّيڒ شَا.

1 أيث-كورينث 12:8

ئِجّن يمُّوْش-اَس س وفُوْس ن أَرُّوْح يقدّْسن بَاش اَذ يسِّيوڒ س لْحِكْمَا. ئِجّن يمُّوْش-اَس اَوَاڒ ن ثُوْسْنَا س وفُوْس ن أَرُّوْح-أَ وَانِيتَا.

1 أيث-كورينث 15:10

وَلَكِن نش س اَرْضَا ن أَربِّـي ذوْڒغ مَامّش دْجِيغ ڒخُّو. ثُمَّا اَرْضَا نّس وَار يدْجِي بُو خَافِي س بْڒَا نّْفَع؛ لَّا، نش شَّاثغ تَمَارَا كْتَار زَّايْسن مَارَّا. مَاشِي ذ نش زَعْمَا؛ لَّا، ذ اَرْضَا ن أَربِّـي إِي كِذِي.

1 أيث-كورينث 2:13

نسَّاوَاض مَانَايَا س وَاوَاڒن إِي وَار ثن ثْسڒْمِيذ شَا ڒفْهَامث ن بْنَاذم؛ لَّا، نسَّاوَاض-يث س وَاوَاڒن إِݣ يسڒْمَاذ اَرُّوْح ن أَربِّـي. أَوَاڒن-أَ تْشَرَّاحن لْحَقِيقَاث رُوْحِيَاث إِ يِنِّي ؤُمِي غَار يدْجَا اَرُّوْح ن أَربِّـي.

1 أيث-كورينث 4:4

نش ضَّمِير ينُو مرْتَاح إِي يدْجَا، وَلَكِن نش مَا بَرِيء إِي دْجِيغ عْلَاحْسَاب ضَّمِير ينُو؟ لَّا، ذ سِيذِي أَربِّـي إِي ذَايِي غَا يُوْشن ڒْحُكم-أَ.

1 أيث-كورينث 5:8

خ مَانَايَا أَ نْعيّذ وَلَكِن وَار نتْعيِّيذ شَا س ونْتُوْن نِّي اَقْذِيم، يعْنِي اَنْتُوْن نِّي نتَّا ذ ڒقْبَاحث ذ شَّرّْ. لَّا، نشِّين أَ نْعيّذ س ثفْضِيرْث، يعْنِي يجّن ن ؤُغْرُوْم ذَايس لْحَقِيقَا وَار ذَايس بُو يخَرِيقّن.

22 أيث-كورينث 1:17

وَامِي تُوْغَا نش تْخطَّاطغ اَذ ݣّغ مَانَاينِّي، مَا ذوّْڒغ ذݣ وَاوَاڒ وَاهَا؟ نِغ مَا تْخطَّاطغ اَم يِجّن ن بْنَاذم ن دُّنشْت-أَ وَاهَا، يعْنِي اَذ ينِيغ وَاه-وَاه نِغ لَّا-لَّا ذِي نّفْس ن ڒْوقْث؟

22 أيث-كورينث 11:3

وَلَكِن نش ݣّْوْذغ مَامّش ذَاس يوْقع إِ حَوَّا يشْمث-يت وفِيغَر س ثحْرَايْمِيث نّس ؤُڒَا ذ كنِّيو ڒَعْقُوْڒَاث نْوم اَذ فّْغن اَبْرِيذ، وَار ذَاس تْطِيعِيم شَا إِ لْمَسِيح س وُوْڒَاون نْوم بْڒَا نِّفَاق أُو بْڒَا ڒْعِيب.

22 أيث-كورينث 2:17

أَقَا نشِّين مَاشِي اَم خَربِّي ن يِوْذَان يتݣّن تِّجَارَا ذݣ وَاوَاڒ ن أَربِّـي، نشِّين ذِي لْمَسِيح نسَّاوَاڒ س وُوْڒ يصْفَا زِي أَربِّـي أُو زَّاث إِ أَربِّـي.

22 أيث-كورينث 4:2

نشِّين نتْبعَّاعذ خ ثْمسْڒَايِين ن ڒفْضِيحث إِݣ يتْوَاخدّْمن س ثْنُوْفْرَا. وَار نسْخدِّيم شَا ثَحْرَايْمِيث، وَار نتْحرِّيف شَا اَوَاڒ ن أَربِّـي. نشِّين زَّاث إِ أَربِّـي نْسڒْمَاذ لْحَقِيقَا بْڒَا مَا اَت نسْنُوْفَّر. أَمُّو غَارْسن مَارَّا يوْذَان ذِي ضَّمِير نْسن بلِّي ذَايْنغ تِّقث.

