1 تيموتاوس 6:19 - ثريفيث 2020

¹⁹ أَمنِّي إِي غَا خمْڒن اَݣْڒَا إِ يِيخف نْسن اَم يِجّن ن دْسَاس يجهْذن إِ ثُوْذَارْث إِي د غَا يَاسن بَاش اَذ طّْفن مْلِيح ذِي ثُوْذَارْث نِّي إِي يدْجَان ذ ثُوْذَارْث ن صَّح.

1 تيموتاوس 6:19 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 19:21

ينَّا-ٱس عِيْسَى: "مڒَا ثخْسذ اَذ تݣّذ كُڒْشِي نِيشَان، رُوْح زنْز مَارَّا مِين غَارك ذ اَݣْڒَا صدّق-يث خ ڒْمُسَاكِين. سّنِّي اَغَارك يِيڒِي يجّن ن ڒْكنْز ذݣ وجنَّا، ڒخْدّنِّي أَرَاح-د شك ذْفَار-اَيِي-د."

لوقا 12:33

زنْزث اَݣْڒَا نْوم، صدّْقم-ث. ݣّث ثِشمُّوْسِين ن تْمنْيَاث إِي وَار يفنِّين شَا نِثنْتِي ذ يجّن ن ڒْكنْز ذݣ وجنَّا وَار يقطِّين شَا. وَار يتْقَارِّيب شَا ذِنِّي وشفَّار، ثِكشَّاوِين وَار ث تتّنْت شَا.

لوقا 16:25

ينَّا-ٱس بْرَاهِيم: عْقڒ آ مِّي ينُو، شك ثيْسِيذ ڒْحَقّ نّش زِي ڒْخِير ذِي ثُوْذَارْث نّش، لِعَازَر يعِيش مْعَادّب. ڒخُّو نتَّا اَقَاث ذَا مْلِيح، شك اَقَّاش ذِي ڒَعْدَاب.

لوقا 16:9

نش اَذَاوم ينِيغ: ݣّم يمدُّوْكَاڒ زِي ڒوْسخ ن دُّنشْت-أَ. أَتَاف خْمِي غَا يتْوَاقْضَا اَذ تْوَاقبْڒم ذِي ثُوذْرِين ن ڒبْدَا.

لوقا 18:2

ينَّا-ٱسن: "ئِجّن ن تْوَاڒَا ذݣ يِجّن ن ثنْدِينْت يجّن ن ڒْقَاضِي وَار يتݣّْوذ شَا أَربِّـي، وَار يتْوقِّير شَا يوْذَان.

لوقا 18:22

عِيْسَى وَامِي يسْڒَا إِ وَاوَاڒ نّس ينَّا-ٱس: "قَا ثقِّيم-اَش يجّن ن ڒْحَاجث وَار ت ثݣِّيذ شَا. رُوْح زنْز مَارَّا مِين غَارك ذ اَݣْڒَا صدّق-يث خ ڒْمُسَاكِين. سّنِّي اَغَارك يِيڒِي ڒْكنْز ذݣ وجنَّا، ڒخْدّنِّي اَرَاح-د شك ذْفَار-اَيِي-د."

أيث-ݣلاطيا 5:6

لِأَنَّا ذِي عِيْسَى لْمَسِيح يعْنِي بْنَاذم مڒَا يݣَّا طَّهَارث نِغ وَار ت يݣِّي شَا، مَانَايَا وَار ينفّع س وَالُو. مِين ينفّْعن؟ ئِنفّع لْإِيمَان إِݣ يخدّْمن شّْغڒ نّس س ڒمْحِبّث.

أيث-ؤفسوس 3:17

حمَا لْمَسِيح اَذ يزْذغ ذݣ وُوْڒَاون نْوم س لْإِيمَان. تتَّارغ إِ أَربِّـي عَاوذ اَذ تْوَاࢲُّوْم اَذ تُوْوْثم مْلِيح يࢲوْرَان ذݣ وشَاڒ ن ڒمْحِبّث

أيث-فيليـپـي 3:12

وَار يدْجِي شَا صَافِي طّْفغ مَارَّا ثِمسْڒَايِين نِّي نِغ صَافِي وَار ذَايِي بُو شَا ن ڒْعِيب؛ لَّا، نش عَاذ تْحَاوَاڒغ اَذ طّْفغ ثِمسْڒَايِين نِّي إِي زِي ذَايِي يطّف عِيْسَى لْمَسِيح.

أيث-فيليـپـي 3:14

تْحَاوَاڒغ خ مَانَاينِّي إِي خف رزُّوْغ بَاش اَذ ربْحغ لْجَائِزَا نِّي إِي زِي ذَايِي د يڒَاغَا أَربِّـي غَارس غَار وجنَّا س عِيْسَى لْمَسِيح.

1 تيموتاوس 6:12

مْنغ اَمنْغِي نِّي اَصبْحَان ن لْإِيمَان، طّف ذِي ثُوْذَارْث نِّي وَار يفنِّين شَا اَڒ ذَاش د يڒَاغَا أَربِّـي وَامِي ثْشهْذذ شْهَاذث نِّي ثَصبْحَانْت زَّاث إِ وَاطَاس ن ڒشْهُوْذ.

2 تيموتاوس 1:1

نش ذ بُوْلُس ذ يجّن ن اَرَّسُوْل ن عِيْسَى لْمَسِيح س ڒْخَاضَر ن أَربِّـي عْلَاحْسَاب لْوَعذ نِّي إِي ذَانغ يوْعذ خ ثُوْذَارْث نِّي يدْجَان ذِي عِيْسَى لْمَسِيح.

2 تيموتاوس 2:19

وَلَكِن دْسَاس يجهْذن ن أَربِّـي وَار يتنْهزِّي شَا، خَاس إِي نقْشنْت ثِيْرَا-يَا قَّارنْت قَا سِيذِي أَربِّـي قَا يسّن يوْذَان يدْجَان نّس. قَّارنْت عَاوذ قَا مَارَّا يِنِّي يشهّْذن س يِيسم ن سِيذِيثْنغ يتْخصَّا أُو لَابُد اَذ بعّْذن خ شَّرّْ.

1 بطرس 1:4

حمَا أَ نْوَارث يجّن ن وَاݣْڒَا عمَّارْص اَذ يفْنَا عمَّارْص اَذ يخْسَر عمَّارْص اَذ يكْشف ونِّي إِي ذَاوم يتْوَاخمّْڒن ذݣ وجنَّا.