1 تيموتاوس 5:19 - ثريفيث 2020

¹⁹ وَار قبّڒ شَا تُّوْهْمث ضد إِ ؤُمقّْرَان ن جْمَاعث ن ڒْمُوْمِنِين إِلَّا مڒَا ذِنِّي ثْنَاين نِغ ثْڒَاثَا ن ڒشْهُوْذ تَهَامن-ث.

1 تيموتاوس 5:19 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 18:16

وَلَكِن مڒَا يُوْݣِي اَغَارك يصنّط، أَوِي اَكِذش يجّن نِغ ثْنَاين حمَا اَتَاف لْغَالط نّس سّْنن-ث ثْنَاين نِغ ثْڒَاثَا ن ڒشْهُوْذ.

يوحنا 18:29

ئِفّغ-د غَارْسن لْحَاكم ذ اَرُوْمَانِي قَّارن-اَس بِيلَاطُوْس، ينَّا-ٱسن: "مَان تُّهْمث إِي غَارْوم خ بْنَاذم-أَ؟"

يوحنا 8:17

ثُوْرَا ذِي شَّرِيعَا نْوم س يِيخف نّس بلِّي شْهَاذث ن ثْنَاين ن ڒشْهُوْذ نِيشَان.

ڒخذايم 11:30

أَمنِّي إِي ݣِّين جَارَاسن، ؤُشِين لْمُعَاوَنَا نِّي إِ بَرْنَابَا ذ شَاوُل اَت سِّيوْضن إِ يمقّْرَانن ن جْمَاعث ن ڒْمُوْمِنِين إِي يدْجَان ذِنِّي.

ڒخذايم 25:16

نِّيغ-اَسن: عْلَاحْسَاب لْعَادَا ن اَرُّوْمَانُوْس وَار تْسلِّيمن حَدّ حتَّا ٱذ يمْقَابَاڒ اَك يِنِّي إِي خَاس يݣِّين تُّهْمَا، أَغَارس ثِيڒِي لْفُرْصَا اَذ يذَافع خ يِيخف نّس.

22 أيث-كورينث 13:1

ثَانِيتَا ذ زِّيَارَا وِيس ثْڒَاثَا تَاسغ-د غَارْوم. مَامش يقَّار لْكِتَاب: <كُڒ تُّهْمَا اَخَاس شهْذن ذ دَّلِيل ثْنَاين ن ڒشْهُوْذ نِغ ثْڒَاثَا.>

1 تيموتاوس 4:14

وَار تْفرَّاط شَا ذِي لْقُدْرَا نِّي إِي ذَاش يمُّوْشن عْلَاحْسَاب اَوَاڒ نِّي اَصبْحَان إِي خَاش نَّان لْأَنْبِيَا وَامِي اَيْرَاو ن يمقّْرَانن ن جْمَاعث ن ڒْمُوْمِنِين سرْسن خَاش يفَاسّن نْسن.

1 تيموتاوس 5:17

ئِمقّْرَانن ن جْمَاعث ن ڒْمُوْمِنِين يِنِّي يتحْكَامن مْلِيح أُو لَابُد اَثن تْوقَّرم ذ ضُوْبْلِي، خَاصَّتَان يِنِّي يخدّْمن اَطَّاس ذݣ وحدّث ذ وسڒْمذ.

ثبرات غار تيتوس 1:6

أَمقّْرَان-أَ مَاشِي اَذ يِيڒِي ذ يجّن ن بْنَاذم تْعيَّابن-ث يِوْذَان. أَغَارس ثِيڒِي يجّن ن ثمْغَارْث وَاهَا اَذ يڒِين يحنْجِيرن نّس ذ ڒْمُوْمِنِين. مَاشِي اَخَاسن ينِين يِوْذَان تݣّن لْمَدلَّا ن سّكْرَا نِغ وَار تْسذْحِين شَا.

يعيبرانيين 10:28

ونِّي تُوْغَا يخڒْفن ذِي شَّرِيعَا ن مُوْسَى، مڒَا شهْذن خَاس ثْنَاين نِغ ثْڒَاثَا ن ڒشْهُوْذ اَتَاف اَذ يمّث بْڒَا مَا ث رحْمن.