1 تيموتاوس 6:20 - ثريفيث 2020

²⁰ آ تِيْمُوْتَاوُس، حْضَا مِينْخف تْكلَّافذ قْبڒ. أَوْݣّْوج زِي مِين تْپـرْپِـيرن يِنِّي وَار يُوْمِينن شَا ذ لْأَفْكَار نِّي إِي ذَانغ يتْعَارَّاضن قَّارن-اَس لْعَرْفَانِيَا وَلَكِن مَانَاينِّي ذ يخَرِّيقن وَاهَا.

1 تيموتاوس 6:20 ပူးပေါင်းရင်းမြစ်များ

ڒخذايم 16:1

يُوْوض بُوْلُس غَار ثنْدِينْت ن دِرْبَا ذ ثنْدِينْت ن لِيْسْتْرَا، يُوْفَا ذِنِّي يجّن ن ومحْضَار قَّارن-اَس تِيْمُوْتَاوُس. يمَّاس نتَّاث ذ ثَئِسْرَائِيلِيث ذ ڒْمُوْمْنَا، بَابَاس ذ اَيُوْنَانِي.

ڒخذايم 17:18

شَان لْفَلَسِفَا ؤُمِي قَّارن يبِيكُوْرِيْين ذ شَان لْفَلَسِفَا نّغْنِي ؤُمِي قَّارن يرِيوَاقِيْين بْذَان تمْنَاقَاشن اَك بُوْلُس نَّان ڒبْعَاض زَّايْسن، مِين يخس اَذ يِينِي وَانِيتَا يتْـپـڒْپِـيڒن وَاهَا؟ نَّان يِوْذَان نّغْنِي يمْكن يتْبشَّار س أَربِّـيثن ن دُّوَل. نَّان مَانَايَا مِينْزِي بُوْلُس يتْبشَّار س عِيْسَى ذ لْقِيَامَا.

ڒخذايم 17:21

(إِيوَا مَارَّا يمزْذَاغ ن ؤُتِينَا نِغ ذ ڒْبَارَّانِي إِي ذَايس يزذْغن سْعدُّوْن مَارَّا ڒْوقْث نْسن ذݣ وَاوَاڒ نِغ ذݣ وصنّط ن شَان ڒْحَاجث ذ جْذِيذ.)

أيث-روما 1:22

حسّْبن خ يِيخف نْسن ذ يمِيغِيسن، نِثْنِي ذوْڒن ذ يبُوْهَاڒِيْين.

أيث-روما 3:2

وَاه، اَطَّاس ن نّْفَع! ذ اَمزْوَارُو، يجَّا-ٱسن-د أَربِّـي اَوَاڒ نّس ذ لْأَمَانَا.

1 أيث-كورينث 2:6

إِنَّمَا، نشِّين نسَّاوَاض يجّن ن وَاوَاڒ ن ڒفْهَامث غَار يِنِّي وَار يقِّيمن شَا ذ يمزْيَانن ذِي لْإِيمَان نْسن. وَلَكِن ڒفْهَامث-أَ وَار د تِيس شَا زِي ڒْوقْث-أَ نِغ زِي لْحُكَّام ن ڒْوقْث-أَ إِݣ يݣُّوْرن اَذ فْنَان.

1 أيث-كورينث 3:19

شُوْف، ڒفْهَامث ن دُّنشْت-أَ نتَّاث ذ ثُوْبُّوْهْڒِيَا وَاهَا غَار أَربِّـي. لِأَنَّا يقَّار لْكِتَاب: <نتَّا يطّف يمِيغِيسن ذݣ يخَارْوِيضن نْسن.>

أيث-كولوس 2:18

وَار تجَّام ؤُڒَا ذ يجّن ن بْنَاذم اَكنِّيو يسْبطّڒ خ لْجَائِزَا. نتَّا بْنَاذم نِّي ذ ونِّي إِݣ يسمْغَارن مِين يقسْحن ذِي دِّين، ئِسمْغَار عَاوذ لْعِبَادَا نِّي إِي زِي عبّْذن لْمَلَائِكَاث. ئِسَّاوَاڒ اَطَّاس ثَا س ثَا خ مِين يࢲْرَا زَعْمَا ذِي شَا ن لْوَاحِي نّس. ڒْعَقڒ نّس يُوْفّ يمْغَر س تَّكبُّر. وَار ذِنِّي بُو أَرُّوْح يقدّْسن، ذِنِّي لْأَفْكَار نّس يخْوَان وَاهَا.

