1 تيموتاوس 1:5 - ثريفيث 2020

⁵ مِين يعنَا لْغَرَض ن ڒُوْصِيّث-أَ؟ لْغَرَض نّس ذ يجّن ن ڒمْحِبّث إِي د يتَاسن زݣ وُوْڒَاون يصْفَان ذ يِجّن ن ضَّمِير ذ اَصبْحَان ذ يِجّن ن لْإِيمَان بْڒَا نِّفَاق.

1 تيموتاوس 1:5 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 12:35

بْنَاذم اَصبْحَان يسُوْفُوْغ-د مِين يدْجَان ذ اَصبْحَان زِي ڒْكنْز اَصبْحَان ن وُوْڒ نّس. بْنَاذم اَعفَّان يسُوْفُوْغ-د مِين يدْجَان ذ اَعفَّان زِي ڒْكنْز اَعفَّان ن وُوْڒ نّس.

أَسڒْمذ ن سِيذِيثْنغ عِيْسَى لْكِتَاب ن مَتَّى 5:8

سَّعْذ نْسن إِ يِنِّي غَار يدْجَا وُوْڒ ذ اَشمْڒَاڒ، أَقَا اَذ ࢲرن أَربِّـي.

ڒخذايم 15:9

وَار يݣِّي بُو س وُوْذمَاون جَارَانغ، ئِسِيرذ-اَسن ؤُڒَاون نْسن وَامِي ؤُمْنن.

ڒخذايم 23:1

ئِخْزَر مْلِيح بُوْلُس غَار جْمَاعث ن لْحُكَّام ن أَيث-إِسْرَائِيل ينَّا-ٱسن: "آي اَيثْمَا، قَا نش ݣِّيغ لْوَاجِب نِيْشَان اَك أَربِّـي، زِي قْبڒ حتَّا نْهَارَا نش ضَّمِير ينُو مرْتَاح."

ڒخذايم 24:16

فَلِهَاذَا تݣّغ مَارَّا جّْهذ ينُو بَاش اَذ عِيْشغ س يِجّن ن ضَّمِير مرْتَاح زَّاث إِ أَربِّـي ذ يِوْذَان.

أيث-روما 10:4

لِأَنَّا لْمَسِيح ذَايس ذِي نتَّا إِي ثْكمّڒ شَّرِيعَا حمَا مَارَّا وِي زَّايس غَا يَامْنن اَذ يمصْڒَاح اَك أَربِّـي.

أيث-روما 12:9

ڒمْحِبّث يتْخصَّا اَذ تِيڒِي بْڒَا نِّفَاق. عِيفّث مِين يدْجَان ذ شَّرّْ، طّْفث ذِي مِين يدْجَان ذ ڒْخِير.

أيث-روما 14:15

لِأَنَّا مڒَا يتْخيَّاق وُوْمَاش س مَشَّا نِّي إِي تتّذ، أَتَاف شك وَار ثُوْݣُّوْرذ شَا نِيشَان س ڒمْحِبّث. وَار تݣّ شَا مَشَّا نّش ذ سَّبَاب إِي زِي غَا ينهْذم وُوْمَاش ونِّي مِيخ يمُّوْث لْمَسِيح.

أيث-روما 9:1

سَّاوَاڒغ ڒْحَقّ ذِي لْمَسِيح وَار يدْجِي بُو ذ يخَرِّيقن. ڒَعْقڒ ينُو أُو ذ اَرُّوْح يقدّْسن اَذَايِي صَحّن مِين غَا ينِيغ.

1 أيث-كورينث 13:1

مَعْلِيك سَّاوَاڒغ س يِيڒسَاون ن يثَرَّاسن س لُّغَا، مَعْلِيك سَّاوَاڒغ س لُّغَا ن لْمَلَائِكَاث يعْنِي رُوْحِيَا، مَاشَا ڒمْحِبّث وَار ذَايِـي تِيڒِي شَا، إِڒِي تْسدَّاعغ اَم يِج ن دَرْبُوْݣَا، تمْقرْقَابغ اَم ڒقْرَاقب وَاهَا.

