1 تيموتاوس 1:12 - ثريفيث 2020

¹² تْشكَّرغ سِيذِيثْنغ عِيْسَى لْمَسِيح ونِّي إِي ذَايِي يُوْشِين جّْهذ نّس يُوْفَا ذَايِي تِّقث يسِيذف-اَيِي غَار ڒْخذْمث نّس.

1 تيموتاوس 1:12 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 20:4

ينَّا-ٱسن: رُوْحم ؤُڒَا ذ كنِّيو غَار ومَرْجع ينُو، أَتَاف اَذَاوم خدْجْسغ مِين ثسْذَاهدْجم.

يوحنا 5:23

حمَا مَارَّا اَذ كَرْمن مِّيس اَمش تْكَرَّامن بَابَاس. ونِّي وَار يتْكَرِّيمن شَا مِّيس وَار يتْكَرِّيم شَا ؤُڒَا ذ بَابَاس إِي ثِيذ يسّكّن.

ڒخذايم 16:15

وَامِي ثتْوَاطهَّار س وَامَان نتَّاث ذ ڒحْبَاب نّس، ثتَّار زَّايْنغ ثنَّا-ٱنغ: "أَرَاحم-د غَار ثدَّارْث ينُو قِّيمم اَكِذِي يعْنِي مڒَا ثْتيّْقم بلِّي نش ؤُمْنغ زِي سِيذِي أَربِّـي." ثْحشّم-اَنغ نتَّاث اَڒ وَامِي نقْبڒ.

ڒخذايم 9:15

ينَّا-ٱس سِيذِيثْنغ: "لَّا رُوْح، قَا اَرْيَاز-أَ ذ نش إِي ث يخْضَرن اَث سّكّغ حمَا اَذ يسِّيوض يسم ينُو إِ ينِّي وَار يدْجِين شَا زِي أَيث-إِسْرَائِيل، ذ يزدْجِيذن نْسن، ذ يسْرَائِيلِيْين.

ڒخذايم 9:22

شَاوُل نتَّا يَرْنِي يتْحدَّاث س جّْهذ، يسذْهَاش أَيث-إِسْرَائِيل إِݣ يزدّْغن ذِي دِمَشق، ئِسبيّن-اَسن-د س وَاوَاڒ نّس قَا عِيْسَى ذ لْمَسِيح.

1 أيث-كورينث 15:10

وَلَكِن نش س اَرْضَا ن أَربِّـي ذوْڒغ مَامّش دْجِيغ ڒخُّو. ثُمَّا اَرْضَا نّس وَار يدْجِي بُو خَافِي س بْڒَا نّْفَع؛ لَّا، نش شَّاثغ تَمَارَا كْتَار زَّايْسن مَارَّا. مَاشِي ذ نش زَعْمَا؛ لَّا، ذ اَرْضَا ن أَربِّـي إِي كِذِي.

1 أيث-كورينث 3:5

إِيوَا مِين يعْنَا أَپُــوْلُّوْس؟ مِين يعْنَا بُوْلُس؟ نشِّين ذ يخدَّامن وَاهَا، ثُوْمْنم خ وفُوْس نّغ مَامّش ذَانغ د يُوْشَا سِيذِي أَربِّـي أَ نخْذم.

1 أيث-كورينث 7:25

فَا ڒخُّو اَذ سِّيوْڒغ خ ثْحَرْمُوْشِين وَار يمْڒِيشن شَا. وَار غَارِي بُو ڒُوْصِيّث زِي سِيذِيثْنغ؛ لَّا، قَّارغ مَانَايَا س اَرَّاي ينُو. تيّْقم ذَايِي عْلَاحْسَاب اَرَّاحْمث ن سِيذِيثْنغ.

22 أيث-كورينث 4:1

س مَانَايَا، وَار نْتفْشِيڒ شَا مِنْزِي غَارْنغ ڒْعَهذ-أَ وَانِيتَا س اَرَّحْمث ن أَربِّـي.

أيث-ݣلاطيا 3:26

ذِي عِيْسَى لْمَسِيح اَقَا كنِّيو مَارَّا إِذْوم ذ ثَارْوَا ن أَربِّـي س لْإِيمَان.

أيث-ݣلاطيا 3:28

وَار ذِنِّي لَّا اَئِسْرَائِيلِي نِغ ذ اَيُوْنَانِي. وَار ذِنِّي لَّا يسْمغ نِغ ذ ونِّي يدْجَان حُرّ. وَار ذِنِّي لَّا اَرْيَاز لَّا ثَمْغَارْث. أَقَا كنِّيو مَارَّا إِذْوم ثْمُوْنم ذ يجّن ذِي عِيْسَى لْمَسِيح.

