22 أيث-كورينث 1:1 - ثريفيث 2020

¹ ثَبْرَات-أَ زَّايِي نش بُوْلُس إِݣ يدْجَان ذ اَرَّسُوْل ن عِيْسَى لْمَسِيح س ڒْخَاضَر ن أَربِّـي، أَكِذِي ؤُمَاثْنغ تِيْمُوْتَاوُس. تَارِيغ إِ جْمَاعث ن ڒْمُوْمِنِين ن أَربِّـي يِنِّي يدْجَان ذِي ثنْدِينْت ن كُوْرِينْث ذ مَارَّا ڒْمُوْمِنِين صَّالِحِين عَاوذ إِݣ يدْجَان ذِي لْإِقْلِيم ن ؤُخَايَا اَمن-ثكْمَاڒ.

22 أيث-كورينث 1:1 ပူးပေါင်းရင်းမြစ်များ

ڒخذايم 16:1

يُوْوض بُوْلُس غَار ثنْدِينْت ن دِرْبَا ذ ثنْدِينْت ن لِيْسْتْرَا، يُوْفَا ذِنِّي يجّن ن ومحْضَار قَّارن-اَس تِيْمُوْتَاوُس. يمَّاس نتَّاث ذ ثَئِسْرَائِيلِيث ذ ڒْمُوْمْنَا، بَابَاس ذ اَيُوْنَانِي.

أيث-روما 15:26

لِأَنَّا ڒْمُوْمِنِين إِي يدْجَان ذِي جْوَايه ن مَسِيدُوْنْيَا ذ وخَايَا تخْسن اَذ عَاوْنن يپُـوْبْرِيثن إِي يدْجَان جَار ڒْمُوْمِنِين صَّالِحِين ذِي ثنْدِينْت ن لْقُدْس.

أيث-روما 16:21

ئِسِّيوض-اَوم-د سْڒَام تِيْمُوْتَاوُس ونِّي يخدّْمن اَكِذِي، ذ ڒحْبَاب ينُو يعْنِي لُوْقْيُوْس ذ يَاسِين ذ سِبَاتْرُو.

أيث-روما 16:5

سِيوْضم-اَسن سْڒَام عَاوذ إِ جْمَاعْث ن ڒْمُوْمِنِين يتْمُوْنَان ذِي ثدَّارْث ن ثْنَاين-أَ. سِيوْضم-اَس سْڒَام إ ومْعِيزّ ينُو إِپَـانْتُوْس ونِّي إِي يُوْمْنن ذ اَمزْوَارُو س لْمَسِيح ذِي لْإِقْلِيم ن آسْيَا.

1 أيث-كورينث 10:32

وَار غطّْڒث حَدّ وَاخَّا نِثْنِي ذ يسْرَائِيْلِيْين نِغ ذ ييُوْنَانِيْين نِغ ذ جْمَاعث ن ڒْمُوْمِنِين ن أَربِّـي.

1 أيث-كورينث 16:10

مڒَا يُوْسَا-د تِيْمُوْتَاوُس تْهلَّام ذَايس مْلِيح بَاش وَار ذَايس يتِيڒِي شَا ومْنُوْس ڒَاحقَّاش نتَّا يتݣّ ڒْخذْمث ن سِيذِيثْنغ اَمشْنَاو نش.

1 أيث-كورينث 16:15

أَقَا ثسّْنم سِتِيفَانُوْس ذ ڒحْبَاب نّس ذ نِثْنِي إِي يُوْمْنن زِي لْمَسِيح ذ يمزْوُوْرَا ذِي لْإِقْلِيم ن ؤُخَايَا، طوّْعن يخف نْسن اَذ سخَّارن إِ ڒْمُوْمِنِين صَّالِحِين. آي أَيثْمَا، تتَّارغ زَّايْوم اَذ تْثْطَاعم إِ يِوْذَان-أَ اَم يِيْنَا أُو ذ يِنِّي مَارَّا يشَرّْشن ذِي ڒْخذْمث-أَ تَمَارَان ذَايس اَطَّاس.

1 أيث-كورينث 16:24

ڒمْحِبّث ينُو اَكِذْوم ثِيڒِي كنِّيو مَارَّا ذِي عِيْسَى لْمَسِيح. آمِين.

1 أيث-كورينث 6:11

أَمُّو إِي تُوْغَا تݣّن ڒبْعَاض زَّايْوم، وَلَكِن ڒخُّو تْوَاسِيرْذم، تْوَاسِّيصْفَام، تْوَاسمْصْڒَاحم اَك أَربِّـي س يِيسم ن سِيذِيثْنغ عِيْسَى لْمَسِيح أُو س اَرُّوْح ن أَربِّـي نّغ.

22 أيث-كورينث 1:19

لِأَنَّا مِّيس ن أَربِّـي يعْنِي عِيْسَى لْمَسِيح نْبشَّر-يث جَارَاوم نش ؤُڒَا ذ سِيلَاس ؤُڒَا ذ تِيْمُوْتَاوُس. لْمَسِيح وَار يدْجِي بُو ذ وَاه اَكذ لَّا، نتَّا يدْجَا ڒبْدَا ذ <وَاه> أُو صَافِي.