22 أيث-كورينث 1:12

أَقَا نشِّين نْتفْتَخَر زِي ضَّمِير نّغ يعْنِي يشهّذ بلِّي نُوْيُوْر مْلِيح ذِي دُّنشْت-أَ خَصَّاتَن اَكِذْوم س يِجّن ن نِّيّث ذ وُوْڒ يصْفَان زِي أَربِّـي. وَار يدْجِي بُو س يِجّن ن ڒفْهَامث ن دُّنشْت-أَ؛ لَّا، س يِجّن ن اَرْضَا ن أَربِّـي.

أيث-ݣلاطيا 5:22

فَا مِين د يتَارو أَرُّوْح يقدّْسن؟ ئِتَارو-د ڒمْحِبّث ذ ڒفْرَاحث ذ ڒهْنَا ذ تَّاسِع ن ڒْخَاضَر ذ ڒْخِير ذ وُوْڒ اَشمْڒَاڒ ذ بْنَاذم ذِي يدْجَا تِّقث

أيث-ݣلاطيا 5:6

لِأَنَّا ذِي عِيْسَى لْمَسِيح يعْنِي بْنَاذم مڒَا يݣَّا طَّهَارث نِغ وَار ت يݣِّي شَا، مَانَايَا وَار ينفّع س وَالُو. مِين ينفّْعن؟ ئِنفّع لْإِيمَان إِݣ يخدّْمن شّْغڒ نّس س ڒمْحِبّث.

1 تيموتاوس 1:18

آ وُلِدِي تِيْمُوْتَاوُس، أَذَاش ؤُشغ لْمَسْؤُلِيَا-يَا ثَانِيتَان عْلَاحْسَاب اَوَاڒن نِّي إِي خَاش نَّان لْأَنْبِيَا زِي قْبڒ بَاش خْمِي خَاسن غَا ثْعقْڒذ اَتَاف اَذ تْمنْغذ مْلِيح اَمنْغِي-يَا اَصبْحَان،

1 تيموتاوس 1:19

أَتَاف اَغَارش يِيڒِي لْإِيمَان نّش ذ يِجّن ضَّمِير ذ اَصبْحَان. مَاشِي اَم ڒبْعَاضِيث سمْحن ذِي مَانَايَا أُوْشَا لْإِيمَان نْسن يغَرق اَم يِج وغَرَّابُو ذِي ڒبْحَر.

1 تيموتاوس 3:9

ئِمْسخَّارن-أَ يتْخصَّا لَابُد اَذ طّْفن ذِي ڒْمَعْنَا ينُوْفَّرن ن لْإِيمَان س يِجّن ن ضَّمِير يصْفَا.

2 تيموتاوس 1:3

تْشكَّرغ أَربِّـي ونِّي عبّْذغ زِي ڒجْذُوْذ ينُو س يِجّن ن ضَّمِير يصْفَان. تتَّارغ-اَس إِ أَربِّـي خَاش دْجِيڒث ذ نْهَار بْڒَا مَا ٱذ بدّغ.

2 تيموتاوس 1:5

عقْڒغ خ لْإِيمَان نّش بْڒَا نِّفَاق ونِّي يدْجَان ذ اَمزْوَارُو ذِي حنَّاش لْوِيزَا ذ يمَّاش أَنِيسَا. ڒخُّو تيّْقغ ذ صَّح بلِّي اَقَاث ذَايش ؤُڒَا ذ شك.

2 تيموتاوس 2:22

فَا ارْوڒ زِي شَّهَاوَاث نِّي ثِعفَّانِين ن ثمْࢲِي، ذفَّار صُّلْح ذ لْإِيمَان ذ ڒمْحِبّث ذ ڒهْنَا اَك يِنِّي إِي د يڒَاغَان خ سِيذِيثْنغ س يِجّن ن وُوْڒ يصْفَا.

ثبرات غار تيتوس 1:15

أَقَا يِنِّي إِݣ يدْجَان صْفَان اَتَاف قَاع ثِمسْڒَايِين اَذَايْسن يڒِينْت صْفَانْت. وَلَكِن يِنِّي يخنْزن وَار ؤُمِينن شَا اَتَاف وَار ذَايْسن تِيڒِي ؤُڒَا ذ يجّن ن ثْمسْڒَايْث ثصْفَا. أَتَاف ڒْعَقُوْرَاث نْسن ذ ضَّمِيرَاث نْسن س ثْنَاين تخْنِيزن.

يعيبرانيين 13:18

تَّارث إِ أَربِّـي خَانغ. أَقَا نشِّين متْأَكدِّين ضَّمِير نّغ مرْتَاح، نْرزُّو أَ نخْذم س ڒحْيَا مَارَّا ثِمسْڒَايِين.