أيث-فيليـپـي 2:11

أَذ يعْتَرف كُڒ يِيڒس اَذ يِينِي خ عِيْسَى لْمَسِيح قَا نتَّا ذ سِيذِيثْنغ اَزَّايس يسمْغَار أَربِّـي بَابَاثْنغ.

أيث-فيليـپـي 4:13

قَاع ثِمسْڒَايِين زمَّرغ-اَسنْت س ونِّي إِي ذَايِي يتشّن جّْهذ.

أيث-كولوس 1:25

جْمَاعث-أَ ذوْڒغ غَارس نش ذ يجّن ن وخدَّام نّس عْلَاحْسَاب لْوَاجِب نِّي زِي أَربِّـي إِي ذَايِي د يمُّوْشن بَاش اَكنِّيو بشَّرغ س وَاوَاڒ يكْمَاڒ ن أَربِّـي.

1 تيموتاوس 1:1

نش ذ بُوْلُس ذ اَرَّسُوْل ن عِيْسَى لْمَسِيح س لْأَمَر ن أَربِّـي ونِّي إِي ذَانغ يسنْجَامن ذ عِيْسَى لْمَسِيح نتَّا ذ لْأَمَال نّغ.

1 تيموتاوس 1:11

تَّعْلِيم-أَ يدْجَان نِيشَان اَث نَاف ذِي لْإِنْجِيل ن أَربِّـي لْعَظِيم إِݣ يتْوَابَرْكن. لْإِنْجِيل-أَ يكلّف-اَيِي-د خَاس نش اَم يِجّن ن لْأَمَنَا.

1 تيموتاوس 1:2

تَارِيغ ثَبْرَات-أَ إِ تِيْمُوْتَاوُس ونِّي إِي يدْجَان اَم ممِّي ذ صَّح ذِي لْإِيمَان. أَكِذش يِيڒِي اَرْضَا ذ اَرَّاحْمث ذ ڒهْنَا زِي أَربِّـي بَابَاثْنغ ذ عِيْسَى لْمَسِيح سِيذِيثْنغ.

1 تيموتاوس 6:13

تْوصِّيغ-شك زَّاث إِ أَربِّـي ونِّي يسدَّرن قَاع ثِمسْڒَايِين أُو زَّاث إِ عِيْسَى لْمَسِيح ونِّي يشهْذن شْهَاذث نِّي ثَصبْحَانْت زَّاث إِ لْحَاكم بُوْنْطُوْس بِلَاطُوْس.

2 تيموتاوس 2:2

ثِمسْڒَايِين نِّي إِي ثسْڒِيذ زَّايِي زَّاث إ وَاطَّاس ن ڒشْهُوْذ، اجّ-يثنْت اَم يِجّن ن لْأَمَانَا اَك يرْيَازن اَتَاف ذَايْسن تِّقث، عَاوذ يرْيَازن نِّي زمَّرن اَذ سْڒمْذن يوْذَان نّغْنِي.

2 تيموتاوس 4:17

ذ سِيذِيثْنغ إِي كِذِي يبدّن غَار وغزْذِيس ينُو يُوْشَا-ٱيِي جّْهذ حمَا زَّايِي نش اَذ يتْوَابشَّر لْإِنْجِيل يكْمَاڒ اَث سْڒن مَارَّا يِنِّي وَار يدْجِين شَا زِي أَيث-إِسْرَائِيل، سّنِّي نش فڒْثغ زݣ ؤُقمُّوْم ن سّْبَاع.

ثبرات غار تيتوس 1:4

تَارِيغ ثَبْرَات-أَ إِ تِيتُوْس ونِّي إِي يدْجَان اَم ممِّي ذ صَّح ذِي لْإِيمَان-أَ إِي ذِي نْشَرّش. أَكِذش يِيڒِي اَرْضَا ذ ڒهْنَا زِي أَربِّـي بَابَاثْنغ ذ عِيْسَى لْمَسِيح ونِّي إِي ذَانغ يسْنجْمن.

ثبرات غار فليمون 1:9

وَلَكِن حْسن اَش تَّارغ مَانَايَا س ڒمْحِبّث. إِيوَا نش ذ بُوْلُس اَقَايِي نُمْغَارغ، ڒخُّو اَقَايِي عَاوذ ذِي ڒحْبس عْلَاحْسَاب سِيذِيثْنغ عِيْسَى.