1 تيموتاوس 5:3 - ثريفيث 2020

³ وقَّر ثَاجَّاڒِين إِݣ يدْجَان ذ ثَاجَّاڒِين ذ صَّح.

1 تيموتاوس 5:3 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 23:13

يَا ڒفْضِيحث نْوم آي يمْسڒْمَاذن ن شَّرِيعَا ذ ڒْحِزب ن يفَرِّيسِيْين، آ لْمُنَافِقِين! تقّْنم ثَوَّارْث ن ڒْمُلْك وجنَّا خ يِوْذَان. كنِّيو وَار تِيذْفم، وَار تجِّيم وِي غَا يَاذْفن.

لوقا 2:37

ڒخْدّنِّي يمُّوْث نتَّا، ثقِّيم نتَّاث ذ ثَاجَّاڒْث حتَّا وَامِي ثمُّوْث خ اَرْبعَا أُو ثْمَانِين يسݣّْوُسَا. تْغِيمَا ڒبْدَا ذِي ثمْزِيذَا ثَمقّْرَانْت، ثْعبّذ أَربِّـي تْࢲُوْمَّا تْࢲَادْجَا دْجِيڒث ذ وَاسّ.

لوقا 7:12

وَامِي يقَارّب غَار ثوَّارْث ن وبِيلَاج، يُوْفَا ذِنِّي يْسِين-د يجّن ن ومتِّين اَث نضْڒن. نتَّا إِي غَارس غار يمَّاس وَاحْذس، نتَّاث ذ ثَاجَّاڒْث. أَكِذس ذِنِّي اَطَّاس ن ڒْغَاشِي زݣ وبِيلَاج نِّي.

يوحنا 1:47

عِيْسَى يࢲْرَا نَاثْنَاهِيل يݣُّوْر-د غَارس ينَّا: "وَانِيتَا نِيشَان زِي أَيث-إِسْرَائِيل، وَار ذَايِس بُو يخَارْوِيضن."

ڒخذايم 6:1

ذݣ وُوْسَّان نِّي لْعَدَد ن يمحْضَارن يمَارْنِي. ڒْمُوْمِنِين إِي سَّاوَاڒن س لُّغَا ثَيُوْنَانِيث تْشثْشَان زݣ يِنِّي يسَّاوَاڒن لْعِبْرِيَا، قَّارن قَا نشِّين ثَاجَّاڒِين نّغ وَار ذَاسنْت تِيشّن بُو ڒْحَقّ نْسنْت خْمِي فرّْقن لْمُعْوَانَا مْكُڒ نْهَار.

ڒخذايم 9:39

ئِكَّر بُطْرُس يرُوْح اَكِذْسن. وَامِي يُوْوض سْݣَعّْذن-ث غَار ثْغُوْرْفَات نِّي. نّْضنْت-اَس-د إِ نتَّا مَارَّا ثَاجَّاڒِين، تْرُوْنت سظْهَارنْت-اَس يتْشَامِّيرن ذ يزدْجُوْبَا تُوْغَا ثْخيّض طَابِيتَا وَامِي تُوْغَا ثدْجَا اَكِذْسنْت.

ڒخذايم 9:41

ئِسِيغ-اَس فُوْس نّس، ئِسكَّر-يت-يد. ئِڒَاغَا-د إِ ڒْمُوْمِنِين صَّالِحِين ذ ثَاجَّاڒِين ينَّا-ٱسن اقَا ثدَّر.

1 أيث-سلونيك 2:6

وَار نخْس شَا يرْيَازن اَذَانغ شهَّارن: لَّا كنِّيو، لَّا شَان يرْيَازن نّغْنِي. نشِّين تُوْغَا نْزمَّر اَخَاوم نْزيَّار س سُّلْطَا نّغ اَم اَرُّسُل.

1 تيموتاوس 5:2

ثِوسُّوْرَا اݣّ-يثنْت اَم يمَّاثَاش. ثِحنْجِيرِين اݣّ-يثنْت اَم سُوْيْثْمَاش س يِجّن ن وُوْڒ يصْفَا.

ثبرات غار يعقوب 1:27

دِّين يصْفَان إِي ينْقَان غَار أَربِّـي بَابَاثْنغ مِين يعْنَا؟ يعْنِي بْنَاذم يتْرَاح غَار يُوْجِيڒن ذ ثَاجَّاڒِين اَثن يعَاون ذݣ وزيَّار نْسن، أَذ يحْضَا يخف نّس حمَا وَار ث تْوسِّيخ شَا دُّنشْت-أَ.

1 بطرس 2:17

وقَّارث مَارَّا يوْذَان. سْعِيزّث اَيثْمَاثْوم. ݣّْوْذث زِي أَربِّـي. وقَّارث اَزدْجِيذ.

1 بطرس 3:7

آي يرْيَازن، أَمنِّي يتْخصَّا-يَاوم اَذ تݣّم عَاوذ، أَذ تْعِيشم اَك ثمْغَارِين نْوم س يِجّن ن ڒفْهَامث جَارَاوم. ؤُشم-اَس لْقِيمَا إِ ثمْغَارْث يدْجَان نتَّاث اَم ثْغرَّافْث يتْرزَّان ذغْيَا مِينْزِي ذ نِثنْتِي يتْوَارَّاثن اَكِذْوم لْبَرَكَا ن ثُوْذَارْث. حمَا وَار ذِنِّي تِيڒِي بُو شَان ن ڒْحَاجث اَذ ترز ثْࢲَادْجِيث نْوم.