يعيبرانيين 9:14

مڒَا اَمنِّي، مشْحَاڒ إِي ذَانغ غَا سِّيصْفَان يذَامّن ن لْمَسِيح كْتَار! نتَّا يرُوْح س أَرُّوْح نِّي يتْدُوْمَان إِ ڒبْدَا يقدّم يخف نّس بْڒَا ڒْعِيب إِ أَربِّـي، ئِذَامّن نّس اَذَانغ سِّيصْفَان ضَّمِير نّغ زِي سَّايِأَث بَاش أَ نعْبذ أَربِّـي يدَّرن.

ثبرات غار يعقوب 4:8

أَذْسث غَار أَربِّـي، نتَّا اَغَارْوم د يَاذس. آ يِنِّي يخْضَان، سِيرْذث يفَاسّن نْوم. آ يِنِّي كُڒ ڒَعْقڒ مِين ذَاوم يقَّار، سصْفَاث ؤُڒَاون نْوم.

1 بطرس 1:22

ڒخُّو ثسِّيصْفَام يخف نْوم وَامِي ثْطَاعم إِ لْحَقِيقَا بَاش اَذ تِيڒِي ذَايْوم يجّن ن ڒمْحِبّث جَار وَاوْمَاثن بْڒَا نِّفَاق. س مَانَايَا يتْخصَّا-كنِّيو اَذ ثخْسم اَيَاوْيَا اَطَّاس س وُوْڒَاون نْوم.

1 بطرس 3:16

ذ يِجّن ن ضَّمِير مرْتَاح. أَمُّو يِنِّي خَاوم يقَّارن ڒْبَاطڒ اَتَاف اَذ سذْحَان س ثِيْشْرِي نْوم ثَصبْحَانْت إِي خَاوم تْعيَّابن نِثْنِي.

1 بطرس 3:21

أَمَان-أَ نِثْنِي ذ يجّن لْمِثَال خ طَّهَارث نّغ ن وَامَان إِي كنِّيو يسنْجَامن ڒخُّو. مَاشِي اَذ يتْوَاكّس ڒوْسخ زِي دَّات نّغ؛ لَّا، طَّهَارث-أَ نتَّاث ذ يجّن ن ؤُڒَاغِي نْوم إِ أَربِّـي بَاش اَذَاوم د يُوْش يجّن ن ضَّمِير مرْتَاح. مَانَايَا خ سَّبَاب ن عِيْسَى لْمَسِيح وَامِي د يكَّر زِي ڒْموْث.

1 بطرس 4:8

مِين يدْجَان مُهِم قَاع؟ ئِتْخصَّا اَذ تْحِبّم اَيَاوْيَا زݣ وُوْڒ مِينْزِي ڒمْحِبّث ثْقطَّا خ وَاطَّاس ن دُّنُوْب.

2 بطرس 1:7

أُو عَاوذ اَرْنِيم ڒْخِير جَار وَاوْمَاثن اَك طَّاعَا-يَا نْوم إِ أَربِّـي؛ أُو عَاوذ اَرْنِيم ڒمْحِبّث اَك ڒْخِير-أَ نْوم جَار وَاوْمَاثن.

1 يوحنا 3:10

مَامّش غَا نݣّ أَ نسْفرق ثَارْوَا ن أَربِّـي ذ ثَارْوَا ن إِبْڒِيس؟ قَا يِنِّي وَار يقِّيمن شَا سْخدَّامن مِين يدْجَان نِيْشَان وَار دْجِين شَا زِي أَربِّـي. عَاوذ ونِّي وَار يتخْسن شَا ؤُمَاس وَار يدْجِي شَا زِي أَربِّـي.

1 يوحنا 3:23

أَقَا ثَانِيتَا ذ ڒُوْصِيّث نّس أَ نَامن زݣ يِيْسم ن مِّيس عِيْسَى لْمَسِيح، أَ نْتخْس اَيَاوْيَا اَم مَامّش إِي ذَانغ د يوصَّا نتَّا.

1 يوحنا 3:3

أُو مَارَّا ونِّي غَار يدْجَا لْأَمَال-أَ اَذ يسِّيصْفَا يخف نّس اَم مَامّش يدْجَا نتَّا يصْفَا.