22 أيث-كورينث 1:23

إِيوَا تتَّارغ إِ أَربِّـي اَذ يِيڒِي نتَّا ذ شَّاهذ ينُو قَا نش تُوْغَا رزُّوْغ اَخَاوم حِينّغ وَامِي ؤُݣِيغ اَغَارْوم د اَسغ غَار كُوْرِينْث.

22 أيث-كورينث 11:10

س ڒْحَقّ ن لْمَسِيح إِي ذَايِي، ؤُڒَا ذ يجّن ذݣ يمُوْشَان ن ؤُخَايَا مَا ٱذ يكّس لْإِفْتِخَار-أَ ينُو.

أيث-ݣلاطيا 1:1

نش ذ بُوْلُس، نش ذ يجّن ن اَرَّسُوْل ماشي س يِوْذَان نِغ س ڒْخَاضَر ن بْنَاذم؛ لَّا، نش ذ اَرَّسُوْل س عِيْسَى لْمَسِيح أُو عَاوذ س أَربِّـي بَابَاثْنغ إِي د يسكَّرن عِيْسَى زِي ڒْموْث.

أيث-ݣلاطيا 3:26

ذِي عِيْسَى لْمَسِيح اَقَا كنِّيو مَارَّا إِذْوم ذ ثَارْوَا ن أَربِّـي س لْإِيمَان.

أيث-ؤفسوس 1:1

نش ذ بُوْلُس، نش ذ يجّن ن اَرَّسُوْل ن عِيْسَى لْمَسِيح س ڒْخَاضَر ن أَربِّـي. ؤُرِيغ ثَبْرَات-أَ إِ صَّالِحِين إِي يدْجَان ذِي جْوَايه ن ؤُفَسُوْس إِي يُوْمْنن س عِيْسَى.

أيث-فيليـپـي 1:1

نش ذ بُوْلُس اَكِذِي تِيْمُوْتَاوُس نشِّين ذ يخدَّامن ن عِيْسَى لْمَسِيح. نْتَارِي ثَبْرَات-أَ إِ صَّالِحِين ن عِيْسَى لْمَسِيح إِي يدْجَان ذِي ثنْذِينْت ن فِيلِيـپِّـي ذ اَرُّوْيَاس نْسن ذ نُّيَاب نْسن.

1 أيث-سلونيك 1:1

نش ذ بُوْلُس، أَكِذِي سِيلَاس ذ تِيْمُوْتَاوُس. نْتَارِي ثَبْرَات-أَ غَار جْمَاعث ن ڒْمُوْمِنِين ن أَيث-سَلُوْنِيك إِي يُوْمْنن زِي أَربِّـي بَابَاثْنغ ذ عِيْسَى لْمَسِيح سِيذِيثْنغ. أَكِذْوم يِيڒِي اَرْضَا ذ ڒهْنَا.

2 أيث-سلونيك 1:1

نش ذ بُوْلُس، أَكِذِي سِيلَاس ذ تِيْمُوْتَاوُس، نُوْرَا ثَبْرَات-أَ غَار جْمَاعث ن ڒْمُوْمِنِين ن أَيث-سَلُوْنِيك إِي يُوْمْنن زِي أَربِّـي بَابَاثْنغ ذ عِيْسَى لْمَسِيح سِيذِيثْنغ.

1 تيموتاوس 1:1

نش ذ بُوْلُس ذ اَرَّسُوْل ن عِيْسَى لْمَسِيح س لْأَمَر ن أَربِّـي ونِّي إِي ذَانغ يسنْجَامن ذ عِيْسَى لْمَسِيح نتَّا ذ لْأَمَال نّغ.

2 تيموتاوس 1:1

نش ذ بُوْلُس ذ يجّن ن اَرَّسُوْل ن عِيْسَى لْمَسِيح س ڒْخَاضَر ن أَربِّـي عْلَاحْسَاب لْوَعذ نِّي إِي ذَانغ يوْعذ خ ثُوْذَارْث نِّي يدْجَان ذِي عِيْسَى لْمَسِيح.

ثبرات غار تيتوس 1:1

نش ذ بُوْلُس ذ اَخدَّام ن أَربِّـي ذ اَرَّسُوْل ن عِيْسَى لْمَسِيح خدّْمغ عْلَاحْسَاب يِنِّي إِݣ يخْضَر أَربِّـي بَاش اَذ اَمْنن اَذ سّْنن لْحَقِيقَا إِي ثن يسݣُّوْرن غَار مِين يدْجَان نِيشَان ذِي لْإِيمَان.

ثبرات غار فليمون 1:1

نش ذ بُوْلُس اَقَايِي ذ اَمحْبُوْس عْلَاحْسَاب عِيْسَى لْمَسِيح اَكِذِي ؤُمَاثْنغ تِيْمُوْتَاوُس. تَارِيغ ثَبْرَات-أَ إِ فِلِيْمُوْن يدْجَان ذ اَمْعَاشَر نّغ إِي خَانغ يعِيزّن،

يعيبرانيين 13:23

ئِتْخصَّا اَذ تسّْنم بلِّي ضڒْقن-اَس-د إِ وُوْمَاثْنغ تِيْمُوْتَاوُس. أَكنِّيو ࢲرغ اَكِذس يعْنِي مڒَا يُوْسَا-د ذغْيَا.