22 أيث-كورينث 1:10 - ثريفيث 2020

^10-11 ئِسنْجم-اَنغ-د زݣ يِجّن ن ڒْموْث ذ ثَعفَّانْت أُو نتَّا عَاذ اَقَا يسنْجَام-اَنغ. نْتݣّ ذَايس لْأَمَال نّغ بلِّي عَاذ اَذَانغ يسنْجم وَامِي كنِّيو ذَانغ تْعَاوَانم س ثْࢲَادْجِيث نْوم. ثُمَّا اَطَّاس ن يِوْذَان اَذ سْݣَعّْذن صُّوْت نْسن غَار أَربِّـي اَث شكَّرن خ لْبَرَكَا نِّي إِي ذَانغ غَا يُوْش خْمِي إِي غَا ثسْتَاجب اَطَّاس ن ثْࢲَادْجِيث نْسن خَانغ.

22 أيث-كورينث 1:10 ပူးပေါင်းရင်းမြစ်များ

ڒخذايم 26:21

خ مَانَايَا طّْفن-اَيِي أَيث-إِسْرَائِيل ذِي ثمْزِيذَا ثَمقّْرَانْت، خْسن اَذَايِي نْغن.

أيث-روما 15:31

ࢲَّادْجث حمَا نش اَذ نجْمغ زݣ يفَاسّن ن يِنِّي وَار يُوْمِيْنن شَا ذِي جْوَايه ن يَهُوْذِيَا، أُو عَاوذ بَاش ڒْخذْمث ينُو ذِي لْقُدْس اَت قبْڒن ڒْمُوْمِنِين صَّالِحِين إِي ذِنِّي.

22 أيث-كورينث 1:9

وَاه، نْحسَّا ذݣ يِيخف نّغ بلِّي نتْوَاحْكَام س ڒْموْث. يوْقع مَانَاينِّي بَاش وَار نتْعوِّيڒ شَا خ يِيخف نّغ، أَ نْعوّڒ خ أَربِّـي ونِّي إِي د يسْنكَّارن يِنِّي يمُّوْثن.

22 أيث-كورينث 6:9

نكَّرن-اَنغ وَلَكِن نشِّين نتْوَاسّن مْلِيح؛ نتْمتَّا وَلَكِن نشِّين نْتدَّر؛ تْعَاقَابن-اَنغ وَلَكِن نشِّين وَار ذَانغ نقّن شَا؛

1 تيموتاوس 4:10

خ مَانَايَا نشِّين نْخدّم نربّڒ لِأَنَّا نݣَّا لْأَمَال نّغ ذِي أَربِّـي يدَّرن ونِّي يسنْجَامن مَارَّا يوْذَان خَاصَّتَان ذ يِنِّي يتَامْنن.

2 تيموتاوس 4:17

ذ سِيذِيثْنغ إِي كِذِي يبدّن غَار وغزْذِيس ينُو يُوْشَا-ٱيِي جّْهذ حمَا زَّايِي نش اَذ يتْوَابشَّر لْإِنْجِيل يكْمَاڒ اَث سْڒن مَارَّا يِنِّي وَار يدْجِين شَا زِي أَيث-إِسْرَائِيل، سّنِّي نش فڒْثغ زݣ ؤُقمُّوْم ن سّْبَاع.

2 بطرس 2:9

أَمُّو عَاوذ يسّن أَربِّـي اَذ يسنْجم يِنِّي إِي ذَاس يتْطَاعَان زِي ڒمْحَاين إِي خَاسن د يتكّن. ئِسّن عَاوذ اَذ يقّن ينِّي يعصَّان سْوَادَّاي لْحُكم نّس حتَّا ٱڒ يُوْم لْحِسَاب ذ لْعِقَاب.