22 أيث-كورينث 8:8

وَار قَّارغ شَا مَانَايَا ذ يج ن ڒُوْصِيّث؛ نش رزُّوْغ اَذ جَرّْبغ لْحَقِيقَا ن ڒمْحِبّث نْوم يعْنِي تْشَابَّاهغ مِين تݣّم كنِّيو اَك مَامّش تْحَوَاڒن يِوْذَان نّغْنِي س وُوْڒَاون نْسن ذِي ڒْخذْمث-أَ.

أيث-ݣلاطيا 6:4

لَّا، لَابُد مْكُڒ يجّن اَذ يرَاجع نِّيث ڒخْذَايم نّس، ثُمَّا اَتَاف اَذ يفْتَخَر نِيشَان أُو بْڒَا مَا ٱذ يشَابّه يخف نّس ذݣ ومْعَاشَر نّس.

أيث-ؤفسوس 6:14

بدّم بَعْدَا نِيشَان، حزّْمم اَحزَّام نِّي ن لْحَقِيقَا إِي تݣّم ذِي نّصّ. ݣّم عَاوذ ثْجِيلِيت نِّي ن ڒحْذِيذ ن ڒْحَقّ.

أيث-فيليـپـي 1:10

حمَا اَذ تِيخْضَرم مِين يدْجَان ذ اَصبْحَان حمَا اَذ تِيڒِيم ثصْفَام بْڒَا ڒْعِيب غَار نْهَار ن لْمَسِيح.

1 أيث-سلونيك 2:10

نتْعِيش اَكِذْوم كنِّيو إِي يُوْمْنن س يِجّن ن صّْفَا ذ يِجّن ن وبْرِيذ نِيشَان بْڒَا ڒْعِيب. كنِّيو ذ ڒشْهُوْذ خ مَانَايَا ؤُڒَا ذ أَربِّـي.

1 تيموتاوس 1:5

مِين يعنَا لْغَرَض ن ڒُوْصِيّث-أَ؟ لْغَرَض نّس ذ يجّن ن ڒمْحِبّث إِي د يتَاسن زݣ وُوْڒَاون يصْفَان ذ يِجّن ن ضَّمِير ذ اَصبْحَان ذ يِجّن ن لْإِيمَان بْڒَا نِّفَاق.

ثبرات غار تيتوس 2:7

ذِي مَارَّا ثِمسْڒَايِين اَغَارْسن ثِيڒِيذ شك ذ لْمِثَال س لْحَسَانَاث إِي تݣّذ. تَّعْلِيم نّش سخْذم-يث س صَّرَاحَا ذ لْمَعْقُوْل

يعيبرانيين 13:18

تَّارث إِ أَربِّـي خَانغ. أَقَا نشِّين متْأَكدِّين ضَّمِير نّغ مرْتَاح، نْرزُّو أَ نخْذم س ڒحْيَا مَارَّا ثِمسْڒَايِين.

ثبرات غار يعقوب 4:6

وَلَكِن نتَّا يَرْنِي-يَانغ-د اَرْضَا زَّايس. س مَانَايَا يقَّار لْكِتَاب: <أَربِّـي اَقَاث ضد ن يِنِّي يسمْغَارن يخف نْسن، يِنِّي يسمْزَاين يخف نْسن يتِيشّ-اَسن اَرْضَا نّس.>

1 بطرس 3:16

ذ يِجّن ن ضَّمِير مرْتَاح. أَمُّو يِنِّي خَاوم يقَّارن ڒْبَاطڒ اَتَاف اَذ سذْحَان س ثِيْشْرِي نْوم ثَصبْحَانْت إِي خَاوم تْعيَّابن نِثْنِي.

1 بطرس 3:21

أَمَان-أَ نِثْنِي ذ يجّن لْمِثَال خ طَّهَارث نّغ ن وَامَان إِي كنِّيو يسنْجَامن ڒخُّو. مَاشِي اَذ يتْوَاكّس ڒوْسخ زِي دَّات نّغ؛ لَّا، طَّهَارث-أَ نتَّاث ذ يجّن ن ؤُڒَاغِي نْوم إِ أَربِّـي بَاش اَذَاوم د يُوْش يجّن ن ضَّمِير مرْتَاح. مَانَايَا خ سَّبَاب ن عِيْسَى لْمَسِيح وَامِي د يكَّر زِي ڒْموْث.