1 أيث-سلونيك 5:5 - ثريفيث 2020

⁵ لَّا، كنِّيو مَارَّا ذ ثَارْوَا ن ثْفَاوْث ذ يحنْجِيرن ن نْهَار. وَار ندْجِي شَا ذ ثَارْوَا ن دْجِيڒث نِغ ن ثَادْجسْت.

1 أيث-سلونيك 5:5 ပူးပေါင်းရင်းမြစ်များ

لوقا 16:8

بَاب ن شِّي يشكَّر اَوقَّاف نّس ذِي يدْجَا لْحِيلَا خ ڒفْطَانث نّس. شُوْف، ثَارْوَا ن زْمَان-أَ ذَايْسن ڒفْطَانث جَارَاسن كْتَار زِي ثَارْوَا ن نُّوْر.

يوحنا 12:36

خْمِي عَاذ غَارْوم نُّوْر، أَمْنث زِي نُّوْر-أَ حمَا كنِّيو اَذ تْذوْڒم ذ ثَارْوَا ن نُّوْر." وَامِي ينَّا مَانَايَا عِيْسَى يُوْيُوْر ينُّوْفَّر زَّايسن.

ڒخذايم 26:18

بَاش اَذَاسن ثرزْمذ ثِيطَّاوِين نْسن، أَثن ثسْبعّْذذ زِي ثَادْجسْت غَار نُّوْر، اَثن ثسْبعّْذذ زِي سُّلْطَا ن شِّيطَان غَار أَربِّـي. أَمُّو اَذَاسن تْوَاغْفَرنْت ڒْمُعْصِيَاث نْسن اَغَارْسن يِيڒِي ومْشَان اَك صَّالِحِين يعْنِي س لْإِيمَان إِي ذَايِي إِي ݣِّين.

أيث-ؤفسوس 5:8

شُوْف، ذݣ يِجّن ن ڒْوقْث كنِّيو تُوْغَا ذ ثَادْجسْت، ڒخُّو كنِّيو ثْذوْڒم ذ يجّن ن نُّوْر ذِي سِيذِي أَربِّـي. إِيوَا عِيشث اَم ثَارْوَا ن نُّوْر.

1 أيث-سلونيك 5:8

نشِّين لَّا، نشِّين ذ ثَارْوَا ن نْهَار، أَغَارْنغ يِيڒِي ڒَعْقڒ. أَ نݣّ ثْجِيلِيت نِّي ن ڒحْذِيذ يدْجَان نتَّاث ن لْإِيمَان ذ ڒمْحِبّث. أَ نݣّ لْكَاسْك نّغ يدْجَان نتَّا ذ لْأَمَال ن ؤُفكِّي.

1 يوحنا 2:8

وَلَكِن نتَّاث عَاوذ ذ يجّن ن ڒُوْصِيّث ذ جْذِيذ إِي ذَاوم د ؤُرِيغ. لْحَقِيقَا نّس نتْوَاڒَا-ت ذِي عِيْسَى نتْوَاڒَا-ت ذَايْوم ڒَاحقَّاش ثَادْجسْت ثْعدُّو، ڒخُّو نُّوْر ن صَّح صَافِي يتْشعْشِيع-د.