أيث-كولوس 2:8

أَرّم-د ڒْبَاڒ نْوم ؤُڒَا ذ يجّن مَا يزمَّر اَكنِّيو يسْخَرْوض س لْفلْسَفَا نِغ س وغدَّاڒ نِّي يخْوَان عْلَاحْسَاب تَّقَالِيد ن بْنَاذم نِغ عْلَاحْسَاب لْقَوَانِين يقْذِيمن ن دُّنشْت-أَ قَا مَاشِي عْلَاحْسَاب لْمَسِيح.

2 أيث-سلونيك 1:4

خ مَانَايَا ذ كنِّيو إِݣ يدْجَان ذ شَّان نّغ جَار ثْجُمَاع ن ڒْمُوْمِنِين، نسَّاوَاڒ خ صّْبَر نْوم ذ لْإِيمَان نْوم ذِي مَارَّا اَعدّب نِّي ذ مَارَّا ڒمْحَاين نِّي إِي خَاوم إِي تكّن.

2 أيث-سلونيك 2:15

إِذن آي أَيثْمَا، بدّم نِيشَان، طّْفم ذِي تَّعَالِيم نِّي إِي كنِّيو نْسڒْمذ وَاخَّا س وَاوَاڒ نّغ وَاخَّا س ثبْرَات نّغ.

1 تيموتاوس 1:11

تَّعْلِيم-أَ يدْجَان نِيشَان اَث نَاف ذِي لْإِنْجِيل ن أَربِّـي لْعَظِيم إِݣ يتْوَابَرْكن. لْإِنْجِيل-أَ يكلّف-اَيِي-د خَاس نش اَم يِجّن ن لْأَمَنَا.

1 تيموتاوس 1:2

تَارِيغ ثَبْرَات-أَ إِ تِيْمُوْتَاوُس ونِّي إِي يدْجَان اَم ممِّي ذ صَّح ذِي لْإِيمَان. أَكِذش يِيڒِي اَرْضَا ذ اَرَّاحْمث ذ ڒهْنَا زِي أَربِّـي بَابَاثْنغ ذ عِيْسَى لْمَسِيح سِيذِيثْنغ.

1 تيموتاوس 1:4

أَذَاسن ثِينِيذ وَار ذفَّارم شَا ثِحُوْجَا نِغ ذ ثَشجَّارْث نِّي وَار يقطِّين شَا خ ڒجْذُوْذ نْوم. ثِمسْڒَايِين-أَ اَم ثِيْنَا غِيڒ تْسجَّاعنْت-اَنغ بَاش أَ نْودَّار ذِي لْأَفْكَار يخْوَان، وَار ذَانغ ثْسِيوِّيْضنْت شَا غَار مِين يتْخطّط أَربِّـي مِينْزِي مِين ذَانغ يسَاوَّاضن غَار أَربِّـي نتَّا ذ لْإِيمَان.

1 تيموتاوس 1:6

ڒبْعَاض فّْغن زِي ثْمسْڒَايِين-أَ ؤُذْفن ذݣ وَاوَاڒن إِي يخْوَان.

1 تيموتاوس 1:9

نسّن شَّرِيعَا-يَا عَاوذ وَار د ثخْرِيق شَا إِ يِنِّي يسمْصْڒَاحن اَك أَربِّـي. لَّا، ثخْڒق-د إِ يِنِّي يدْجَان ذ يعفَّانن ذ يِنِّي إِي ذِي ثدْجَا ثْغنَّانْت ذ يِنِّي وَار يذفِّيرن شَا أَربِّـي ذ يِنِّي يعصَّان ذ يِنِّي وَار يصْفِين شَا ذ يِنِّي وَار غَار يدْجِي بُو دِّين ذ يِنِّي ينقّن بَابَاثْسن ذ يمَّاثْسن ذ يِنِّي ينقّن يوْذَان

1 تيموتاوس 4:7

فَا اَوْݣّْوج شك خ ثْحُوْجَا نِّي يدْجَان ضد لْإِيمَان إِي تْعَاوَاذنْت ثْوسُّوْرَا وَاهَا، ستْرِينَار يخف نّش عْلَاحْسَاب لْإِيمَان.

