1 أيث-سلونيك 5:9 - ثريفيث 2020

⁹ قَا وَار ذَانغ يخْضَر شَا أَربِّـي بَاش اَخَانغ يكّ وغْضَب؛ لَّا، قَا يخْضَر-اَنغ بَاش أَ ننْجم س وفُوْس ن سِيذِيثْنغ عِيْسَى لْمَسِيح.

1 أيث-سلونيك 5:9 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 26:24

مِّيس ن بْنَاذم اَذَاس يوْقع عْلَاحْسَاب مَامش خَاس يقَّار لْكِتَاب، وَلَكِن يَا ڒفْضِيحث ن بْنَاذم نِّي إِي ث غَا يزّنْزن! حْسن إِ نتَّا مْڒِي وَار د يخْڒِيق شَا."

ڒخذايم 1:20

ئِقَّار لْكِتَاب ن زَّبُوْر: أَربِّـي اَذ يخْڒَا ثَدَّارْث ن ونِّي وَار ذَايس يزدّغ حَدّ. ئِقَّار عَاوذ: ڒْخذْمث نّس اَت يطّف يجّن نّغْنِي.

ڒخذايم 1:25

أَكِذْنغ يِيڒِي ذِي ڒْخذْمث-أَ، أَذ يذْوڒ ذ اَرَّسُوْل ذݣ ومْشَان ن يَهُوْذَا ونِّي إِݣ يسمْحن ذِي ڒْخذْمث-أَ يرُوْح غَار ومْشَان نّس اَعفَّان."

ڒخذايم 13:48

يِنِّي وَار يدْجِين شَا زِي أَيث-إِسْرَائِيل وَامِي سْڒِين مِين ينَّا بُوْلُس، فَرْحن حمّْذن إِ وَاوَاڒ ن سِيذِي أَربِّـي. ؤُمْنن مَارَّا يِنِّي يخْضَر أَربِّـي إِ ثُوْذَارْث ن ڒبْدَا.

أيث-روما 11:30

شُوْف، ذِي ڒْوقْث نِّي يعْذُوْن تُوْغَا كنِّيو ثْعصَّام أَربِّـي، يرْحم-يكنِّيو ڒخُّو س سَّبَاب ن ڒْمُعْصِيّث نِّي ن أَيث-إِسْرَائِيل.

أيث-روما 11:7

إِذن، مِيخف رزُّوْن أَيث-إِسْرَائِيل وَار ث ؤُفِين شَا، يِنِّي يتْوَاخْضَرن ؤُفِين-ث. يِنِّي يقِّيمن، ؤُڒَاون نْسن تْوَاقْسْحن.

1 أيث-سلونيك 1:10

حمَا اَذ تْرَاجَام مِّيس إِي د غَا يَاسن زݣ وجنَّا ونِّي إِي د يسكَّر أَربِّـي زݣ يمتِّينن يعْنِي عِيْسَى إِي ذَانغ يسنْجَامن زݣ وغْضَاب نِّي إِي د غَا يَاسن.

1 أيث-سلونيك 3:3

نسّكّ-يث حمَا ؤُڒَا ذ يجّن وَار يترْجِيجِي شَا س ڒمْحَاين-أَ نْوم؛ أَقَا ثسّْنم بلِّي مَانَايَا إِي خَانغ يُوْرِين.

1 تيموتاوس 1:13

نش قْبڒ تُوْغَا قَّارغ اَوَاڒن وَار يحْڒِين خ أَربِّـي تْعدَّابغ ڒْمُوْمِنِين، نش ذ يجّن بْنَاذم يضدْجْمن. وَاخَّا تُوْغَا خذْمغ مَانَاينِّي يسظْهَار-اَيِي-د أَربِّـي اَرَّاحْمث نّس لِأَنَّا خذْمغ مَانَاينِّي س ڒقْفَاڒث ينُو بْڒَا مَا ٱذ سّْنغ مِين يدْجَان نِيشَان، ؤُڒ ينُو وَار ذَايس بُو لْإِيمَان.

1 تيموتاوس 1:16

وَامِي نش ذ لْعَاصِي ذ اَمقّْرَان خَاسن مَارَّا يسظْهَار-اَيِي-د أَربِّـي اَرَّحْمث نّس بَاش عِيْسَى لْمَسِيح اَزَّايِي د يسْمظْهَار مَارَّا صْبَار نّس اَذ يِيڒِي مَانَايَا ذ يجّن ن لْمِثَال إِ يِنِّي إِي زَّايس غَا يَامْنن اَغَارْسن ثِيڒِي ثُوْذَارْث ن ڒبْدَا.

2 تيموتاوس 2:10

خ مَانَايَا نش صبَّارغ خ مَارَّا ثِمسْڒَايِين عْلَاحْسَاب يِنِّي يتْوَاخْضَرن حمَا ؤُڒَا ذ يِيْنَا اَذ نجّْمن س وفُوْس ن عِيْسَى لْمَسِيح، أَكِذس يجّن لْعَظَمَا إِي وَار يفنِّين شَا.

1 بطرس 2:10

تُوْغَا كنِّيو ذݣ يِجّن ن ڒْوقْث مَاشِي ذ ڒْݣنْس، ڒخُّو كنِّيو ثْذوْڒم ذ شَّعْب ن أَربِّـي. تُوْغَا ذݣ يِجّن ن ڒْوقْث وَار ثسِّينم شَا اَرَّاحْمث ن أَربِّـي، ڒخُّو ثسّْنم اَرَّاحْمث نّس.

1 بطرس 2:8

أُو عَاوذ يقَّار: <ئِج ن تِّيرْشث إِي ذِي تنْقْڒَاضن يِوْذَان، ذ يجّن ن وزْرُو إِي ثن يغطّْڒن.> قَا تنْقْڒَاضن ذَايس مِينْزِي عصَّان اَوَاڒ نّس، أَمنِّي إِي خَاسن يُوْرَا.

2 بطرس 1:1

نش ذ سِمْعَان بُطْرُس ذ يجّن ن ڒْعَبْذ ن عِيْسَى لْمَسِيح ذ اَرَّسُوْل نّس. تْسكِّيغ-د ثَبْرَات-أَ إِ يِنِّي يقبْڒن نّفْس لْإِيمَان اَم ونِّي إِي نقْبڒ نشِّين س صُّلْح نِّي ن أَربِّـي ذ عِيْسَى لْمَسِيح ونِّي إِي ذَانغ يسنْجَامن.

2 بطرس 2:3

عْلَاحْسَاب اَعدِّيس نْسن اَذَاوم شّن ڒْمُوْخ س وَاوَاڒن إِي تْسَايَاسن وَاهَا. مشْحَاڒ زݣ وَامِي لْعِقَاب نْسن عَاذ يتْرَاجَا-ثن وَار يتطّص شَا.

ثبرات زي يهوذا 1:4

أَقَا شَا يثَرَّاسن ؤُذْفن-د جَارَاوم وَار ذَاسن د ثَارِّيم بُو ڒخْبَار، قَا لْعِقَاب نْسن يُوْرَا خَاس مشْحَاڒ زݣ وَامِي. يِيْنَا عصَّان أَربِّـي، سْعوَّاجن اَرْضَا نّس بَاش اَغَارْسن يِيڒِي اَم شَان ن تّسْرِيح ن شّهْوث. نكَّرن عِيْسَى لْمَسِيح إِي يدْجَان ذ مَوْلَانَا نّغ قَا نتَّا ذ سِيذِيثْنغ وَاحْذس.