1 تيموتاوس 6:11

فَا شك آي اَرْيَاز ن أَربِّـي، ارْوڒ زِي مَارَّا مَانَايَا ذْفَار مِين يدْجَان نِيشَان ذ مِين ذَاس يتعْجِيبن إِ أَربِّـي ذ لْإِيمَان ذ ڒمْحِبّث ذ تَّاسِع ن ڒْخَاضَر ذ تَّوَاضُع.

1 تيموتاوس 6:14

تݣّ س ڒُوْصِيّث-أَ بْڒَا ڒْعِيب بْڒَا شَا ن وخْشِيْو ٱڒ د غَا يمظْهَار سِيذِيثْنغ عِيْسَى لْمَسِيح.

2 تيموتاوس 2:1

إِذن فَا شك آ مِّي، سْجهّذ يخف نّش ذِي اَرْضَا نِّي يدْجَان ذِي عِيْسَى لْمَسِيح.

2 تيموتاوس 2:16

فَا اَوْݣّْوج زݣ وَاوَاڒن نِّي يخْوَان ن يِوْذَان ن دُّنشْت-أَ مِينْزِي اَوَاڒن نْسن اَذ ارْنِين غِير ذِي ڒقْفَاڒث نْسن خ أَربِّـي.

ثبرات غار تيتوس 1:14

مَاشِي اَذ ݣّن اَرَّاي إِ ثْحُوْجَا نِّي ن أَيث-إِسْرَائِيل نِغ اَذ ݣّن اَرَّاي إِ ڒُوْصِيَاث نِّي ن يِنِّي يسْبعَّاذن يخف نْسن زِي لْحَقِيقَا.

ثبرات غار تيتوس 1:4

تَارِيغ ثَبْرَات-أَ إِ تِيتُوْس ونِّي إِي يدْجَان اَم ممِّي ذ صَّح ذِي لْإِيمَان-أَ إِي ذِي نْشَرّش. أَكِذش يِيڒِي اَرْضَا ذ ڒهْنَا زِي أَربِّـي بَابَاثْنغ ذ عِيْسَى لْمَسِيح ونِّي إِي ذَانغ يسْنجْمن.

ثبرات غار تيتوس 1:9

ئِتْخصَّا أُو لَابُد اَذ يطّف مْلِيح ذݣ وَاوَاڒ نِّي إِي ذِي ثدْجَا تِّقث إِي ذَاس يتْوَاسْڒمْذن حمَا اَذ يشجّع يوْذَان س يِجّن ن تَّعْلِيم نِيشَان اَذ ينْهَا يِنِّي يتْعَارَّاضن إِ تَّعْلِيم-أَ.

ثبرات غار تيتوس 3:9

وَلَكِن سِيْݣّْوج يخف نّش زݣ يمْنَاقَارن إِي ذِي ثدْجَا غِير ثُوْبُوْهْڒِيَا أُو عَاوذ زِي لْبَحْت نِّي ن ثْشجُّوْرَا ن ڒجْذُوْذ ذ يمنْغِيْون ذ يمْخَرْوَاضن خ شَّرِيعَا لِأَنَّا نِثْنِي ذ ڒْبَاطڒ وَاهَا وَار نفّْعن شَا قَاع.

لواحي ن يوحنا 3:3

عْقڒ خ تَّعْلِيم إِي ثْقبْڒذ وَامِي ذَاس ثسْڒِيذ. خْذم زِّايس، تُوْب. مڒَا وَار ثدْجِيذ شَا عْلَابَال، نش اَغَارك د اَسغ اَم يِج وشفَّار وَار ثسِّينذ شَا مَان ثْسَاعَّات إِي د غَا اَسغ.